4. Mose 14:12 - O Debleskro Lab 2024 (Sinte-Manouche)

¹² Me kamau i pharo nasslepen pral lende te anell oun len te marell. Oun kamau te venn toutar yaake boud menshe, te venn le i natsyona, hoy bareder oun zorleder hi har kal menshe.”

O Debleskro Drom 2021 (Sinte)

¹² Me kamau i pharo nasslepen pral lende te anell un len te marell. Un kamau te wenn tutar jaake bud menshe, te wenn le i natsjona, hoi bareder un sorleder hi har kal menshe.”

4. Mose 14:12 Iomraidhean Croise

2. Samuel 24:1

Oun o baro Devel vas pale rhoyedo ap o Israel. Oun yob kras, te anell o David bibarht ap kol menshende an Israel, oun penas leske: “Dja koy oun hatse vin, har boud morsha hi an Israel oun an Youda!”

2. Mose 32:10

Ma rike man pale, te anap miri bari rholi pral lende, oun dap len temerl. Tire čavendar krau me i bari natsyona.”

2. Mose 5:3

O Mose oun o Aron penan ap o Farao: “O baro Devel, ko Devel, koles i Hebrearya an-mangenn, yob moukas pes glan mende te dikell. Kanna, mouk men triin divessa dour te djal an o moulo tato them. Mer kamah maro Debleske kote firhen te marell. Oun kova te krah mer gar, nay vell lo rhoyedo ap mende, yaake te vell baro nasslepen oun kourepen ap mende.”

Ezekiel 20:13

Ninna an o moulo tato them moukan pen i Israelitarya či mandar te penell. Yon djivan gar yaake, har lendar kamom. Oun ap mire čačepaskre laba dan le či. Oun mire čačepaskre laba hi kolla, kolentsa o mensho djido ačell, te rikrell lo pes ap lende. Oun yon kran boud koova ap o Debleskro dives, hoy hounte krans le gar, oun yaake vom gar sharedo. Kote kamom miri rholi pral lende vin te čorell, te hounte merans le lauter an o moulo tato them.

3. Mose 26:25

Me moukau kourepen an t'maro them vin te phagell, oun dau t'men pale, te rikran gar dren, hoy mantsa vin kran. Oun te khatrenn t'mer t'men palle an t'mare forya, palle bičrau i pharo nasslepen mashkral t'mende, oun dau t'men an i vasta kolendar, kay kourenn pen t'mentsa.

4. Mose 25:9

Oun lestar meran 24.000 (biish-te-star-zerya) menshe.

5. Mose 28:21

O baro Devel moukell yek nasslepen pal o vavar ap t'mende te vell, bis te bouder kek t'mendar djivell an ko them, an koleste t'mer van, te lenn les t'menge dren.