4. Mose 14:11 - O Debleskro Lab 2024 (Sinte-Manouche)

¹¹ Oun o baro Devel penas ap o Mose: “Har rah rakrenn kol menshe djoungeles pral mande? Oun har rah kamenn yon gar ap mande te patsell, vitar gar, kay krom yaake boud baro oun zorelo koova pash lende?

O Debleskro Drom 2021 (Sinte)

¹¹ Un o baro Dewel penas ap o Mose: “Har rah rakrenn kol menshe djungeles pral mande? Un har rah kamenn jon gar ap mande te patsell, witar gar, kai krom jaake bud baro un sorelo koowa pash lende?

4. Mose 14:11 Iomraidhean Croise

Debleskri gili 106:24

Oun lenge his ko shoukar them či moldo, oun patsan gar ap ko lab, hoy o Devel len das.

Debleskri gili 78:22

Yon patsan gar, te hi lengro Devel ap lengri rig, oun dikan gar ap leste, te dell lo len, hoy len hounte vell.

Debleskri gili 78:32

Ninna te dikan le kova lauter, anan le pale te pale doosh ap pende, oun patsan gar ap lauter, hoy kras yob an peskri bari zoor.

Debleskri gili 95:8

Ma pandenn t'mare djia, har t'mare phoure kran ap i platsa Meriba oun Massa an o moulo tato them.

2. Mose 10:3

Kote djas o Mose oun o Aron pash o Farao dren oun penan ap leste: “Kava penell o baro Devel, o Devel pral i Hebrearya: Har rah kameh tou gar te dikell, kay hom zorleder har tou? Mouk mire menshen te djal, te nay mangenn le man an!

2. Mose 16:28

Kote rakras o baro Devel ap o Moseste: “Har rah krenn t'mer kova gar, hoy me t'menge penau, oun djivenn gar yaake, har me t'menge penom?

2. Mose 23:21

Denn yak, te shounenn ap kova, hoy yob t'menge penell! Me bičrom les. Te shounenn t'mer gar ap leste, bistrell lo t'mari doosh gar.

2. Mose 32:9

Oun o baro Devel penas ap o Mose: “Me dikau, kay djivenn kol menshe pal pengro shero oun kamenn gar te shounell.

Gosewe laba 1:22

T'mer, kolen či an o shero hi: Har rah kamenn t'mer dinelo koova te krell? T'mer sapangre, har rah kamenn t'mer pral o vavareste te sal oun les praasell? T'mer dinele, har rah penenn: Mer kamah gar te djinell, hoy čačo hi?

Jeremia 13:10

Kalla čilače menshe, kay kamenn mire laba gar shounell, djan pal pengro shero, oun djan vavar deblenge pal, anenn lenge firhen, oun mangenn len an. Yon hounte venn har ko pereskro pandepen, hoy bouder či molella.

Jeremia 4:14

Yerusalem, te kameh vin lino te vell, palle thob tiro čilačepen tiro djiyestar tele! Har rah kameh tou ko čilačepen an tiro shero te rikrell?

Ezekiel 20:13

Ninna an o moulo tato them moukan pen i Israelitarya či mandar te penell. Yon djivan gar yaake, har lendar kamom. Oun ap mire čačepaskre laba dan le či. Oun mire čačepaskre laba hi kolla, kolentsa o mensho djido ačell, te rikrell lo pes ap lende. Oun yon kran boud koova ap o Debleskro dives, hoy hounte krans le gar, oun yaake vom gar sharedo. Kote kamom miri rholi pral lende vin te čorell, te hounte merans le lauter an o moulo tato them.

Hosea 8:5

T'mer an o foro Samaria, ko sonakaskro terno gouroum, koles t'mer an-mangenn, hi mange pale-čiddo. Miri rholi pral t'mende hi zorelo. Har rah ačell kova yaake, te rikrenn ap ko pale-čiddo koova?

Zakarie 8:14

Kova penell o baro Devel, ko ray pral o bolepen oun i phoub: “Har kran man t'mare phoure rhoyedo, kamom i bibarht pral lende te anell, oun či rikras man kolestar pale.

4. Mose 14:23

kolendar dikell kek ko them, kay lengre phourenge penom oun man sovel pre dom, te dap les lende. Vitar gar dikell kek ko them, kay rakras djoungeles pral mande.

4. Mose 14:27

“Har rah čingrenn kol čilače menshe ap mande? Me shounom, har kol Israelitarya djoungeles pral mande rakran.

4. Mose 32:10

Oun o baro Debleskri rholi vas baro an ko tsiro, oun yob das pes sovel oun penas:

Mateo 17:17

Koy penas o Yezous: “T'mer čilače menshe, t'men hi kek patsepen! Har rah hounte ačap pash t'mende? Har rah marap man t'mentsa tele? Anenn les pash mande!”

Markus 9:19

Koy penas o Yezous ap lende: “Have menshe han t'mer, kay hi t'men kek patsepen! Har rah hounte ačap pash t'mende? Har rah rikrap me pash t'mende vin? Anenn les kate pash mande!”

Johanni 10:38

Te krau me, hoy o dad mange penas, patsenn ap kova, hoy me krau! Yaake dikenn oun prindjrenn t'mer, kay o dad an mande hi oun me an leste.”

Johanni 12:37

Ninna te kras yob boud baro oun zorelo koova glan lende, kay kek mensho nay krella, patsan yon gar ap leste.

Johanni 15:24

Te kroms me gar glan lengre yaka ko baro koova, hoy nay kek vavar kras, vals len kek doosh. Kanna dikan yon kova. Oun ninna te dikan le les, hi le čilačo ap mande oun ap miro dadeste.

5. Mose 1:32

Ninna te dikan t'mer kova lauter, kaman t'mer t'maro baro Debles gar te patsell,

Hebrearja 3:16

Penenn mange: Koon his kolla, kay shounan o Debleskro rakepen, oun kaman bouder gar ap leskro drom te djal? Kolla his lauter, kay djan o Moseha vin dran o them Egiptia.

Hebrearja 3:18

Kanna penenn mange: Pral koneste rakras o Devel, har yob pes sovel das, te venn le gar an leskro them, kay yon hako tsiro khere vans? Yob rakras kolendar, kay shounan gar ap leste.

Hebrearja 3:8

Krenn t'maro dji gar har barra yaake, har t'mare phoure kran an o moulo them, har čingran le ap o Moseste, oun kaman miro drom bouder gar te djal!