4. Mose 13:26 - O Debleskro Lab 2024 (Sinte-Manouche)

²⁶ Oun van pash o Mose oun o Aron oun pash kol tsele Israelitarya, kay ačan an o moulo tato them Paran pash i panyeskro kotar them, hoy kharella Kadesh. Oun yon penan lenge kova, hoy yon dikan, oun sikran lende kol drake, phabya oun fayge dran ko them.

O Debleskro Drom 2021 (Sinte)

²⁶ Un wan pash o Mose un o Aron un pash kol tsele Israelitarja, kai atchan an o mulo tato them Paran pash i panjeskro kotar them, hoi kharella Kadesh. Un jon penan lenge kowa, hoi jon dikan, un sikran lende kol drake, phabja un faige dran ko them.

4. Mose 13:26 Iomraidhean Croise

1. Mose 14:7

Koy pal rissran pen kol star bare raya trouyel oun van an ko foro En-Mishpat. Kova hi kanna Kadesh. Oun yon maran i tsele menshen an ko them, kay i Amalekarya djivan, ninna i Amorarya, kay an Hazezon-Tamar djivan.

Debleskri gili 29:8

Te rakrell o baro Devel, trissell o moulo tato them. O baro Devel moukell te trissell o moulo tato them, hoy kharella Kadesh.

4. Mose 13:25

Oun pal star-deesh divessa, har yon pen an ko tselo them trouyel dikan, djan yon pale pale.

4. Mose 13:3

Oun o Mose kras yaake har o baro Devel leske penas, oun rodas deesh-te-douy morshen vin, kay pralstoune hi mank i Israelitarya, oun bičras len dran o moulo tato them Paran an o them Kanaan.

4. Mose 20:1

Oun kol tsele Israelitarya van an o moulo tato them Tsin, an o ersto čon. Oun i menshe čivan pengre plarhtene khera pre pash o foro Kadesh. Oun i Miryam meras koy oun vas paskedo.

4. Mose 20:14

Har hi le an o foro Kadesh, bičras o Mose yekes pash o baro rayeste pral kol Edomarya, oun moukas leske te penell: “Kova moukell touke tiro phraal Israel te penell: Tou djineh, havo pharo tsiro ap mende vas,

4. Mose 20:16

Oun mer dam pal o baro Debleste gole. Kova shounas men oun bičras i bolepaskres. Oun yob anas men dran o them Egiptia vin. Kanna ham an Kadesh, i foro gar dour tiro themestar.

4. Mose 32:8

Yaake kran ninna t'mare phoure, har me len vin bičrom dran Kadesh-Barnea, te dikenn le pal, har ko them hi.

4. Mose 32:9

Oun har yon koy pre van pash ko pani Eshkol, oun dikan ko them, van le pale pale oun rakran yaake i Israelentsa, te lan yon daar, oun kaman gar an ko them te djal, kay kamas o baro Devel lende te dell.

4. Mose 33:36

an Kadesh, hoy hi čiddo an o moulo tato them Tsin.

5. Mose 1:19

Mer kram, hoy maro baro Devel menge penas, oun djam doureder oun moukam i berga Horeb pal mende, oun kram men ap o drom an o pralstouno them, kay i Amorarya djivan. Ap maro drom hounte djam an o baro moulo them trouyel, hoy yaake dareno hi, har t'mer dikan, oun vam pash o foro Kadesh-Barnea.

5. Mose 1:2

[Deesh-te-yek divessa hi o drom lengsto mank i berga Horeb oun o foro Kadesh-Barnea ap i berge Seir.]

Josua 14:6

Har i Israelitarya pash Gilgal his, van i morsha dran o kheer Youda pash o Yosua. Oun o Kaleb, koleskro dad o Yefunne his, dran o kheer Kenas, penas ap leste: “Tou djineh, hoy o baro Devel ap o Debleskro morsheste, o Moseste, penas, har hams an o foro Kadesh-Barnea, har troul toute oun mande djas.

Josua 14:7

40 (star-deesh) bersha homs kote phouro, har o Mose, koles o baro Debleskro čačo vast his, man dran o foro Kadesh-Barnea bičras, te dikap man čorrhanes an o them trouyel. Oun har pale vom, penom leske, har kote čačepah vin dikas.