4. Mose 13:2 - O Debleskro Lab 2024 (Sinte-Manouche)

² “Biče morshen, te hatsenn le vin, har zorelo ko them Kanaan hi! Kava them kamau me i Israelitaryen te dell. Biče yek morshes dran haki bari familya, hoy vell kol deesh-te-douy Yakobeskre čavendar! Biče kolen, kay hi i pralstoune pral pengre menshende!”

O Debleskro Drom 2021 (Sinte)

² “Bitche murshen, te hatsenn le win, har sorelo ko them Kanaan hi! Kau them kamau me i Israelitarjen te dell. Bitche jek murshes dran haki bari familja, hoi well kol deesh-te-dui Jakobeskre tchawendar! Bitche kolen, kai hi i pralstune pral pengre menshende!”

4. Mose 13:2 Iomraidhean Croise

2. Mose 18:25

Yaake rodas o Mose peske čače morshen vin oun kras lendar pralstoune pral i Israelitarya: Pralstoune pral i zerya oun pralstoune pral i sheel, ninna pral i paash-sheel oun pral deesh.

4. Mose 1:4

Lenn deesh-te-douy morshen, yek dran haki bari familya, hoy vell kol deesh-te-douy Yakobeskre čavendar, te venn le ap t'mari rig pash koy boudi. Kal morsha hounte venn i pralstoune pral pengre menshende.

4. Mose 11:16

Oun o baro Devel penas leske: “Le touke efta-deesh morsha kol phourendar an Israel, kolendar, kay tou djineh, kay hi yon pralstoune pral i menshende. An len glan o Debleskro plarhteno kheer. Kote venn le glan toute tardo.

4. Mose 13:16

Kalla hi i laba kol morshendar, kolen o Mose bičras, te hatsenn le vin, har ko them hi. Oun o Mose das o Hoshea o lab Yosua. Koleskro dad his o Noun.

4. Mose 13:3

Oun o Mose kras yaake har o baro Devel leske penas, oun rodas deesh-te-douy morshen vin, kay pralstoune hi mank i Israelitarya, oun bičras len dran o moulo tato them Paran an o them Kanaan.

4. Mose 32:8

Yaake kran ninna t'mare phoure, har me len vin bičrom dran Kadesh-Barnea, te dikenn le pal, har ko them hi.

4. Mose 34:18

Koy pashel hounte lenn yek pralstouno dran hako kheer o Yakobeskre čavendar, te denn le hakenes i kotar them.

5. Mose 1:15

Oun me lom i pralstoune morshen dran t'mare bare familyen, goseve oun an-dikle morshen oun čivom len pral t'mende, te venn le t'mare čačepangre morsha. Yon van pralstoune pral 1.000 (yek zero), pral 100 (yek sheel) oun pral 50 (i paash-sheel) oun pral 10 (deesh).

5. Mose 9:23

Oun har bičras o baro Devel t'men dran o foro Kadesh-Barnea vin oun penas: “Djan pre oun lenn o them t'menge dren, hoy me t'men dom”, koy shounan gar ap leste, oun patsan les gar oun kran gar, hoy lo t'menge penas.

Josua 3:12

Yaake sik, har čivenn i rashaya, kay hidjrenn ko morhton, pengre herya an o pani oun ačenn kote tardo, ačell o pani tardo. O pani, hoy nashell pral tele, ačell tardo har i kheer. Kanna lenn t'menge 12 (deesh-te-douy) morshen, yekes dran haki bari familya, hoy vell kol deesh-te-douy Israeleskre čavendar!”