4. Mose 12:8 - O Debleskro Lab 2024 (Sinte-Manouche)

⁸ Yaake har rakrell i mensho i vavareha, rakrau me leha, an laba, kay lo mishto hayvella oun gar an parmisse. Oun yob dikell man, o baro Debles, har hom. Hoske his t'men kek traash, te rakrenn djoungeles pral o Mose, koles miro čačo vast hi?”

O Debleskro Drom 2021 (Sinte)

⁸ Jaake har rakrell i mensho i wawareha, rakrau me leha, an laba, kai lo mishto haiwella un gar an parmisse. Un job dikell man, o baro Debles, har hom. Hoske his tumen kek traash, te rakrenn djungeles pral o Mose, koles miro tchatcho wast hi?”

4. Mose 12:8 Iomraidhean Croise

1. Mose 32:30

Penas o Yakob ap leste: “Kanna pen mange tiro lab!” Penas yob: “Hoske poučeh pal miro lab?” Oun yob penas Ač o Debleha! ap o Yakobeste.

Debleskri gili 17:15

Me krom, hoy čačo hi. Doleske nay dikau tout. Te djangrau pre, dikau me tout oun hom čalo i barhtyatar.

Debleskri gili 49:4

Miro mouy rakrell goseve laba, oun dran miro dji vell kova, hoy mishto hayvom.

2. Mose 19:19

Oun koy phourdepaskri das zorleder oun zorleder gole. Oun o Mose rakras o Debleha. Oun o Devel rakras pale ap leste yaake zoreles, har o bolepen gole della.

2. Mose 20:4

Oun tou kress touke kek devel, hoy vi-dikell har čomone an o bolepen, vitar gar har čomone ap i phoub oun vitar gar har čomone an o baro pani.

2. Mose 33:11

O baro Devel rakras o Moseha, har mala rakran khetne, kay dikenn pen an i yaka. Palle djas o Mose pale ap i platsa, kay i menshe hi. Leskro terno boudepaskro, o Yosua, – koleskro dad hi o Noun, – ačas an o Debleskro plarhteno kheer.

2. Mose 33:19

“Mishto”, penas o baro Devel: “Me kamau glan toute te djal, te dikess tou miro tselo lačepen. Oun miro lab Baro Devel rakrau me glan toute vin. Me hom lačo koneske, kones me kamau. Oun krau miro dji pre koneske me kamau.

2. Mose 33:23

Palle lau miro vast pale, oun tou nay dikeh mange palla. Mire yaka oun miro mouy nay dikell kek.”

2. Mose 34:30

Oun o Aron oun kol vavar Israelitarya dikan, har leskro mouy hi har o kham, oun daran, te djan le pash leste.

Gosewe laba 1:6

Yon nay hayvenn goseve laba, oun rakepen, kay o čačepen dren khatedo hi, ava, laba, kay goseve menshe penan, oun save, kay hounte rodess, hoy yon kamenn te penell.

Jesaja 40:18

Koon hi har o Devel? Hi čomone yaake har yob?

Jesaja 46:5

Konestar nay penenn t'mer: “Kova hi yaake har o Devel?” Kek hi yaake har me! Ap koneste nay penenn: “Tou oun o baro Devel, t'mer han yek har o vavar?” Kekestar nay penenn kova.

Ezekiel 17:2

Tou, mensho, pen i menshenge dran o kheer Israel phare laba, oun pouč lendar, hoy kamenn kolla te penell!

Hosea 12:13

O Yakob hounte nashas peske an o them Aram, oun o Israel hounte boudras i vavareske, te lell lo i romyat, oun hounte das yak ap i bakre, te nay romedinerell lo lat.

4. Mose 14:14

penenn le kova kol menshenge an kava them. Kolla shounan, kay tou, baro Devel, mashkral tire menshende hal, oun kay nay dikenn yon tout, oun tiri folka pral lende tardo hi, oun kay tou, o baro Devel, glan lende djah, an i folka ap o dives, oun rati an i yag.

4. Mose 7:89

Oun har o Mose an o Debleskro kheer djas, te rakrell yob leha, koy shounas yob leskro rakepen, hoy vas kotar, kay o sonakaskro morhton hi, an leste o Debleskre deesh laba hi. Ko rakepen vas mashkral kol douy bolepangre vin, kay ap o pralstouno kotar hi, hoy ap ko morhton hi, oun hoy sikrella, kay o Devel peskre menshenge lačo hi. Oun yob rakras leha.

Mateo 13:35

Oun yaake vas kova čačo, hoy o Debleskro rakepaskro glan i rah tsiro penas: O Devel penas: Me rakrau ap lende save labentsa, kay i khatedo čačepen dren hi. Me penau lenge kova, hoy kek mensho djinas, yaake rah har i phoub tardo hi.

Louka 10:16

Pale penas o Yezous ap peskre malende: “Koon ap t'mende shounella, kova shounella ap mande. Oun koon shounell gar ap t'mende, kova shounell vitar gar ap mande. Kova, kay shounell gar ap mande, kova shounell ninna gar ap koleste, kay bičras man.”

Johanni 1:18

Kek mensho dikas o Debles. O Debleskro čavo kokres sikras men, koon o Devel hi. Yob hi yek o Debleha.

Johanni 15:15

T'mer han mange bouder gar boudepangre. I boudepaskro djinell gar, hoy leskro ray krella. T'menge penom halauter, hoy shounom miro dadestar. Doleske han t'mer kanna mire mala.

Johanni 15:24

Te kroms me gar glan lengre yaka ko baro koova, hoy nay kek vavar kras, vals len kek doosh. Kanna dikan yon kova. Oun ninna te dikan le les, hi le čilačo ap mande oun ap miro dadeste.

1. Korintarja 13:12

Kanna dikah o Debleskro koova gar mishto. Mer dikah kova yaake har an o phouro blendari. Yek dives vella, kay dikah mer o Debles, har yob hi. Lauter, hoy me kanna lestar djinau, hi tikne kotya. Vell ko dives, kay prindjrau les yaake, har yob man prindjrella.

2. Korintarja 3:18

Mer lauter, kay patslo ham, dikah o Debleskro raylepen yaake mishto, har te dikah an i dikepaskri. Kek diklo hi ap mare yaka čiddo. Oun har mer dikah ap leste, vah mer boud oun boudeder yaake, har yob hi. Kova krell o Debleskro Dourho an mende.

5. Mose 18:15

I Debleskro rakepaskro, har me yek hom, yek, kay vell t'mendar, koles bičrell t'maro baro Devel pash t'mende. Ap koleste shounenn!

5. Mose 34:10

An kek tsiro his an Israel i vavar Debleskro rakepaskro har o Mose, koleha o baro Devel yak an yak rakras.

5. Mose 4:15

Yaake denn yak, te bistrenn gar: Ap ko dives, har o baro Devel pash i berga Horeb, dran i yag vin t'mentsa rakras, dikan t'mer les gar.

5. Mose 5:8

Oun tou kress touke kek devel, hoy vi-dikell har čomone an o bolepen, vitar gar har čomone ap i phoub oun vitar gar har čomone an i pani tel i phoub.

Kolossarja 1:15

Kek nay dikell o Debles. Har leskro čavo ap i phoub vas, sikras yob har o Devel hi. O Yezous Kristo hi yaake har peskro dad. Oun yob hi bareder har lauter, hoy kerdo vas.

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.

1. Timoteo 6:16

Yob nay merell gar. Yob djivell kote, kay i momeli yaake zorelo hi, kay kek nay dren djala. O Debles dikas kek mensho, oun kek mensho nay dikell les. Koles vell o tselo raylepen oun i tseli zoor!

Hebrearja 1:1

An o phouro tsiro rakras o Devel boud kope yaake te yaake ap peskre rakepangre, oun bičras len pash mare phourende, te penenn le lenge leskre laba.

Hebrearja 1:3

O Debleskro čavo hi raylo oun baro har o Devel. Oun kova, hoy hi o Debles an o dji, hi ninna o čaves an o dji. Dran leskro zorelo lab rikrell lo lauter khetne, hoy yob kras. O Debleskro čavo las mari doosh oun maro čilačepen mendar, oun yob beshas pes ap i čači rig o baro Deblestar an o bolepen.

2. Petro 2:10

Palle vell i phagi zoreles pral kolende, kay djivan i foullo djipen, oun kaman kek rayes pral pende. Kolla rhorhene sikepangre hi pre-phourdo, oun krenn pen bares. Yon darenn gar, te rakrenn le djoungeles pral kolende, kay hi an o bolepen.

Judas 1:8

Oun yaake hi ninna kolla, kay dikenn sounya, oun krenn vi-ladjedo koova, oun kamenn kek rayes pral pende, oun rakrenn djoungeles pral kolende an o bolepen.