4. Mose 12:6 - O Debleskro Lab 2024 (Sinte-Manouche)

⁶ Oun yob penas: “Shounenn mire laba! Te bičrau me yekes pash t'mende, kay penell t'menge mire laba, sikrau leste čomone an i dikepen oun rakrau leha an sounya.

O Debleskro Drom 2021 (Sinte)

⁶ Un job penas: “Shunenn mire laba! Te bitchrau me jekes pash tumende, kai penell tumenge mire laba, sikrau leste tchomone an i dikepen un rakrau leha an sunja.

4. Mose 12:6 Iomraidhean Croise

1. Mose 15:1

Koy pal moukas o baro Devel o Abrames leskri gole te shounell oun penas ap leste: “Ma traash, Abram! Me rikrau mire vasta pral toute. Oun me hom touke i baro bravlepen.”

1. Mose 20:7

Oun kanna, de koy romyat pale o romeste! Yob hi i Debleskro rakepaskro. Oun te mangell o Abraham touke, ačeh tou djido. Te deh lat gar pale, hounte meress oun lauter, hoy tiro hi.”

1. Mose 28:12

Koy das lo souni: Yob dikas i treppa ap i phoub tardo. Koya djas bis an o bolepen. Oun o Debleskre bolepangre djan pre oun tele.

1. Mose 28:16

Koy djangras o Yakob dran o sopen pre oun penas: “Čačepah, o baro Devel hi ap koy platsa. Oun me djinom kova gar.”

1. Mose 37:5

Oun o Yosef das souni, oun penas kova peskre phralenge. Koy van yon čilačeder ap leste.

1. Mose 37:9

Oun yob das i vavar souni oun penas kova peskre phralenge: “Shounenn, me dom i vavar souni. Kava kopo vitsras pes o kham oun o čon oun deesh-te-yek bolepangre momlia glan mande tele.”

1. Mose 46:2

I rati rakras o Devel leha an i souni oun penas ap leste: “Yakob, Yakob!” Oun yob penas: “Ake hom.”

2. Samuel 7:4

Oun an i rati penas o baro Devel ap o Nataneste:

1. Rajengro liil 3:15

Oun har o Salomo pre djangras, hayvas lo, kay yob i souni das. Oun yob vas an o foro Yerusalem, oun ačas glan o morhton tardo, kay o Debleskre deesh laba dren his. Oun yob moukas firhen te marell. Boud lendar van tseles rhačedo o Debleske. Oun vavarendar rhačran le o thulepen oun kotya mass, te parkrenn le pen pash o Debleste. Ko vavar mass rhan le khetne. Oun o Salomo kras i baro rhapen oun moukas i tsele pralstunen, kay leske boudran, te vell.

1. Rajengro liil 3:5

Kote an o foro Gibeon moukas pes o baro Devel o Salomeske an i souni te dikell an i rati. Oun o Devel penas: “Tou nay poučeh man, hoy kameh mandar.”

Hiob 33:15

An i rat, te perell o sopen ap i menshende, dell lo len sounya. Te hi le čiddo ap pengro čiben,

Hiob 4:13

Rati, har sovom zoreles dom djoungeles souni.

Debleskri gili 105:15

“Lenn i vasta krik mire menshenge, kolen mange vin rodom! Ma krenn čilačepen kolenge, kay mire rakepangre hi!”

Debleskri gili 89:19

Baro Devel, tou dal men koles, kay ap mende garda della. Tou, o Devel pral o Israel, rodal les vin, te vell lo maro baro ray.

2. Mose 7:1

Oun o baro Devel penas ap o Moseste: “Shoun, me krom, te vess har o Devel o Faraeske. Oun tiro phraal Aron rakrell touke. Yob rakrell, hoy leske peneh.

Jeremia 23:25

Me shounom mishto, hoy kal rakepangre rakrenn, har penenn yon rhorhepen glan-vi oun penenn: Kova vell o baro Deblestar. Me dom les souni. An i souni penas o Devel kova mange.

Jeremia 23:28

Te dell i rakepaskro souni, mou penell lo peskri souni! Kova, kay lell i lab mandar, kova te penell ko lab mishto doureder! Me, o baro Devel penau t'menge: O phouss oun o djob hi gar o emligo koova. Yaake hi vitar gar emligo ko rakepen, hoy kol rhorhene rakepangre rakrenna, oun o rakepen, hoy mandar vella.

Ezekiel 1:1

An o 30. (triin-deshto) bersh djivom khetne vavar menshentsa, kay pandles krik anlo van, pash ko lengsto pani, hoy kharell Kebar. An o starto čon ap o pančto dives an ko bersh djas o bolepen pre, oun o baro Devel sikras pes mande.

Daniel 10:8

Oun me ačom kokres koy, oun dikom ko baro dikepen. Oun i tseli zoor an mande djas krik; miro mouy vas parno, oun kek zoor his bouder an mande.

Daniel 2:19

Oun an i rati dikas o Daniel i dikepen oun leske vas koy souni sikedo. Oun o Daniel sharas o bolepaskro Debles,

Daniel 7:1

An ko tsiro, har o Belsazar an o ersto bersh o baro ray his pral o them Babilonia, dikas o Daniel i dikepen an i souni, har his lo čiddo ap peskro čiben. Oun yob činas an i liil, hoy dikas lo. Oun kava hi koy souni:

Daniel 8:2

An miri souni homs an o zorelo kheer an o foro Susa an o them Elam, pash o lengsto pani Oulay.

Hosea 12:11

Me rakrom ap mire rakepangre, oun sikrom lende boud kope, hoy vella. Dran lende moukom t'menge trad te dell.

Joel 3:1

Oun pal kova čorau miro dourho vin pral i tsele menshende. Oun t'mare čaven oun čen dau i lab mandar, hoy penenn le doureder. Oun t'mare phoure denn sounya, oun t'mare terne morsha dikenn dikepen.

Zakarie 1:8

Me dikom an i rati i morshes, kay klissas ap i lolo gray. Yob ačas tardo an i tala mank i mirtetikre rouka. Pal leste his vavar graya: lole graya, kalo-parne graya oun parne graya.

4. Mose 24:4

Kova penella, kay shounell o Debleskro rakepen. Me dikau, hoy o zorelo Devel mande sikrella. Mire yaka venn pre kerdo, te djau ap i čanga.

Mateo 1:20

Har leske kova an o shero trouyel djas, vas o Debleskro bolepaskro pash leste an i souni, oun penas: “Yosef, tou Davideskro čavo, ma traash, te less i Mariat pash toute, te romedineress lat! O ternepen vas dran o Debleskro Dourho an late.

Mateo 2:19

An ko tsiro, har o Yosef an o them Egiptia his, meras o Herodes. Koy vas o Debleskro bolepaskro pash leste an i souni,

Mateo 23:31

Me penau t'menge: Te penenn t'mer kova yaake, palle sikrenn t'mer, kay han i čave kolendar, kay o Debleskre rakepangren maran.

Mateo 23:34

Shounenn, bičrau pash t'mende mire rakepangren, mire goseve morshen, oun mire čačepangren. Kolen denn t'mer ap o troushel, marenn len, oun denn len dava an t'mare kangria. Oun t'mer lenn len palla an hako foro.

Mateo 23:37

T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre terne garda della, oun lell len tel peskre phora. Oun t'mer kaman gar.

Mateo 27:19

Har o Pilato ap o čačepaskro beshepaskro beshdo his, te rakrell lo o čačepen pral leste vin, moukas leskri romni leske te penell: “Ko morsh anas kek doosh ap peste. Mouk les te djal! Taysar rati his man i čilači souni, oun man his bare douka dran leste.”

Louka 1:11

Ap yek kopo his o Debleskro bolepaskro tardo ap i čači rig pash o Debleskro sonakaskro bob, kay o Zakari o kasht rhačrell.

Louka 1:22

Oun har yob kote vin vas, nay rakras lo bouder gar. Yob hadas peskro vast, te sikrell lo lende, te nay rakrell yob bouder gar. Koy pre dikan i menshe, kay o Devel rakras leha an o Debleskro baro kheer.

Louka 20:6

Te penah mer leske: I menshe bičran les, vitsrenn le barrentsa ap mende, te marenn le men. Yon patsenn zoreles, te hi lo i Debleskro rakepaskro.”

Bičepangre 10:11

Yob dikas, har o bolepen pre djas oun čomone pral tele vas ap i phoub. Kova his har i bari plarhta. Koya vas ap hake star rigya rikedo.

Bičepangre 10:17

O Petro hayvas gar, hoske yob kova dikas, oun poučas pestar, hoy kamas o Devel leske te penell. Koy his i morsha, kay o Kornelio pal o Simoneskro kheer bičras, glan o voudar tardo.

Efesarja 4:11

Yob hi kova, kay das i patslen pengri boudi. Koy hi kolla, kolen yob bičras, te penenn le i menshenge lestar. Vavar rakrenna, hoy yob lenge an o dji čivas, hoy kek vavar djinella. Vavar anenn kol menshen, kay gar patslo hi, pash o Yezous Kristeste. Pale vavar rikrenn i patslen khetne, oun sikrenn lende o Debleskro drom.

5. Mose 18:15

I Debleskro rakepaskro, har me yek hom, yek, kay vell t'mendar, koles bičrell t'maro baro Devel pash t'mende. Ap koleste shounenn!

5. Mose 18:18

I Debleskro rakepaskro har tou yek hal, kay vell lendar, koles bičrau me lenge. Oun me kamau leske mire laba an leskro mouy te čivell. Oun yob rakrell ap lende halauter, hoy me leske penau.

Hebrearja 1:1

An o phouro tsiro rakras o Devel boud kope yaake te yaake ap peskre rakepangre, oun bičras len pash mare phourende, te penenn le lenge leskre laba.

Debleskro tsiro 11:10

I menshe ap i phoub hi barhtelo, oun givenna oun khelenna. Oun yek bičrell o vavareske shoukar koova. Yaake barhtelo hi le, te hi kol douy Debleskre rakepangre moulo, kay doukran kolen, kay ap i phoub djivenna.

Debleskro tsiro 11:3

Oun me bičrau douy rakepangren an ko foro. Kolla penenn i menshenge o čačepen pral mande. Lengre ripya hi kerdo dran gone. Deesh-te-douy-sheel-te-shob-desha (1.260) divessa penenn yon lenge mire laba.”

1. Samuel 28:6

Oun o Saul poučas o baro Debles, hoy te krell lo. Oun kova penas leske či, das les kek souni, rakras gar leha kol tikne barrentsa, hoy vitsedo van, te sikrenn le, hoy kerdo hounte vella. Vitar gar nay penas leske i Debleskro rakepaskro, hoy te krell lo.

1. Samuel 3:15

Oun o Samuel ačas čiddo bis taysarlakro. Palle stas lo pre oun kras i voudya pre glan o baro Debleskro kheer. Yob daras te penell lo o Elyeske, hoy o baro Devel les sikras.

1. Samuel 3:21

Oun o baro Devel vas pale te pale an peskro kheer an Shilo oun rakras ap o Samuel. Oun o Samuel penas leskre laba ap i Israelitarya.