4. Mose 11:2 - O Debleskro Lab 2024 (Sinte-Manouche)

² Koy dan i menshe ap o Moseste gole. Oun o Mose mangas o baro Debles. Koy djas i yag krik.

O Debleskro Drom 2021 (Sinte)

² Koi dan i menshe ap o Moseste gole. Un o Mose mangas o baro Debles. Koi djas i jag krik.

4. Mose 11:2 Iomraidhean Croise

Debleskri gili 106:23

Doleske kamas lo len moulo te dell, te vals kote gar o Mose, koles yob peske vi-rodas. Kova stas pre, te rikrell lo o Debles leskri rholyatar tele, yaake te dell lo len gar moulo.

2. Mose 10:18

Oun o Mose djas vin dran o Faraeskro kheer oun mangas o baro Debles leske.

2. Mose 34:9

“Miro ray, te dikeh tou lačes ap mande, palle dja mentsa, ninna te djan kal menshe pal pengro shero. Biste mari doosh oun ko čilačo koova, hoy kram, oun mouk men pale tire menshe te vell.”

Jesaja 37:4

O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

Jeremia 15:1

Oun o baro Devel penas ap mande: Ninna te vals o Mose oun o Samuel glan mande tardo, kroms me kal menshenge miro dji gar pre. Trade len krik mandar, oun mouk len te djal!

Jeremia 37:3

Oun o baro ray Sedekya bičras o Youkal, koleskro dad o Shelemya his, ninna o rashayes Sefanya, koleskro dad o Maasseya his, pash o Yeremia oun moukas leske te penell: Mange maro baro Debles menge, i Israelitarya!

Jeremia 42:2

oun penan ap o Debleskro rakepaskro, o Yeremia: Mouk maro mangepen glan toute te vell, oun mange tiro baro Deblestar kal tsele menshenge, kay pral ačan! Glan i tsiro hams boud, kanna ačan gar boud pral mendar, har tou nay tire yakentsa dikeh.

4. Mose 12:11

penas yob ap o Moseste: “Miro Ray, mouk kay doosh gar ap mende te ačell! Kova his dinlepen, hoy mer kram, oun anam doosh ap mende.

4. Mose 12:13

Oun o Mose das ap o baro Debleste gole: “Ah Devel, kre lat sasto!”

4. Mose 21:7

Koy van yon pash o Moseste oun penan: “Mer anam doosh ap mende, har čingram ap o baro Debleste oun ap toute. Mange o Debles menge, te lell yob kol sapa mendar!” Oun o Mose mangas kol menshenge.

Bičepangre 8:24

Koy penas o Simon ap lende: “Mangenn o Deblestar, te vell kova gar pral mande, hoy t'mer penan!”

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.

1. Johanni 5:16

Te dikeh tou, te kras i vavar patslo i čilačo koova, palle hounte mangess tou o Debles leske! Oun o Devel dell les o djipen. Della ninna i doosh, hoy anell an o merepen. Oun me penau gar, te mangess tou o Debles kolenge, kay koy doosh ap pende lan.