4. Mose 11:1 - O Debleskro Lab 2024 (Sinte-Manouche)

¹ Oun kol menshe penan glan o baro Debleskre kanda, kay lenge djoungeles djala. Oun har o baro Devel kova shounas, vas yob rhoyedo oun bičras i yag, hoy rhačras vin ap i platsa, kay lengre plarhtene khera his.

O Debleskro Drom 2021 (Sinte)

¹ Un kol menshe penan glan o baro Debleskre kanda, kai lenge djungeles djala. Un har o baro Dewel kowa shunas, was job chojedo un bitchras i jag, hoi chatchras win ap i platsa, kai lengre plachtene khera his.

4. Mose 11:1 Iomraidhean Croise

1. Mose 38:10

Oun kova, hoy yob kras, his čilačo an o baro Debleskre yaka. Oun yob moukas les ninna te merell.

2. Samuel 11:27

Har his kol divessa trouyel, kay li rovas, bičras o David yekes pash late, oun moukas lat an peskro kheer te anell. Oun yoy vas leskri romni, oun anas leske i čavo ap i phoub. Glan o baro Debleskre yaka his kova gar mishto, hoy o David kras.

2. Rajengro liil 1:12

O Eliya penas: “Te hom me i Debleskro morsh, yaake mou perell yag dran o bolepen oun rhal tout oun tire paash-sheel lourden pre.” Koy peras o Debleskri yag dran o bolepen oun rhas les oun kol paash-sheel morshen pre.

Hiob 1:16

Ko boudepaskro rakras gomme, koy vas i vavar oun penas ap o Hiob: “Yag dran o bolepen peras tele, oun rhačras i bakre oun i bouzya oun tire boudepangre, kay ap lende yak dan. Oun me nay nashom, me kokres, te penap kova touke.”

Debleskri gili 106:18

Oun i yag rhačras mank lende oun rhačras kolen, kay kava čilačo koova kran.

Debleskri gili 78:21

Har o baro Devel kova shounas, vas lo rhoyedo ap o Yakobeskre čavende. Peskri rholi vas ap o Israel har i yag.

Debleskri gili 78:63

I terne morshen rhas i yag. Oun i terne ča nay hatsan bouder kek romes.

2. Mose 16:7

Oun taysarlakro dikenn t'mer o raylepen o baro Deblestar. Yob shounas, har t'mer t'men ap leste rhoyran. Har rhoyran t'men ap mende, rhoyran t'men čačepah ap leste, gar ap mende. Hoy ham mer, te rhoyrenn t'men ap mende?”

2. Mose 16:9

Oun o Mose penas ap o Aroneste: “Pen ap i tsele Israelitarya: Avenn glan o baro Debleste! Yob shounas t'mari rholi.”

Jesaja 10:17

Oun ko Devel, kay o Israeleskri momeli hi, vell i yag, ava, lengro Devel vell i yagakri čip, oun rhačrell i soubyengre bourra oun o soubyengro zenlepen pre ap yek dives.

Jesaja 30:33

I rah tsiro hi i rhačepaskri platsa kerdo, dour tele djal li oun bourhles hi li. Ninna o baro rayeske hi li kerdo. Yag hi koy oun boud kashta rhačepaske. Oun o dourho o baro Deblestar phourdell zoreles koy pre, oun krell i yag, hoy lauter pre rhačrella.

Jesaja 33:14

Ap i berga Sion lenn kolla traash, kay doosh ap pende hi. Halauter trissenna, kay o Debles bistran, oun penenn kanna: Kek mendar nay ačell tardo pash i yag, hoy lauter pre rhačrell. Kek mendar nay rikrell kova vin pash koy yag, hoy rhačell hako tsiro har koy yag ap o Debleskri rhačepaskri.

Ropaskre gilja 3:39

Har nay penell i mensho i ropah: “O Devel djal gar mishto mantsa trouyel.” Vals feteder te rovals lo pral peskri doosh!

Ezekiel 20:36

Yaake har t'mare phourende lengri phagi dom, har his le an o moulo tato them pash o them Egiptia, yaake dau t'mende ninna t'mari phagi, penell o baro Devel, t'maro ray.

3. Mose 10:2

Kote djas yag o baro Deblestar vin, oun rhačras len pre. Yon meran kote glan o baro Debleste.

Nahum 1:5

I bare berge trissenn glan leste, oun kol tikne berge perenn khetne. Yob te vell, palle hadell pes i phoub glan leste, oun kolla, kay ap late djivenna, trissenna.

Habakuk 3:5

I djoungelo nasslepen djal glan leste. Oun pal leste vell vavar i nasslepen, hoy rhal i menshen pre.

4. Mose 10:33

Yaake moukan le o baro Debleskri berga pal pende oun djan triin divessa dour. Oun kolla, kay hidjran o sonakaskro morhton, kay o baro Debleskre deesh laba dren hi, djan glan lende oun sikran lende, kay ačenn le tardo.

4. Mose 11:18

Oun ap i menshende hounte peness tou: Krenn t'men djoudjo o Debleske! Taysarlake lenn t'mer mass rhapaske. T'maro ropen vas glan o baro Debleste. Yob shounas har penan: Koon dell men mass te rhal? Menge djas mishto an o them Egiptia. Doleske dell t'men o baro Devel mass te rhal.

4. Mose 14:2

Oun i tsele Israelitarya his rhoyedo ap o Mose oun o Aron oun penan: “Ah, te merams mer an ko them Egiptia! Te merams kate an o moulo tato them!

4. Mose 14:22

Kol tsele morsha, kay dikan miro raylepen oun ko baro oun zorelo koova, hoy krom an o them Egiptia oun an o moulo tato them, oun kaman boud kope gar te patsell, kay hom lentsa, oun shounan gar ap kova, hoy me penom,

4. Mose 14:27

“Har rah čingrenn kol čilače menshe ap mande? Me shounom, har kol Israelitarya djoungeles pral mande rakran.

4. Mose 14:28

Doleske pen ap lende: Yaake čačo har kova hi, kay me djivau, penell o baro Devel, me kamau kova te krell t'mentsa, hoy t'mer glan mire kanda penan.

4. Mose 16:11

Tou oun tire tsele menshe čivan t'men khetne, te hadenn t'men pral o baro Debleste. Kova hi gar o Aron, pral koleste hadan t'men.”

4. Mose 16:35

Oun o baro Devel bičras yag, kay rhas kol 250 (douy-sheel-te-paash-sheel) morshen pre, kay anan ko soungepaskro koova o Debleske.

4. Mose 17:5

yaake har penas o baro Devel kova o Moseske. Kol sane sasterne patria his i sikepen, te denn kol Israelitarya yak, te vell kek morsh, kay gar o Aroneskre menshendar hi, oun anell soungepaskro koova glan o baro Debleste, te djal leske gar yaake har o Koraheske oun kolenge, kay pash leste his.

4. Mose 21:5

Oun yon čingran ap o Debleste oun ap o Moseste oun penan: “Hoske anal tou men dran o them Egiptia vin, te meras mer an o moulo tato them, kay hi kek maro oun kek pani? Oun menge vell djoungelo ko rhapastar, kay kek thulepen dren hi?”

1. Korintarja 10:10

Ma penenn, kay kova gar mishto oun doha hi, hoy o Devel t'men das. Yaake rakran kol vavar pale te pale. Oun yon van moulo dino.

5. Mose 25:18

Har hans khino ap o drom, djan le ap t'mende pre, oun dan kolen moulo, kay pale ačan, oun kek zoor bouder an lende his. Kol Amalekarya rikran penge gar o Debles glan i yaka.

5. Mose 32:22

Miri rholi rhačell pre har i yag, oun rhačrell i tseli phoub, oun halauter, hoy ap late bares vas, oun rhačell tele bis an o telstunepen, oun vell bis tele pash i berge.

5. Mose 9:22

Ninna kran t'mer t'maro baro Debles rhoyedo, har hans an Tabera oun Massa oun Kibrot-Taava.

Hebrearja 12:29

Ma bistrenn, maro Devel hi yaake har i zoreli yag!

Jakobo 5:4

Shounenn! T'mer rhorhran t'mare boudepangren, kay boudran ap t'maro them, oun dan len kek love. Kolla denn gole ap o bolepen. Lengri gole shounell o Devel, ko ray pral o bolepen oun i phoub.

Judas 1:16

Kolla hi save menshe, kolenge kova gar mishto doha hi, hoy o Devel len das. Oun yon rhoyrenn pen, kay lenge gar feteder djal. Yon djivenn pal pengro shero. Yon hi sharede, kay rakrenn shoukar labentsa i menshentsa, te lenn le lendar lačo koova.