4. Mose 10:9 - O Debleskro Lab 2024 (Sinte-Manouche)

⁹ Te perenn vavar menshe an t'maro them dren oun kamenn ray pral t'mende te vell, oun t'mer djan an o kourepen, te kourenn t'men lentsa, palle hounte phourdenn zoreles an i phourdepangre, te venn t'mer t'maro baro Debleske an o shero. Oun yob lell t'men vin dran lengre vasta.

O Debleskro Drom 2021 (Sinte)

⁹ Te perenn wawar menshe an tumaro them dren un kamenn rai pral tumende te well, un tumer djan an o kurepen, te kurenn tumen lentsa, palle hunte phurdenn soreles an i phurdepangre, te wenn tumer tumaro baro Debleske an o shero. Un job lell tumen win dran lengre wasta.

4. Mose 10:9 Iomraidhean Croise

1. Mose 8:1

O Devel bistras o Noah gar, vitar gar i firhen, kay pash leste an o panyeskro kheer his: kol divye firhe oun kolla, kay gar divye hi. Oun o Devel moukas i baro dourho pral i phoub te phourdell. Koy djas o pani tele.

2. Familjakro liil 13:12

Dikenn, mentsa hi o Devel oun djal glan mende. Ninna leskre rashaya hi kate, te phourdenn le an i phourdepangre oun denn men o sikepen, te djas mer an o kourepen t'mentsa. T'mer Israelitarya, ma kourenn t'men o baro Debleha, kay o Devel t'mare phourendar hi! T'menge djal kova gar mishto vin!”

2. Familjakro liil 13:14

Oun har i lourde dran Youda pen trouyel rissran, dikan le, kol Israelitarya his glan lende oun ninna pal lende. Kote dan le ap o baro Debleste gole, oun i rashaya phourdan an i phourdepangre.

Debleskri gili 106:4

Baro Devel, tou dal tire menshende tiro lab, te vess ap lengri rig. Biste man gar oun ab mange lačo!

Debleskri gili 106:42

Oun kolla, kay lenge čilačepen kaman, rikran len tikno, oun zoreles his lengro vast ap lende čiddo.

Debleskri gili 136:23

Yob bistras men gar, har tele rikede hams. Leskro lačepen ačella hako tsireske!

Jesaja 18:3

Denn yak, t'mer menshe, kay ap i phoub djivenn, te rikrell yek o themeskri plarhta pre pral ap i berge, palle denn yak! Oun te phourdell yek an i phourdepaskri, palle shounenn koy!

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Jeremia 4:19

Har doukell man kova, havi daar hi an mande! Miro dji djal zoreles an miro beč, me nay ačau gar pokones; me shounau koy phourdepaskri, oun ko kourepaskri gole.

Jeremia 4:21

Har rah hounte dikap me kol kourepangro sikepen, oun shounap koy phourdepangri gole?

Jeremia 4:5

Denn zoreles gole an Youda, kharenn vin an Yerusalem, oun penenn: Phourdenn koy phourdepaskri an o tselo them! Denn vin gole, te venn le an i zorele forya khetne!

Jeremia 49:2

Doleske penell o baro Devel: Ko tsiro vell, kay moukau i kourepaskri gole te shounell: Lourde venna pral o foro Rabba, ko baro foro foun i Ammonarya. O forestar Rabba ačell či pral har barra. Oun kol vavar forya koy trouyel venn pre rhačedo. O Israel vell o ray pral kolende, kay lan penge leskro them. Kova penell o baro Devel.

Jeremia 6:1

T'mer menshe dran o kheer Benyamin, nashenn dran Yerusalem! oun phourdenn koy phourdepaskri an Tekoa! Krenn i yag ap i berga Bet-Kerem, te vell o yagakro dourho i sikepen! Bari bibarht oun merepen vell kotar, kay norden hi.

Jeremia 6:17

Ninna dom t'men menshen, kay denn yak ap t'mende. Denn garda koy pre, te phourdenn le i phourdepaskri, hoy sikrella: Bibarht vella … Yon penan: Mer kamah len gar te shounell.

Ezekiel 7:14

I menshe shounan, har an i phourdepaskri phourdedo vas, te kharenn le len an o kourepen, oun i kourepangre lan pengre karmangre. Oun palle vell miri rholi yaake sik pral lende halauterende, te djal kek koy.

Hosea 5:8

Phourdenn an i phourdepaskri an i forya Gibea oun Rama! Denn i kourepaskri gole an o foro Bet-Aven! T'mer kourepangre dran o kheer Benyamin, nashenn glan, mer nashah t'menge palla!

3. Mose 23:24

Pen ap i Israelitarya: Ko ersto dives an o eftato čon hounte vell t'men savo dives, kay boudrenn gar. Ap ko dives phourdenn an i phourdepangre, oun avenn khetne glan o baro Debleste.

Amos 3:6

Phourdell yek an i kourepaskri trompeta an o foro, oun i menshe lenn kek daar? Na-a! Vell i bibarht pral o foro, hoy o baro Devel bičras gar? Na-a!

Zefanja 1:16

i dives, kay i kourepaskri gole shounlo vell, oun an i phourdepangre phourdedo vell, te djan i lourde an o kourepen, oun phagenn tele kol zorele forya oun bare massurya.

4. Mose 31:6

Oun o Mose bičras len an o kourepen. Lentsa djas o Pinhas, koleskro dad o rashay Elazar his. Oun o Pinhas las o Debleskro koova peha, ninna kol kourepaskre phourdepangre.

1. Korintarja 14:8

Te djan i lourde an o kourepen, palle phourdell yek ap i bashepaskri. Oun yob te phourdella yaake djoungeles, te hayvell les kek, palle djal kek an o kourepen.

5. Mose 20:1

Te djan t'mer vin an o kourepen, te kourenn t'men kolentsa, kay kamenn t'men gar an o them, oun t'mer dikenn lengre graya oun kourepaskre vourdya oun lengre lourden, kay hi boud boudeder har t'mer, palle ma darenn lendar! T'maro baro Devel hi t'mentsa, kova kay t'men dran o them Egiptia vin anas.

Josua 6:5

Te shounenn i lourde, har i rashaya lengsto an pengre phourdepangre phourdenn, hounte denn le halauter i bari kourepaskri gole. Palle perenn i pre-čidde barra troul o foro an pende khetne. Oun i tsele lourde nay djan haki rigyatar an o foro dren.”

Čačepangre 10:12

i Sidonarya, i Amalekarya oun i Maonarya? Oun har t'mer ap mande gole dan, lom me t'men dran lengre vasta vin.

Čačepangre 10:8

Oun 18 (deesh-te-orhta) bersha lan yon kol Israelitaryen palla, kay djivenn ap i vavar rig o panyestar Yordan an o them Gilead, kay i Amorarya djivan, oun kran lenge o djipen phares.

Čačepangre 2:18

Oun te moukas o baro Devel lenge čačepangre morshen pre te stell, palle his yob ko čačepaskro morsheha, oun las len vin dran i čilače vasta. Les khaytas lengro ropen pral kolende, kay lenge o djipen phares kran. Yaake rah har ko čačepaskro ray djivas, shounan le ap o baro Debleste.

Čačepangre 3:27

Oun har lo kote vas an o pralstouno them Efrayim, phourdas lo an i phourdepaskri, te kharell lo i Israelitaryen khetne o kourepaske. Oun yon djan leha i berga tele. Oun yob djas glan lende,

Čačepangre 6:34

Kote vas o baro Debleskro dourho pral o Gideon. Oun yob phourdas an i phourdepaskri, te dell lo i Abiyesarya khetne gole, te venn le leske palla an o kourepen.

Čačepangre 6:9

oun lom t'men vin dran i vasta i menshendar an o them Egiptia oun lauterendar, hoy t'menge o djipen phares kran, oun tradom len glan t'mende vin, oun dom t'men lengro them.

1. Samuel 10:18

Oun yob penas ap lende: “Kava penell o baro Devel, kay o Israeleskro Devel hi: Me anom o Israel dran o them Egiptia vin, oun lom t'men dran o vast i Egiptarendar vin, oun ninna dran i vasta lauterendar, kay an i themma troul t'mende djivenn oun t'men tiknes rikran.