4. Mose 10:21 - O Debleskro Lab 2024 (Sinte-Manouche)

²¹ Pal lende djan kol Kohatarya, oun hidjran ko koova o Debleskro plarhteno khereske. Kava kheer hounte vas pale pre-čiddo, bis te kol Kohatarya pal van.

O Debleskro Drom 2021 (Sinte)

²¹ Pal lende djan kol Kohatarja, un hidjran ko koowa o Debleskro plachteno khereske. Kau kheer hunte was pale pre-tchiddo, bis te kol Kohatarja pal wan.

4. Mose 10:21 Iomraidhean Croise

1. Familjakro liil 15:2

An ko tsiro penas o David: “Kek hounte hidjrell o morhton o Debleskre deesh labentsa, har kokres i Levitarya, kolen rodas o baro Devel vin, te hidjrenn yon ko morhton, oun te boudrenn yon leske hako tsiro.”

1. Familjakro liil 23:24

Kolla hi i čave o morshestar Levi, kay his biish bersh oun phoureder. Lengre laba his pre činlo pal lengre familyende, kolengre pralstoune yon his. Yon van vin rodedo, te krenn le i boudi an o baro Debleskro kheer.

4. Mose 1:51

Oun te djan t'mer doureder, čivenn kol Levitarya o Debleskro plarhteno kheer khetne. Oun te čivenn t'mer t'mare plarhtene khera pre, palle čivenn i Levitarya o Debleskro kheer pale pre. Hako vavar, kay vell pash o kheer, hounte merella.

4. Mose 10:17

Palle kran yon o Debleskro plarhteno kheer tele. Oun kol menshe dran i familye Gershon oun Merari djan oun hidjran ko plarhteno kheer.

4. Mose 2:17

Pal lende djan i Levitarya. Yon hounte lenn o Debleskro plarhteno kheer lentsa, kay o Debleskre deesh laba dren hi, oun djan mashkral kol vavar menshende. Oun yaake har yon pengre plarhtene khera pre čivenn, yaake hounte djan yon ninna doureder: hakeno ap koy platsa, kay lengre pre-čiddi plarhta hi.

4. Mose 4:20

I Kohatarya hounte djan gar kokres koy dren, vitar gar dikenn yon o Debleskro koova, te merenn yon gar.”

4. Mose 7:9

Kolen, kay van pal o Kohat, das yob či. Lengri boudi his, te hidjrenn le o Debleskro koova, hoy an leskro kheer his. Kova hounte hidjrenn le ap pengre phika.