4. Mose 1:4 - O Debleskro Lab 2024 (Sinte-Manouche)

⁴ Lenn deesh-te-douy morshen, yek dran haki bari familya, hoy vell kol deesh-te-douy Yakobeskre čavendar, te venn le ap t'mari rig pash koy boudi. Kal morsha hounte venn i pralstoune pral pengre menshende.

O Debleskro Drom 2021 (Sinte)

⁴ Lenn deesh-te-dui murshen, jek dran haki bari familja, hoi well kol deesh-te-dui Jakobeskre tchawendar, te wenn le ap tumari rig pash koi budi. Kal mursha hunte wenn i pralstune pral pengre menshende.

4. Mose 1:4 Iomraidhean Croise

1. Rajengro liil 8:1

Kote moukas o baro ray Salomo i phoureden an Israel pash peste vell an o foro Yerusalem: kolla, kay his i pralstoune pral i deesh-te-douy bare khera o Yakobeskre deesh-te-douy čavendar, oun i pralstoune pral lengre tsele familye. Khetne lentsa kamas yob o baro Debleskro morhton, kay o Debleskre deesh laba dren čiddo hi, an o Debleskro kheer te anell. Ko morhton his čiddo an o Davideskro foro ap i berga Sion.

2. Mose 18:21

Tou, rode touke dran i tsele menshende čače morshen vin, hoy ap o Debleste shounenna, save morsha, hoy pengro lab rikrenna, oun kekes i lovenge rhorhenna! Oun kolen čip pral i Israelitarya! Kre pralstunen lendar pral i zerya, vavaren pral i sheel, oun pale pral i paash-sheel oun pral deesh.

2. Mose 18:25

Yaake rodas o Mose peske čače morshen vin oun kras lendar pralstoune pral i Israelitarya: Pralstoune pral i zerya oun pralstoune pral i sheel, ninna pral i paash-sheel oun pral deesh.

4. Mose 1:16

Kolla van vi-rodedo dran i tsele Israelitarya. Hakeno his o pralstouno pral peskre menshende. Oun yon van i pralstoune pral kol boud zerya menshende an Israel.

4. Mose 1:44

Kalla hi kol morsha, kolengre laba o Mose oun o Aron oun kol deesh-te-douy pralstoune pre-činan. Hakeno kol deesh-te-douyendar his i pralstouno pral peskre menshende.

4. Mose 25:14

Ko morsh dran Israel, kay vas moulo dino khetne koy Midianetsa, kharas Simri, leskro dad his o Salu. Kova his i pralstouno i menshendar Simeon.

4. Mose 25:4

Oun yob penas ap o Moseste: “Le kol tsele pralstunen pral i Israelitarya oun pande len glan mande pre, mashkral o dives, te dikell len hakeno. Palle lau miri bari rholi i menshendar Israel krik!”

4. Mose 30:1

Oun o Mose penas kol Israelenge halauter, hoy o baro Devel leske penas.

4. Mose 4:34

Oun o Mose oun o Aron khetne kol pralstunentsa činan i laba kol morshendar an i liil, kay van pal o Kohat. Hakenestar činan le pre dran havi familya yob vas oun koon leskro dad his.

4. Mose 7:2

Koy van kol pralstoune pral i Israelitarya oun anan kouč koova o Debleske. Hakeno his o pralstouno pral yek kol deesh-te-douy bare familyendar, kay van kol deesh-te-douy Yakobeskre čavendar. Oun yon his kolla, kay činan i laba kolendar pre, kay an lengre familye hi.

5. Mose 1:15

Oun me lom i pralstoune morshen dran t'mare bare familyen, goseve oun an-dikle morshen oun čivom len pral t'mende, te venn le t'mare čačepangre morsha. Yon van pralstoune pral 1.000 (yek zero), pral 100 (yek sheel) oun pral 50 (i paash-sheel) oun pral 10 (deesh).

Josua 22:14

Oun khetne leha djan deesh pralstoune, dran hako baro kheer yek. Hakeno lendar his i pralstouno pral peskri familya.