4. Mose 1:16 - O Debleskro Lab 2024 (Sinte-Manouche)

¹⁶ Kolla van vi-rodedo dran i tsele Israelitarya. Hakeno his o pralstouno pral peskre menshende. Oun yon van i pralstoune pral kol boud zerya menshende an Israel.

O Debleskro Drom 2021 (Sinte)

¹⁶ Kolla wan wi-rodedo dran i tsele Israelitarja. Hakeno his o pralstuno pral peskre menshende. Un jon wan i pralstune pral kol bud serja menshende an Israel.

4. Mose 1:16 Iomraidhean Croise

2. Mose 18:21

Tou, rode touke dran i tsele menshende čače morshen vin, hoy ap o Debleste shounenna, save morsha, hoy pengro lab rikrenna, oun kekes i lovenge rhorhenna! Oun kolen čip pral i Israelitarya! Kre pralstunen lendar pral i zerya, vavaren pral i sheel, oun pale pral i paash-sheel oun pral deesh.

2. Mose 18:25

Yaake rodas o Mose peske čače morshen vin oun kras lendar pralstoune pral i Israelitarya: Pralstoune pral i zerya oun pralstoune pral i sheel, ninna pral i paash-sheel oun pral deesh.

Micha 5:2

Yek tsiro dell o baro Devel peskre menshen an i vasta vavar menshendar, bis te vell ko dives, kay anell i djouvel ko čaves ab i phoub. Palle venn leskre phrala, kay pral ačan, pale an pengro them pash i vavar Israelitarya.

4. Mose 1:15

Dran o kheer Naftali: o Ahira, leskro dad hi o Enan.

4. Mose 1:17

Oun o Mose oun o Aron lan kal deesh-te-douy pralstunen pash pende.

4. Mose 1:4

Lenn deesh-te-douy morshen, yek dran haki bari familya, hoy vell kol deesh-te-douy Yakobeskre čavendar, te venn le ap t'mari rig pash koy boudi. Kal morsha hounte venn i pralstoune pral pengre menshende.

4. Mose 10:4

Te phourdenn le ap yekeste, hounte venn kolla pash toute, kay hi pralstoune pral kol boud zerya menshende an Israel.

4. Mose 11:17

Me kamau tele te vell, oun kote touha rakrell, oun lau i kotar ko dourhestar, hoy ap toute hi, oun čivau les ap lende, te nay krenn yon khetne touha kay phari boudi, hoy hi har i pharo koova ap tire phika. Tou hounte hidjress kova gar lauter kokres.

4. Mose 26:9

oun koleskre čave, o Nemouel, o Datan oun o Abiram. Kolla hi ko Datan oun o Abiram, kay van vi-rodedo, te venn le pralstoune, oun pal i tsiro hadan le pen pral o Mose oun o Aron, oun kran pen khetne kol menshentsa, kay van pal o Korah, har yon hadan pen pral o baro Debleste.

4. Mose 30:1

Oun o Mose penas kol Israelenge halauter, hoy o baro Devel leske penas.

4. Mose 7:2

Koy van kol pralstoune pral i Israelitarya oun anan kouč koova o Debleske. Hakeno his o pralstouno pral yek kol deesh-te-douy bare familyendar, kay van kol deesh-te-douy Yakobeskre čavendar. Oun yon his kolla, kay činan i laba kolendar pre, kay an lengre familye hi.

5. Mose 1:15

Oun me lom i pralstoune morshen dran t'mare bare familyen, goseve oun an-dikle morshen oun čivom len pral t'mende, te venn le t'mare čačepangre morsha. Yon van pralstoune pral 1.000 (yek zero), pral 100 (yek sheel) oun pral 50 (i paash-sheel) oun pral 10 (deesh).

Čačepangre 6:15

Yob penas ap leste: “Mangau tout miro ray: Har lap me nay o Israel dran o Midianeskro vast vin? Miri familya hi i tikneder an o tselo kheer Manasse. Oun me hom o tikneder an miro dadeskro kheer.”

1. Samuel 22:7

Kote penas o Saul ap peskre boudepangre, kay glan leste tardo hi: “Shounenn, t'mer Benyaminarya! Patsenn t'mer, te dell o čavo ko morshestar Isay t'men lauteren harhetikri phoub oun drakengro them? Lell yob t'men lauteren, te venn pralstoune pral leskre lourdende: pral yek zero oun pral yek sheel? Na-a, patsenn kova gar!

1. Samuel 23:23

Lenn hako khatepen an i yak, kay khatrell lo pes. Oun te djinenn kova lauter, palle avenn pale pash mande kay! Oun me djau t'mentsa. Oun te hi lo an o them, palle hatsau me les ninna. Oun te hounte rodoms ninna an o tselo them Youda pal leste!”