3. Mose 9:4 - O Debleskro Lab 2024 (Sinte-Manouche)

⁴ Anenn ninna i gouroum oun i morsh bakro, te maras mer len glan o baro Debleste, oun rhan len kote khetne. Koy pashel anenn yarro, kay djet dren hi, te rhačras mer les o baro Debleske. Kava dives hi ko dives, kay o baro Devel pes t'menge sikrell.”

O Debleskro Drom 2021 (Sinte)

⁴ Anenn ninna i gurum un i mursh bakro, te maras mer len glan o baro Debleste, un chan len kote khetne. Koi pashel anenn jarro, kai djet dren hi, te chatchras mer les o baro Debleske. Kau diwes hi ko diwes, kai o baro Dewel pes tumenge sikrell.”

3. Mose 9:4 Iomraidhean Croise

2. Mose 16:10

Har o Aron ap i tsele Israelitarya rakras, dikas hakeno kote, kay o moulo tato them hi. Oun ap yek kopo vas o raylepen o baro Deblestar an i folka diklo.

2. Mose 19:11

Yaake te venn le djoudjes mange koy tardo o triinto dives. Ap o triinto dives vau me, o baro Devel, glan i tsele menshende tele ap i berga Sinay.

2. Mose 24:16

Oun o raylepen o baro Deblestar moukas pes tele ap i berga Sinay. Oun i folka čakras i berga shob divessa. Oun ap o eftato dives das o baro Devel dran koy folka ap o Moseste gole.

2. Mose 29:43

Kote vau pash i Israelitarya. Oun miro raylepen vell mantsa an ko kheer. Oun yaake vell o kheer miro kheer.

Ezekiel 43:2

Oun kote dikom, har vas o raylepen o Israeleskro Deblestar foun kotar, kay o kham pre djal. Khetne ko raylepen vas i gole, har i gole, hoy bare panya denn. Oun dran o raylepen vas i momeli ap o tselo them.

Ezekiel 43:27

Oun pal kal efta divessa, ap ko orhtato dives, oun foun kotar doureder, rhačrenn i rashaya ko mass kol firhendar, hoy anenn t'mer o baro Debleske, kolla, kay venn leske tseles rhačedo, oun ko thulepen kolendar, kay rhan t'mer khetne glan leste. Te krenn kova yaake, dikau lačes ap t'mende, penell o baro Devel, maro ray.

3. Mose 2:1

Te kamell yek i rhapen dran djob glan o baro Debleste te anell, palle anell lo lačo yarro oun čorell djet pral vergel oun čivell soungepaskro koova koy pral.

3. Mose 3:1

Te kamell yek o baro Debleske i groumyat te anell, hoy rhan i menshe khetne glan leste, palle nay vell ko firho i morsh groumni har ninna i djouvel groumni. Kava firho hounte vell gar nasselo.

3. Mose 9:23

Oun o Mose oun o Aron djan pale an o Debleskro plarhteno kheer. Oun har le pale vin van, rakran le o Debleskri barht vin pral i tsele menshende. Kote sikras pes o baro Debleskro raylepen glan i tsele menshende.

3. Mose 9:3

Oun rake i Israelentsa oun pen lenge: Anenn yek morsh bouzni, hoy vell maredo, te vell i doosh krik lino, ninna i terno gouroum oun i terno bakro, hoy yek bersh phouro hi, te vell lengro mass tseles rhačedo o Debleske. Kol douy hounte venn sasto.

3. Mose 9:5

Yon anan kova, hoy o Mose penas, glan o voudar o baro Debleskro plarhteno kherestar. Oun i tsele Israelitarya van kote khetne glan o baro Debleste.

3. Mose 9:6

oun o Mose penas: “O baro Devel penas, te krenn t'mer kava, te sikrell lo pes t'menge an peskro raylepen.”

4. Mose 14:10

Kol tsele menshe penan: “Vitsrenn len moulo i barrentsa!” Koy vas o baro Debleskro raylepen pral o Debleskro kheer. Oun i tsele Israelitarya dikan kova.

4. Mose 16:19

Oun o Korah las i tsele menshen khetne ap peskri rig, oun vas lentsa glan o Debleskro kheer pash o voudar. Koy vas o baro Debleskro raylepen glan i tsele menshende.