3. Mose 8:35 - O Debleskro Lab 2024 (Sinte-Manouche)

³⁵ Efta divessa oun ratsya hounte ačenn t'mer glan o voudar o baro Debleskro plarhteno kherestar. Krenn, hoy yob penas, te merenn gar! Yaake penas lo kova mange.

O Debleskro Drom 2021 (Sinte)

³⁵ Efta diwessa un ratsja hunte atchenn tumer glan o wudar o baro Debleskro plachteno kherestar. Krenn, hoi job penas, te merenn gar! Jaake penas lo kowa mange.

3. Mose 8:35 Iomraidhean Croise

1. Rajengro liil 2:3

Djib tiro djipen glan tiro baro Debleste! Dja ap leskre dromma! Kre, hoy o Devel toutar kamell, oun rike tout ap leskre laba oun ap leskro čačepen! Djib yaake, har yob mende sikras an o Moseskre lila. Palle djal touke halauter mishto, hoy kreh, oun kay tou ninna djah.

2. Mose 29:35

Yaake kress tou o Aroneha oun leskre čaventsa lauter, hoy me touke penom. Efta divessa kress tou yaake, te venn le rashaya.

Ezekiel 43:25

Efta divessa maress tou hako dives yek morsh bouzni, te vell i doosh krik lino. Oun ninna i terno gouroum oun i morsh bakro, hoy hake douy sasto hi, venn maredo oun rhačedo o baro Debleske.

Ezekiel 48:11

Kava kotar hi kol rashayenge, kay venn pal o Zadok. Yon hi mange koy, oun boudran mange, oun peran gar mandar tele, har i Levitarya khetne i Israelentsa mandar tele peran.

3. Mose 10:1

Douy morsh čave o Aronestar, o Nadab oun o Abihu, lan hakeno peskro sasterno čaro an o vast, čivan yag dren oun soungepaskro koova, oun djan koleha an o Debleskro plarhteno kheer, te anenn le kova glan o baro Debleste. Kova kran le pestar. O baro Devel penas lenge gar, te krenn le kova.

3. Mose 14:8

Kova, kay sasto vas, thovell peskre koola oun činell peskre tsele balla tele, oun thovell pes. Palle hi lo erligo, oun nay vell pale ap i platsa, kay i menshe djivenn. Efta divessa ačell lo vin glan peskro plarhteno kheer.

3. Mose 8:30

Palle las o Mose ko djetestar, hoy o Aroneske oun leskre čavenge ap lengre sherya čoredo vas, ninna ko ratestar hoy ap i rhačepaskri his, oun vitsras čomone kolestar ap o Aron oun ap leskre koola, ninna ap leskre morsh čavende oun ap lengre koola. Yaake čivas lo len ap i rig o baro Debleske, te venn le leskre rashaya.

3. Mose 8:34

Yaake har kava dives firhe oun rhapen glan o baro Debleste anlo van, yaake hounte vell kerdo ap kol divessa, kay venna, te vell t'mari doosh krik lino. Kova penas o baro Devel.

3. Mose 8:36

O Aron oun leskre morsh čave kran lauter yaake, hoy o baro Devel ap o Moseste penas.

4. Mose 19:12

Yob hounte thovell pes ap o triinto dives oun ap o eftato dives ko panyeha, hoy lell i pale-čiddo koova i menshestar krik. Palle vell lo djoudjo oun erligo. Te thovell lo pes gar yaake ap o triinto dives oun ap o eftato dives, ačell lo pale-čiddo.

4. Mose 3:7

Yon boudrenna leske oun i tsele Israelenge glan o Debleskro kheer, oun hakeno lendar krell koy boudi pash o Debleskro kheer, hoy leste dino vell.

4. Mose 9:19

Oun ninna te ačas koy folka boud divessa pral o kheer tardo, shounan i Israelitarya ap o baro Debleste, oun djan gar doureder.

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

5. Mose 11:1

O Mose penas doureder ap i Israelitaryen: T'mer hounte kamenn t'maro baro Debles o tselo djiyestar! Krenn lauter, hoy lo t'mendar kamell. Rikrenn t'men ap leskre čačepaskre laba, oun djivenn pal leskre laba yaake rah har djivenn.

1. Timoteo 1:18

Miro čavo Timoteo, kova penau touke, te rikress tou kova an tiro dji. Ma biste kol laba, hoy glan i tsiro pral toute glan-vi penlo van! Kolla laba denn tout i zoor, te moukess gar tele te krell o Debleskri boudi, yaake har i lačo kourepaskro gar pre dell an o kourepen.

1. Timoteo 5:21

Me penau touke zoreles glan o Debleste, oun glan o Yezous Kristeste, oun glan kol Debleskre bolepangre, te rikress tout ap ko koova, hoy me touke kanna penom! Pash hakeneste dja pal o čačepen! Ma tserde yekes glan o vavareste!

1. Timoteo 6:13

Me penau touke glan o Debleste, kay krell lauter djido, oun glan o Yezous Kristo, kay penas o čačepen glan o Pontio Pilato:

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

1. Timoteo 6:20

Tou, Timoteo, ač pash kova, hoy o Devel an tiro vast čivas! Ma shoun ap kolende, kay rakrenn laba, hoy či moldo hi, oun hoy gar o Deblestar venna! Yon rakrenn dinelo koova, oun patsenn, kay djinenn le boudeder har kol vavar. Lengro hi gar čačo.

2. Timoteo 4:1

Kova, hoy kanna penau touke, penau glan o Debleste oun glan o Yezous Kristeste, kay krell o čačepen vin pral i djidende oun i moulende. Yob, kay vell pale, te vell lo baro ray pral i tsele menshende, kova shounell, hoy touke penau:

Hebrearja 7:28

Kol vavar bare rashaya hi menshe oun gar zorelo, oun nay krenn gar mishto kova, hoy o Devel lendar kamella. Yon van rashaya yaake, har o Mose an peskre lila činas. Boud tsiro palla, das o Devel peskro lab, oun das peskro vast koy pre, te vell leskro čavo i baro rashay hako tsireske. Yob krell lauter mishto, hoy o Devel lestar kamella.