3. Mose 8:30 - O Debleskro Lab 2024 (Sinte-Manouche)

³⁰ Palle las o Mose ko djetestar, hoy o Aroneske oun leskre čavenge ap lengre sherya čoredo vas, ninna ko ratestar hoy ap i rhačepaskri his, oun vitsras čomone kolestar ap o Aron oun ap leskre koola, ninna ap leskre morsh čavende oun ap lengre koola. Yaake čivas lo len ap i rig o baro Debleske, te venn le leskre rashaya.

O Debleskro Drom 2021 (Sinte)

³⁰ Palle las o Mose ko djetestar, hoi o Aroneske un leskre tchawenge ap lengre sherja tchoredo was, ninna ko ratestar hoi ap i chatchepaskri his, un witsras tchomone kolestar ap o Aron un ap leskre koola, ninna ap leskre mursh tchawende un ap lengre koola. Jaake tchiwas lo len ap i rig o baro Debleske, te wenn le leskre rashaja.

3. Mose 8:30 Iomraidhean Croise

2. Mose 28:2

Mouk tiro phraleske, o Aroneske, shoukar rayle koola te sivell, yaake har i rashayeske moldo hi.

2. Mose 29:21

Le ko ratestar, hoy ap o Debleskri rhačepaskri hi, oun čip les an o makepaskro djet oun vitse les ap o Aron oun leskre koola oun ap leskre čavende oun lengre koola, te vell yob oun leskre koola o Debleske, ninna leskre čave oun lengre koola, te venn le o Debleske.

2. Mose 30:30

Yaake kress kova ninna o Aroneha oun leskre čaventsa. Mak len o djeteha, te venn le rashaya mange.

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Jesaja 61:3

Oun kolla an o foro Sion, kolengre djia rovenn, hounte venn bouder gar beshdo an i yagakri čik oun rido an gone. Na-a, me dau len verklia, te krenn le pen shoukar, oun soungepaskro djet. Lengre djia te givenn oun ačenn bouder gar phagedo. Oun yon venn kharedo: Bare rouka, hoy anenn sharepen o Debleske, oun Ruka, hoy o baro Devel peske an i phoub čivas, te vell leskro raylepen diklo.

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

3. Mose 8:12

Palle las o Mose ko djet, oun čoras kolestar ap o Aroneskro shero, oun kras yaake, te vell yob o baro Debleskro rashay.

4. Mose 3:3

Kal star van o djeteha dre-maklo, te venn yon rashaya, oun boudran an o Debleskro kheer.

Hebrearja 2:11

O Yezous kras i patslen čačo oun erligo, oun anas len pash peskro dadeste. Kanna hi leskro dad ninna lengro dad. Doleske ladjell lo gar, te dell lo len “phrala” gole.

1. Petro 1:2

O Devel, maro dad an o bolepen, rodas t'men vin, oun das t'men peskro Dourho, te venn t'mer o Debleskre čave, oun krenn, hoy o Yezous Kristo t'mendar kamella. Oun yob thovas t'mari doosh peskro rateha t'mendar tele. Mou vell t'men boud lačepen oun barht an o dji!

1. Johanni 2:27

O Yezous Kristo das t'men o Debleskro Dourho. Kova ačell an t'mende. Doleske hounte vell t'men kek vavar sikepaskro. O Debleskro Dourho sikrell t'mende o tselo Debleskro drom. Oun lauter, hoy yob t'mende sikrell, kova hi čačo oun kek rhorhepen. Krenn kova, hoy o Debleskro Dourho t'mende sikrella! Yaake ačenn t'mer o Yezous Kristeha khetne.

Debleskro tsiro 7:14

Oun me penom ap leste: “Miro ray, tou djineh les.” Oun yob penas ap mande: “Kolla van zoreles palla lino, oun van vin dran ko pharo tsiro. Oun yon thovan pengre ripya, oun kran len parno an o terno bakreskro rat.”