3. Mose 8:14 - O Debleskro Lab 2024 (Sinte-Manouche)

¹⁴ Yob moukas o terno gouroum te anell, hoy i doshake maredo vell. O Aron oun leskre čave čivan pengre vasta ap o shero ko terno firhestar.

O Debleskro Drom 2021 (Sinte)

¹⁴ Job mukas o terno gurum te anell, hoi i doshake maredo well. O Aron un leskre tchawe tchiwan pengre wasta ap o shero ko terno viechestar.

3. Mose 8:14 Iomraidhean Croise

Debleskri gili 66:15

I thoulle bakrendar anau me touke, te venn le touke rhačedo. Ninna groumya oun bouzya anau glan toute. Te venn le rhačedo ap tiri rhačepaskri, djal i yagakro dourho pre pash toute.

Jesaja 53:10

O baro Devel kamas kova yaake, te vas lo phagedo. Yob moukas ap leste douka te vell. Pal kova, kay das lo peskro djipen i doshake i menshendar, dikell lo čaven, kay lestar venna, oun djivell i lengsto djipen. Oun kova, hoy o baro Devel peske glan las, vell lestar kerdo.

Ezekiel 43:19

Kokres i rashaya dran o kheer Levi, kolengro phouro dad o Zadok hi, nay venn glan mande, te boudrenn le mange. Kava penell o baro Devel, maro ray. Kal rashayenge dess tou i terno gouroum, te marenn le les, te vell i doosh i menshendar krik lino.

Ezekiel 43:20

Oun tou less leskro rat, oun makess čomone ap kol star shinga, oun pral ap kol star ekke, oun ap koy tikni massouri, hoy trouyel djal. Yaake leh koy tseli doosh oun o pale-čiddo koova krik, hoy ap i rhačepaskri hi.

Ezekiel 44:27

Ap ko dives, kay djal lo pale ap koy tikni glanstouni platsa, te krell lo peskri boudi an miro kheer, hounte marell lo mange i firhes, te vell o pale-čiddo koova lestar krik lino. Kava penau me, o baro Devel, t'maro ray.

3. Mose 1:4

Oun o morsh čivell peskro vast ap o shero ko firhestar, te dikell o Devel lačes ap leste oun lell leskri doosh, hoy lo ap peste las, krik.

3. Mose 16:21

oun čivell peskre douy vasta ap lakro shero, oun penell haki doosh oun hako čilačepen, hoy i Israelitarya kran. Yaake čivell lo kova lauter ap i bouzyakro shero. Palle moukell lo lat i morshestar, kay koleske koy tardo hi, krik te tradell an o moulo tato them.

3. Mose 16:6

O Aron anell peske oun peskri familyake i gouroum, te vell lo maredo, te vell lengri doosh oun lengro pale-čiddo koova krik lino, oun lauter pale mishto mank o baro Debleste oun lende.

3. Mose 4:15

Oun i phoureder lendar čivenn pengre vasta ap o firheskro shero oun marenn les kote glan o baro Debleste.

3. Mose 8:2

Le o Arones oun leskre morsh čaven touha, oun i rashayengre koola, oun o djet oun ko terno gouroum, hoy i doshake maredo vell, oun kol douy morsh bakre oun koy korba, kay i mare dren hi, kay kek shoutlo yarro dren hi.

4. Mose 8:12

Oun kol Levitarya hounte čivenn pengre vasta ap kol terne gourmengre shere. Ko yek vell rhačedo, te vell i doosh krik lino. Ko vavar vell tseles rhačedo o baro Debleske. Yaake vell i doosh i Levitarendar krik lino.

Remarja 8:3

O Moseskre laba nay dan ko djipen gar. I menshe nay kran kova gar, hoy an o Moseskre lila činlo hi. Ko čilačepen, hoy an lende his, moukas len gar te krell, hoy o Devel lendar kamas. Doleske penas o Devel: “O čilačepen hounte merell.” Oun yob bičras peskro čaves, te vell lo i mensho har mer, kay čilačo ham. Yob las maro čilačepen ap peste oun meras. Oun yaake meras o čilačepen leha oun nashras peskri zoor pral mende.

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

1. Petro 3:18

Ninna o Yezous Kristo las yek kopo douka ap peste, har yob ap o troushel meras, oun mari doosh ap peste las. Yob his i lačo, oun meras i čilačenge. Kova kras lo, te anell lo len pash o Debleste. I menshe maran les. O Debleskro Dourho kras les djido.