3. Mose 7:7 - O Debleskro Lab 2024 (Sinte-Manouche)

⁷ Yaake har pash ko firho, hoy i doshake maredo vell, yaake hi ninna pash ko firho, hoy maredo vell, te vell o mensheskri doosh pale mishto kerdo. O firheskro mass hi ko rashayeske, kay o firheskro thulepen rhačrell, te vell pale lauter mishto mank ko mensheste oun o Debleste.

O Debleskro Drom 2021 (Sinte)

⁷ Jaake har pash ko viecho, hoi i doshake maredo well, jaake hi ninna pash ko viecho, hoi maredo well, te well o mensheskri doosh pale mishto kerdo. O viecheskro mass hi ko rashajeske, kai o viecheskro thulepen chatchrell, te well pale lauter mishto mank ko mensheste un o Debleste.

3. Mose 7:7 Iomraidhean Croise

2. Rajengro liil 12:16

Oun kol morshen, kay ko tselo roup dino vas, te denn le les i boudepangren, kolla hounte penan kekeske, har yon ko roup vin dan. Yon his morsha o labestar oun lenge vas patslo.

2. Rajengro liil 12:17

Kol vavar love, hoy i menshe pashel dan, har anan le firhen o Debleske, te vell lengri doosh krik lino, oun te vell lauter pale mishto, kol love vas gar o baro Debleskro khereske lino. Kol love his i rashayenge kokres.

3. Mose 14:13

Pal kova marell lo ko terno bakres kote, kay venn ninna firhe maredo, te vell i doosh oun o pale-čiddo koova krik lino, oun kol vavar, kolengro tselo mass rhačedo vell. Kay platsa hi i Debleskri platsa. Yaake har hi o rashayeske ko mass i firhestar, hoy vell maredo, te vell i doosh oun o pale-čiddo koova krik lino, yaake hi ninna o rashayeske ko mass i firhestar, hoy vell maredo, te vell ko mensho pale erligo kerdo glan o Debleste. O mass sau firhestar, hoy o Debleske anlo vas, nay rhan kokres i rashaya oun kek vavar.

3. Mose 2:10

Kova, hoy pral ačell, hi o Aroneske oun leskre čavenge. Kova hi i Debleskro rhapen, oun hi i rashayenge kokres.

3. Mose 2:3

Kova, hoy o yarrestar o djeteha pral ačell, hi o Aroneske oun leskre čavenge. Kova hi i Debleskro rhapen oun hi i rashayenge kokres.

3. Mose 6:17

Oun o baro Devel penas ap o Moseste:

3. Mose 7:8

Ko rashay, kay o firho yekestar glan o baro Debleste anell, koleskro tselo mass rhačedo vell, koleske hi o firheskri hauta.

4. Mose 5:8

Kek te hi koy, koneste nay dell lo kova, palle dell lo les o baro Debleste o rashayeske. Ninna dell lo i divyo bakro, hoy o rashay marella, te vell leskri doosh krik lino oun halauter pale mishto.

1. Korintarja 10:18

Kova hi yaake, har pash i menshende an Israel. Yon van khetne oun rhan kol firhendar, kay anan le o Debleske. Lauter kolla, kay rhan, his khetne. Oun o Devel his mank lende.

1. Korintarja 9:13

Djinenn t'mer gar, kay kolla, kay an o Debleskro baro kheer boudrenna, kote lenna, hoy len hounte vell djipaske? Oun kolla, kay anenn marede firhen glan o Debleste, kolla nay rhan ninna i kotar kolestar, hoy o Debleste dino vella.