3. Mose 7:6 - O Debleskro Lab 2024 (Sinte-Manouche)

⁶ I morsha oun i morsh čave dran i rashayengre familye nay rhan o mass ap i Debleskri platsa. Ko mass vell i firhestar, hoy o baro Debleske anlo vas. Doleske nay rhal les kek vavar.

O Debleskro Drom 2021 (Sinte)

⁶ I mursha un i mursh tchawe dran i rashajengre familje nai chan o mass ap i Debleskri platsa. Ko mass well i viechestar, hoi o baro Debleske anlo was. Doleske nai chal les kek wawar.

3. Mose 7:6 Iomraidhean Croise

Ezekiel 42:13

O morsh penas ap mande: Kal isema, kolla ap i nordetikri rig, oun kolla ap koy rig, kay o kham pralstounes tardo hi, hoy pash koy platsa čiddo hi, hoy pal o Debleskro kheer hi, kolla hi kolenge, kay boudrenn o Debleske. I rashaya, kay glan o baro Debleste pengri boudi krenn, nay rhan kote pengro kotar kolestar, hoy o Debleske anlo vas, oun hoy kokres i rashaya nay rhan. An kal iseme čivenn le kova, hoy o Debleske anlo vas: ko djob, oun ko mass kol firhendar, hoy i doshake maredo van oun doleske, te vell lauter pale mishto. Kal iseme hi koleske, hoy o Debleske hi.

3. Mose 2:3

Kova, hoy o yarrestar o djeteha pral ačell, hi o Aroneske oun leskre čavenge. Kova hi i Debleskro rhapen oun hi i rashayenge kokres.

3. Mose 21:22

Ko rhapen, hoy o Debleske anlo vas, nay rhal lo, ninna ko rhapen, hoy kokres i rashayenge hi.

3. Mose 6:11

Kokres kol morsh čave, kay venn o Aronestar, nay rhan kolestar. Kova hi hako tsireske lengro kotar kolestar, hoy i menshe o baro Debleske anenna. Hako vavar, kay taprell kova an, lell peskri phagi.

3. Mose 7:5

O rashay moukell kova lauter ap i rhačepaskri pre te rhačrell o baro Debleske. Yaake vell ko mensheskri doosh pale mishto kerdo.

Haggai 2:12

“Te hidjrals yek an peskro ripen mass, hoy o Debleske hi, oun taprals kava ripeha maro an, keredo rhapen, mool, oun djet, vals ko koova palle ninna o Debleske?” Oun i rashaya rakran pale pale, oun penan “Na-a.”

1. Korintarja 10:18

Kova hi yaake, har pash i menshende an Israel. Yon van khetne oun rhan kol firhendar, kay anan le o Debleske. Lauter kolla, kay rhan, his khetne. Oun o Devel his mank lende.

1. Korintarja 9:13

Djinenn t'mer gar, kay kolla, kay an o Debleskro baro kheer boudrenna, kote lenna, hoy len hounte vell djipaske? Oun kolla, kay anenn marede firhen glan o Debleste, kolla nay rhan ninna i kotar kolestar, hoy o Debleste dino vella.