3. Mose 7:32 - O Debleskro Lab 2024 (Sinte-Manouche)

³² O čači heri kava firhestar hi ninna ko rashayeske,

O Debleskro Drom 2021 (Sinte)

³² O tchatchi heri kau viechestar hi ninna ko rashajeske,

3. Mose 7:32 Iomraidhean Croise

2. Mose 29:27

Hako kopo, kay vell i morsh mange i rashay, vell o beč kava bakrestar oun o pralstouno kotar i heryatar glan o baro Debleste pre hadedo, te sikrenn le, kay kova o Debleske hi.

3. Mose 10:14

Ko beč oun koy čači palstouni heri, hoy pre hadedo van glan o baro Debleste, hi ninna t'menge. Rhan len khetne t'mare čaventsa oun čentsa ap i vavar platsa, hoy djoudjo hi o Debleske. Kal kotya mass hi tiro kotar oun tire čavengro kotar kol firhendar, hoy i Israelitarya o baro Debleske anan, te rhan le len khetne glan leste.

3. Mose 7:33

kay anell o rat oun o thulepen glan o baro Debleste kol firhendar, hoy rhan i Israelitarya palle khetne glan o Debleste.

3. Mose 7:34

O baro Devel penell i Israelenge, kay anenn leske i firhes, te rhan le les khetne glan leste, te denn le o beč oun i čači heri o rashayeste, o Aroneste, oun leskre morsh čavende. Kal kotya mass hi i rashayenge dran o kheer Aron hako tsireske foun ko dives, kay van le dren čiddo an pengri rashayengri boudi. Oun i Israelitarya hounte denn len i rashayende. Kava lab ačell yaake hako tsireske, hoy vella.

3. Mose 9:21

Kol bečeskre kotya oun i čače palstoune herya hadas o Aron glan o baro Debleste pre, te sikrell lo, kay kal tsele firhe o baro Debleske his. Yaake penas kova o baro Devel o Moseske.

4. Mose 5:9

Ninna ko vavar koova, hoy i Israelitarya o baro Debleste denn, hi i rashayenge.

4. Mose 6:20

Palle lell o rashay kova an peskre vasta oun hadell les pre, te dell lo les o baro Debleste. Ko koova, khetne o beč oun i palstouni heri o bakrestar, hi o rashayeske. Koy pal nay piyell kova, kay i tsireske o Debleske koy his, pale mool.

5. Mose 18:3

Kava hi, hoy i rashayen hounte vell: Te anell yek i groumni, oder i bakro o baro Debleske, hounte dell lo kolestar o phik, kol douy čamya oun i bouke o rashayeske.

1. Samuel 9:24

Koy anas kova, kay keras o rhapen, o palstouni heri oun ko thoullo kotar mass, hoy pashel hi, oun čivas les glan o Saul. Oun penas: “Dik, kava hi, hoy touke pral ačas. Le les oun rha! Kava kotar mass vas touke ap i rig čiddo, te rhah tou les ap kava dives khetne kolentsa, kolenge penom, te venn le pash o rhapen.” Yaake rhas o Saul oun Samuel khetne ap ko dives.