3. Mose 7:26 - O Debleskro Lab 2024 (Sinte-Manouche)

²⁶ Ma rhan vitar kek rat – kek rat i firhestar oun kek rat i čirklestar, kay t'mer ninna djivenna!

O Debleskro Drom 2021 (Sinte)

²⁶ Ma chan witar kek rat – kek rat i viechestar un kek rat i tchirklestar, kai tumer ninna djiwenna!

3. Mose 7:26 Iomraidhean Croise

1. Mose 9:4

Kokres o mass, kay hi gomme rat dren, kova hounte rhan gar; an o rat hi o djipen.

2. Mose 22:30

T'mer han mire vi-rodede menshe. Doleske ma rhan o mass kol firhendar, hoy van moulo dandedo divye firhendar. Denn ko moulo firhes t'mare djouklen!

Ezekiel 33:25

Doleske pen lenge: Kava penell o baro Devel, maro ray: T'mer rhan ko mass o rateha, oun mangenn rhorhene deblen an oun marenn menshen! Patsenn čačepah, ko them hi t'maro?

3. Mose 19:26

Ma rhan mass, kay rat dren hi. Ma dourkrenn! Ma krenn bengeskro koova!

3. Mose 3:17

Kek t'mendar hounte rhal o thulepen oun o rat. Ap kova hounte rikrenn t'men oun t'mare čave kanna oun hako tsiro, kay t'mer ninna djivenna.

3. Mose 7:25

Kova, kay rhal ko thulepen save firhendar, kay o baro Debleske anlo van, kova vell infam oun hi bouder kek Israelitari.

3. Mose 7:27

Hakeno, kay rhal o rat, vell infam oun hi bouder kek Israelitari.”

Johanni 6:53

Koy penas o Yezous ap lende: “Čačepah, me penau t'menge: Te rhan t'mer gar o Menshengro Čaveskro mass, oun piyenn gar leskro rat, hi t'men gar o djipen, hoy gar pre-herella.

Bičepangre 15:20

Mer činah lenge i liil, oun penah lenge, te rhan le kek mass, hoy vas glan i figura anlo, hoy i menshe an-mangenn, har te vals li o Devel; te sovenn i morsha gar vavar djouvyentsa, vitar gar i djouvya vavar morshentsa; te rhan le kek mass i firhendar, kay o rat gar vin nashas, te piyenn le lendar vitar kek rat.

Bičepangre 15:29

Rhan kek mass, hoy vas glan i figura anlo, hoy i menshe an-mangenn, har te vals li o Devel. Piyenn kek rat! Rhan kek mass i firhestar, kay o rat gar vin nashas! I morshenge penah, te sovenn le gar vavar djouvyentsa. Oun i djouvyenge penah, te sovenn le gar vavar morshentsa. Te rikrenn t'men ap kova, hi kova mishto. Ačenn o Debleha!”

Efesarja 1:7

Har o Yezous Kristo ap o troushel meras, oun peskro rat menge ratas, las lo mari doosh oun phagi mendar. Yaake baro his leskro lačepen ap mende!

5. Mose 12:16

Kokres o rat ma rhan! Koles čorenn ap i phoub har pani.

5. Mose 12:23

Kokres yek koova rikrenn dren! Ma rhan o mass, kay hi gomme o rat dren! An o rat hi o djipen. Oun t'mer hounte rhan gar o djipen khetne o masseha.

5. Mose 15:23

Kokres lakro rat rhas tou gar! Tou čoress les ap i phoub har pani.

1. Timoteo 4:4

Lauter, hoy o Devel kras, hi lačo. Oun či hi pale-čiddo, te parkrah men mer koleske pash o Debleste.