3. Mose 7:12 - O Debleskro Lab 2024 (Sinte-Manouche)

¹² Te anell yek les, te kamell lo pes pash o baro Debleste te parkrell, palle hounte anell lo ninna merklia kerdo djeteha, an kolende kek shoutlo yarro hi, oun sane mare an kolende kek shoutlo yarro hi, kay djet pral maklo vas, ninna merklia kerdo dran lačo djob oun djet.

O Debleskro Drom 2021 (Sinte)

¹² Te anell jek les, te kamell lo pes pash o baro Debleste te parkrell, palle hunte anell lo ninna merklia kerdo djeteha, an kolende kek shutlo jarro hi, un sane mare an kolende kek shutlo jarro hi, kai djet pral maklo was, ninna merklia kerdo dran latcho djob un djet.

3. Mose 7:12 Iomraidhean Croise

2. Familjakro liil 29:31

Palle penas o Hiskiya ap i menshende: “Kanna han djoudjo o baro Debleske. Avenn oun anenn t'mare firhen, kolentsa parkrenn t'men pash o baro Debleste!” Oun yon anan firhen, te parkrenn le pen pash leste. Oun hakeno, kay kamas boudeder te dell, anas save firhen, kay van tseles rhačedo o baro Debleske.

2. Familjakro liil 33:16

Oun yob moukas o baro Debleskri rhačepaskri neves te krell, oun anas o baro Debleske firhen, save, hoy rhan le khetne glan leste, oun save, te parkrell lo pes pash leste. Oun ap i menshende an o them Youda penas lo, te mangenn le kokres o baro Debles an. Yob hi o Devel pral Israel.

Nehemia 12:43

Oun ap ko dives anan le boud firhen o Debleske. Oun yon givan oun khelan i barhtyatar. O Devel kras, te van lengre djia barhtelo oun san. Oun ninna i djouvya oun i čave dan gole i barhtyatar. Oun koy bari barhteli gole an o foro Yerusalem vas shounlo foun doural.

Debleskri gili 107:8

Yon hounte parkrenn pen pash o baro Debleste, te vas lo yaake lačes ap lende, oun kras baro shoukar koova ap i menshende.

Debleskri gili 116:17

Pash toute kamau me man te parkrell, oun tout an-mangell.

Debleskri gili 50:23

Kova, kay pes pash mande parkrella, hi kova, kay sharell man. Kova hi o drom, kay sikrau leste, har lačo leske hom.”

Jeremia 33:11

kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.

Hosea 14:2

Tou Israel, dja pale pash o baro Debleste, ko tiro Devel hi! Koy doosh, hoy ap toute anal, moukas tout an i bibarht te perell.

3. Mose 2:4

Te kameh i rhapen glan o baro Debleste te anell, hoy peklo hi an i bob, palle an čomone, kay kek shoutlo yarro dren hi, nay venn merklia dran lačo yarro khetne kerdo djeteha, nay venn sane mare, hoy djet pral maklo vell.

3. Mose 2:5

Te kameh i merkli te anell, hoy peklo hi ap i sasterno čaro, palle le yarro, kay kek shoutlo yarro dren hi, oun hoy kerdo hi o djeteha.

3. Mose 22:29

Te marenn t'mer i firhes o baro Debleske, te parkrenn t'men koleha pash leste, palle rhan les ap ko emligo dives, te dikell o baro Devel lačes ap t'mende! Ma moukenn čomone pral bis ap o vavar dives! Me hom o baro Devel.

3. Mose 6:16

Hako kopo, kay anell i rashay peske i rhapen dran djob o baro Debleske, hounte vell ko tselo rhapen rhačedo. Kek rhal les.

3. Mose 7:15

Ko mass kava firhestar, hoy yek glan o baro Debleste anas, te parkrell lo pes pash leste, hounte vell ap kava emligo dives rhalo, oun či kolestar ačell čiddo bis taysarlakro.

Amos 4:5

Anenn shoutlo maro o Debleske, te parkrenn pen pash leste! Denn vin gole, te anenn i menshe pendar čomone o Debleske! Oun palle denn vin gole, hoy hakeno anas. Savo koova kamenn t'mer yaake, t'mer Israelitarya! Kova penell o baro Devel, maro ray.

4. Mose 6:15

Ninna anell lo i kashteni piri, kay merklia oun mare dren hi, kay kek shoutlo yarro dren hi: merklia dran lačo yarro oun djet, oun sane mare, kay djet pre maklo hi, ninna ko tselo rhapen dran yarro oun koy mool, hoy koy pashel hi, te vell lo dino o Debleske.

Louka 17:16

Yob vitsras pes glan o Yezouseskre pire tele, oun parkras pes. Kova his i Samaritari.

Louka 17:18

Hi kek vavar koy, kay vas pale pale, te sharell lo o Debles har kava Samaritari?”

Remarja 1:21

Ninna te djinan le o Deblestar, sharan le les gar, oun parkran pen gar pash leste. Na-a, yon djan pal kova, hoy an lengro shero hi oun či moldo hi. Oun lengre djia hayvan bouder gar, hoy mishto hi.

Efesarja 5:20

Parkrenn t'men hako tsiro pash o Debleste, maro dadeste, lautereske, hoy das lo t'men! Krenn kova an o lab maro rayestar, o Yezous Kristestar!

Hebrearja 13:15

Dran kova parkras men pash o Debleste, sharas les hako tsiro, oun kras o Yezouseskro lab bares.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.