3. Mose 6:5 - O Debleskro Lab 2024 (Sinte-Manouche)

⁵ Oun koy yag ap i rhačepaskri rhačell doureder, oun djal ko tselo tsiro gar vin. Haki taysarla čivell o rashay kasht pre, oun koy pre ko mass ko firhestar, hoy vell tseles rhačedo, ninna kol kotya thulepen ko firhestar, hoy i menshe khetne rhan. Oun o rashay moukell lauter pre te rhačrell.

O Debleskro Drom 2021 (Sinte)

⁵ Un koi jag ap i chatchepaskri chatchell dureder, un djal ko tselo tsiro gar win. Haki taissarla tchiwell o rashai kasht pre, un koi pre ko mass ko viechestar, hoi well tseles chatchedo, ninna kol kotja thulepen ko viechestar, hoi i menshe khetne chan. Un o rashai mukell lauter pre te chatchrell.

3. Mose 6:5 Iomraidhean Croise

2. Samuel 12:6

Ninna hounte playsrell yob star kope yaake boud ko bakreske, hoy lo las, doleske, kay his les kek dji o čorveleske.”

Nehemia 10:35

Mer anah hako bersh o kasht rhačepaske an maro Debleskro kheer, te nay vell les rhačedo ap i rhačepaskri maro baro Deblestar, yaake har činlo hi an o Moseskro liil. Mer, i rashaya, i Levitarya oun i vavar Israelitarya, vitsrah tikne barra, te sikrenn le, koon mare familyendar an havo tsiro kava kasht anell.

2. Mose 22:1

Te vell i čorepaskro tapedo, har yob rati an i kheer dren phagell, oun vell yaake dino, te merell lo, hi koles, hoy les das, kek doosh ap leskro rat.

2. Mose 22:4

Te dell i morsh gar yak ap peskre firhende, oun moukell len ap i vavareskro them te djal oun kote te rhal, palle hounte dell lo kova pale. Te rhan i firhe djob, palle dell lo o lačeder djob, hoy leskro hi. Te rhan i firhe drake, palle dell lo peskre lačeder drake.

2. Mose 22:7

Te vell ko čorepaskro gar hatslo, palle dell pes ko morsh, dran koleskro kheer ko koova čoredo vas, glan o Debleste sovel, te čoras lo ko koova gar kokres.

2. Mose 22:9

Te dell yek o vavares i bourika, i groumni, i bakro, ninna i vavar firho, te dell lo yak ap leste, oun ko firho merell, doukrell pes, oder vell krik tradedo oun kek dikas čomone,

2. Mose 30:7

Ap ko sonakaskro bob rhačrell o Aron ko kouč koova, hoy o Debleske shoukar soungella. Kova krell lo hako dives taysarlakro, te čorell lo o djet an i momlia,

Jesaja 58:6

Kanna penau touke, hoy i dives hi, hoy glan mire yaka mishto hi: I dives, kay kreh tou kol shelle pre kolendar, kay pandlo van, oun kay kek čilačepen kran. Mouk kolen te djan, ap kolende pharo koova čival! Le ko koova krik, koleha len tele rikral! Oun phage kol shelle, hoy troul lengre menya pandlo hi.

Jesaja 58:9

Palle deh tou gole, oun o baro Devel rakrell ap toute pale! Hako kopo, kay deh gole ab ap miri rig, penell yob: Kate hom. Tou rikress kekes tele pash toute, oun aness či ap yekeste pre, hoy gar čačo hi, oun rakress gar djoungeles pral leste.

Ezekiel 33:15

oun dell koleste kova pale, hoy lo koleske las, har lo leske čomone patsas, oun dell ninna kova pale, hoy lo čoras, oun djivell kanna pal kol laba, hoy o djipen anenn, oun krell bouder gar o čilačepen – palle djivell lo! Yob merell gar!

3. Mose 5:16

Oun ninna hounte anell lo ko koova, hoy anas lo gar o baro Debleske, oun o pančto kolestar gomme pashel. Oun kova lauter dell lo o rashayeste an o vast. Oun o rashay marell ko bakro oun rhačrell leskro thulepen, te vell lauter pale mishto mank o Debleste oun o mensheste. Oun o baro Devel bistrell koy doosh.

Louka 19:8

O Zakeo his koy tardo oun penas ap o Yezouseste: “Mo ray, me dau i čorvelende i paash lauterestar, hoy man hi. Oun te rhorhrom yekes, dau les kanna star kope yaake boud pale.”

1. Samuel 12:3

Doleske hom kanna glan t'mende tardo: Stenn pre oun rakrenn kate glan o baro Debleste oun glan o baro rayeste, kones yob vin rodas: Koneskri groumni lom me? Koneskri esla? Kones rhorhrom me? Konestar lom i zoryah, hoy leske his? Konestar moukom man te playsrell, te pandap mire yaka glan leskro čilačo koova. Me te krom kova, palle kamau les me pale te dell.”