3. Mose 6:2 - O Debleskro Lab 2024 (Sinte-Manouche)

² Pen ap o Aron oun leskre morsh čavende: Yaake hounte krenn t'mer o firheha, koleskro tselo mass mange rhačedo vell: Ko mass ačell ap i rhačepaskri koy tseli rat, bis te vell o nevo dives. Oun koy yag ap i rhačepaskri hounte rhačell i tseli rat oun djal gar vin.

O Debleskro Drom 2021 (Sinte)

² Pen ap o Aron un leskre mursh tchawende: Jaake hunte krenn tumer o viecheha, koleskro tselo mass mange chatchedo well: Ko mass atchell ap i chatchepaskri koi tseli rat, bis te well o newo diwes. Un koi jag ap i chatchepaskri hunte chatchell i tseli rat un djal gar win.

3. Mose 6:2 Iomraidhean Croise

1. Mose 26:7

Har i menshe an ko foro leskri romyat dikan, poučan le: “Koon hi koya?” Penas yob: “Yoy hi miri pheen.” Les his traash te penell: Yoy hi miri romni. Yob daras, te denn le les moulo, te lenn yon lat, yaake shoukar his li.

Debleskri gili 51:4

Thob miri doosh mandar tele, oun le ko tselo čilačepen mandar krik, te vap pale djoudjo!

Gosewe laba 24:28

Ma an rhorhepen pre ap i vavareste! Pen o čačepen!

Gosewe laba 26:19

yaake hi ko morsh, kay peskro males rhorhell, oun palle penell: Hoy krom, his sapaske.

Jesaja 21:2

Havo pharo koova vas mange siklo! O phoukepaskro phoukrella, oun o randepaskro randella. T'mer lourde dran i themma Elam oun Media, krenn t'men ap o drom, oun čivenn t'men pre troul lo foro Babilon. O baro Devel krell, te hounte rovell bouder kek pral kova, hoy i Babilonarya kran.

Jesaja 24:16

Dran themma, kay dour mendar krik hi, shounah o gipen: “Sharedo vell o Devel, kay o čačepaskro hi.” Me penom mange: Mange hi ropaske! Mange hi ropaske! Har djoungelo djal mange? Phoukepangre phoukrenn, ava, phoukepangre phoukrenn, oun moukenn gar tele pengro phoukepah.

Jesaja 33:1

Djungeles djal touke, kay tou lauter khetne dal, oun kokres val gar khetne dino. Djungeles djal touke, tou phoukepaskro, ap koleste kek phoukras. Pal kova, kay dal halauter khetne, veh tou ninna khetne dino. Pal kova, kay phoukral ap hakeneste, phoukrenn le ap toute ninna.

Jeremia 9:5

Oun moukenn gar tele, te rikrenn le i vavaren tele, oun te rhorhenn le len. Man kamenn le gar te prindjrell, penell o baro Devel.

Ezekiel 40:46

Oun koy isema, kolakri glanstouni rig kote sikrell, kay norden hi, hi kol rashayenge, kolla pengri boudi ap i rhačepaskri krenn. Kolla hi kol morsha, kolengro dad o Zadok his. I tsele morshendar, kay venn dran o kheer Levi, hi yon kokres kolla, kay nay venn glan o baro Debleste, te boudrenn le leske.

3. Mose 1:3

Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

3. Mose 19:11

Ma čorenn! Ma rakrenn rhorhepen! Ma krenn rhorheno koova yek o vavareske!

3. Mose 5:15

Te dals yek gar o baro Debleste, hoy hounte dals lo leste, rhorhras lo o baro Debles, ninna te djinas lo kova gar. Yob hounte anell o Debleske i bakro, hoy sasto hi, te vell leskri doosh pale mishto. Kava bakro hounte vell yaake boud roupene beme moldo, har tou peneh. Yek roupeni bema hi yaake pharo har i roupeni bema an o Debleskro kheer hi.

3. Mose 5:19

Yaake hounte krell kova, kay kras i čilačepen ap o baro Debleste, te vell leskri doosh pale mishto.

3. Mose 6:1

Oun o baro Devel penas ap o Mose:

Amos 8:5

T'mer penenn t'menge: Mou djal o Debleskro dives sik trouyel, ninna ko baro dives, hoy sikrell, kay o nevo čon vas! Palle nay krah maro djobeskro kheer pale pre, te bikras djob! O bikepaske lah mer i tikneder piri, te kras lat pherdo djob, oun boudeder love har čačo hi, oun čivah save barra ap i vaga, te rhorhas mer i ginepangre.

Habakuk 1:13

Tire yaka hi yaake djoudjo, te nay dikeh kek čilačepen. Tou nay dikeh gar har i menshe doukedo venna. Hoske kreh tou či, te dikeh kol rhorhene phoukepangren, oun peneh kek lab, te rhal o čilačo koles pre, kay hi lačeder oun čačeder har yob?

Johanni 8:44

T'maro dad hi o beng. Oun t'mer krenna, hoy t'maro dad ninna kamella. Yob hi yek, kay marell i menshen hako tsiro. Oun yob hi gar an o čačepen tardo. O čačepen hi gar an leste. Te rakrell yob o rhorhepen, vell kova dran leste. Yob hi i rhorheno, oun anas o rhorhepen ap kay phoub.

Bičepangre 5:4

Tou nay rikrals tiro kotar phoub. Oun har bikral les, nay rikrals kol love ninna. Har nay kral tou savo koova? Tou rhorhral gar i menshen. Tou rhorhral o Debles.”

Efesarja 4:25

Ma rhorhenn bouder! Mer ham lauter phrala oun phenya. Doleske rakrenn o čačepen yek o vavareha!

Debleskro tsiro 22:15

Vin hi kolla, kay moukan o Debleskro drom, kolla, kay kran bengeskro koova, kolla, kay loubran trouyel, kolla, kay maran vavaren, kolla, kay mangan vavar koova an har o Debles, oun hakeno, kay kamell oun krell o rhorhepen.