3. Mose 5:7 - O Debleskro Lab 2024 (Sinte-Manouche)

⁷ Te hi ko morsh čorvelo oun nay anell kek bakri vitar kek bouzni, nay anell lo douy taube. Kolla nay hi douy divye taube oder douy vavar taube, yek, te vell i doosh krik lino, oun yek, hoy o baro Debleske tseles rhačedo vell.

O Debleskro Drom 2021 (Sinte)

⁷ Te hi ko mursh tchorwelo un nai anell kek bakri witar kek busni, nai anell lo dui taube. Kolla nai hi dui diwje taube oder dui wawar taube, jek, te well i doosh krik lino, un jek, hoi o baro Debleske tseles chatchedo well.

3. Mose 5:7 Iomraidhean Croise

3. Mose 12:6

Pal kal divessa, kay his li pale-čiddo, anell li o rashayeske i bakro, hoy yek bersh hi glan o voudar o Debleskro kherestar. Ninna anell li leske i terni tauba oder i divyi tauba. O bakro vell maredo oun leskro tselo mass vell rhačedo o baro Debleske. Oun i tauba vell maredo, te vell o pale-čiddo koova krik lino.

3. Mose 12:8

Te hi li yaake čorvelo, te nay anell li kek bakro, palle anell li douy divye taube oder douy terne taube, yek, hoy o baro Debleske rhačedo vell, oun yek, hoy maredo vell, te vell o pale-čiddo koova latar krik lino. Yaake krell o rashay, te vell li pale erligo.

3. Mose 14:30

Pal kova marell o rashay koy yek tauba, hoy ko mensho anas – nay vell i divyi tauba, nay vell i vavar tauba –

3. Mose 14:31

te vell o pale-čiddo koova krik lino, oun koy pal koy vavar tauba, hoy vell tseles rhačedo ap o Debleskri rhačepaskri. Oun koy pashel anell lo ko rhapen dran yarro glan o baro Debleste. Yaake krell o rashay, te vell kova, kay sasto vas, pale erligo glan o baro Debleste.

3. Mose 15:30

Ko rashay marell koy yek tauba, te vell o pale-čiddo koova krik lino, oun koy vavar, te vell li tseles rhačedo o baro Debleske. Yaake krell o rashay, te vell koy djouvel, kay ratas oun doleske pale-čiddo his, pale erligo.

3. Mose 16:5

I Israelitarya anenn leske douy morsh bouzya oun yek bakro. I bouzya venn maredo, te vell i doosh oun o pale-čiddo koova krik lino. Oun o bakro vell maredo, te vell leskro tselo mass rhačedo o Debleske.

3. Mose 27:8

Te hi kova, kay pes sovel das, yaake čorvelo, te nay anell leskro vast kova gar khetne, palle anell lo ko menshes pash o rashayeste. Oun ko rashay dikell peske koles an, oun penell har boud love leske playsedo hounte venn, pal kova hoy kova nay dell, kay pes sovel das.

3. Mose 5:11

Te hi kova, kay doosh ap peste anas, yaake čorvelo, te nay anell lo gar douy taube, palle anell lo yek kilogrammi lačo yarro o baro Debleske, te vell leskri doosh krik lino. Yob hounte čivell kek djet pre, vitar kek soungepaskro koova. Kava hi i rhapen, hoy o Debleske anlo vell, te vell i doosh krik lino.

3. Mose 7:1

Yaake hounte vell kerdo ko firheha, hoy i menshe anenn, te vell lengri doosh pale mishto kerdo. O mass sau firhestar nay rhan kokres i rashaya oun kek vavar.

3. Mose 9:3

Oun rake i Israelentsa oun pen lenge: Anenn yek morsh bouzni, hoy vell maredo, te vell i doosh krik lino, ninna i terno gouroum oun i terno bakro, hoy yek bersh phouro hi, te vell lengro mass tseles rhačedo o Debleske. Kol douy hounte venn sasto.

4. Mose 5:6

Pen ap i Israelitarya: Hakeno, morsh har djouvel, kay krell čilačepen ap yekeste, oun yaake ninna ap o baro Debleste, kova anell i doosh ap peste.

4. Mose 6:10

Oun ap o orhtato dives hounte lell yob douy divye taube oder douy vavar taube oun anell kolen pash o rashayeste pash o voudar glan o Debleskro plarhteno kheer.

4. Mose 6:11

Oun o rashay hounte dell koy yek tauba o Debleste, te vell i doosh krik lino. Oun koy vavar hounte rhačrell yob o Debleske, te vell lo pale erligo oun koy doosh lestar krik lino, hoy yob ap peste anas, har tapras lo i moules an, oun vas doleske pale-čiddo. Palle moukell yob peskro bal pale lengsto te vell,

Mateo 10:16

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!

Mateo 21:12

Oun o Yezous djas an o Debleskro baro kheer, oun tradas lauteren vin, kay kote bikran oun ginan. Oun yob vitsras i lovengre stamya kolendar trouyel, kay kol menshenge love paran. Ninna i stamya kolendar, kay čirkle bikran, vitsras lo trouyel.

Mateo 3:16

oun taufras o Yezouses. Har o Yezous dran o pani pral djas, djas o bolepen pre. Oun yob dikas o Debleskro Dourho har i parno čirklo ap peste tele te vell.

Louka 2:24

Oun o Yosef oun i Maria anan douy parne čirkle glan o Debleste, yaake har kova an i Moseskre lila činlo hi, te vell i djouvel pale erligo.

2. Korintarja 8:12

Te dell yek o djiyestar yaake boud har nay dell lo, dikell o Devel lačes ap leste. Yob kamell gar, te dell lo boudeder, har les hi.