3. Mose 5:4 - O Debleskro Lab 2024 (Sinte-Manouche)

⁴ Te dell yek pes sovel, yaake te rakrell leskro mouy sik, oun yob hayvell pal i tsiro, hoy lo kras, – hi yek, te hi kova, hoy lo penas, lačo oder čilačo leske – palle anas lo i doosh ap peste.

O Debleskro Drom 2021 (Sinte)

⁴ Te dell jek pes sowel, jaake te rakrell leskro mui sik, un job haiwell pal i tsiro, hoi lo kras, – hi jek, te hi kowa, hoi lo penas, latcho oder tchilatcho leske – palle anas lo i doosh ap peste.

3. Mose 5:4 Iomraidhean Croise

2. Samuel 21:7

Oun yob rodas efta morshen vin. O Mefi-Boshet, koleskro dad o Yonatan his oun koleskro papo o Saul his, kova his gar mank kolende. Glan i tsiro das o David glan o baro Debleste o Yonataneske i sovel, te moukell lo leskre čaven djido.

2. Rajengro liil 6:31

Oun yob penas: “O Debleskri rholi mou vell pral mande, te dau me kay dives gar ko shero o Elisestar tele, koleskro dad o Shafat hi.”

Debleskri gili 106:33

Yon kran les yaake rhoyedo, te rakras yob sik, oun leskre laba his gar gosevo.

3. Mose 5:13

Yaake krell o rashay, te vell i doosh kolestar krik lino, hoy doosh ap peste anas an hako koova, kolestar kate penlo vell. Oun lauter vell pale mishto mank ko mensheste oun o baro Debleste. Oun o baro Devel bistrell leskri doosh. O yarro, hoy pral ačell, hi o rashayeske, yaake har pash o vavar rhapen dran djob, hoy o Debleske dino vas.

3. Mose 5:3

Ninna te taprell lo ap i mensheste, kay hi pale-čiddo, hoy kova ninna hi, palle anas lo doosh ap peste, ninna te hayvas lo gar, hoy lo kras.

4. Mose 30:6

Te kamell lakro dad kova gar an ko dives har yob kolestar shounas, palle hounte rikrell yoy gar, hoy das li pes sovel, oun hoy yoy las ap peste. Oun o baro Devel djinell, kay lakro dad gar kamas te krell yoy kova, oun yob hidjrell lake či palla.

4. Mose 30:8

oun lakro rom penell či koy pre ap ko dives, kay shounell lo kova, palle hounte rikrell yoy peskri sovel, oun hounte krell, hoy li ap peste las.

Mateo 14:7

te das lo pes sovel, te dell lo lat lauter, hoy yoy lestar mangella.

Mateo 14:9

Har o Herodes kova shounas, khaytas les, hoy yob lake penas. Palle dikas lo ap kol tsele menshende, hoy shounan, har yob pes sovel das. Doleske penas lo ap peskre lourdende, te denn le lat, hoy yoy kamas.

Markus 6:23

Oun yob das pes sovel: “Hoy tou mandar ninna mangeh, kova dau tout, ninna te mangeh mandar o paash miro themestar oun bravlepen.”

Bičepangre 23:12

Taysarlake van boudeder har star-deesh bibolde khetne, oun dan pen sovel, te rhan le oun te piyenn le či yaake rah, bis te yon o Paules maran.

Josua 2:14

Kote penan kol morsha ap late: “Mer dah men sovel pash maro djipen: Te phoukreh tou men gar, krah mer kek čilačepen ap t'mende ap ko tsiro, kay dell men o baro Devel kava them, oun vah lačes ap t'mende.”

Josua 9:15

Oun o Yosua kras lentsa vin, te vell kek kourepen mashkral lende douyende. Oun yob das peskro vast koy pre, te moukell lo len te djivell. Oun i pralstoune pral o Israel dan pen ninna sovel koy pre.

Čačepangre 11:31

palle dau tout koles, kay dran miro khereskro voudar vin vella, oun pash mande vell ap ko dives, kay vau an o lačepen pale dran o kourepen kolentsa dran o them Ammon. Koles rhačrau touke.”

Čačepangre 21:18

Mare čen nay dah len gar te romedinerenn le len. I tsele Israelitarya dan pen sovel, oun penan: Praasedo vell kova, hoy i Benyamines i djouvyat dell.”

Čačepangre 21:7

Hoy nay kras mer kolenge, kay djido ačan, te vell len romyen? Kek mendar dell len peskri čay. Yaake dam men sovel glan o baro Debleste.”

Čačepangre 9:19

Te his kova lauter mishto, hoy kran t'mer ap o Gideon oun ap leskro kheer, palle krenn doureder yaake oun venn barhteles khetne, t'mer oun o Abimelek!

1. Samuel 1:11

oun das pes sovel oun penas: “Tou, baro Devel oun ray pral o bolepen oun i phoub, tou te dikeh kanna tiri čorveli boudepaskretsa an, oun bistreh lat gar, oun deh tiri boudepaskretsat i morsh čaves, palle dau me les toute o tselo tsiro, hoy yob djivella. Oun kek čouri vell ap leskre balla, hoy činals len tele.”

1. Samuel 25:22

O Devel mou dell man i phagi, te moukau yek morshes djido leskre tsele morshendar, bis te djal o kham taysarlakro pre.”