3. Mose 5:17 - O Debleskro Lab 2024 (Sinte-Manouche)

¹⁷ Te krell yek čomone, kolestar o baro Devel penas, te krell lo les gar, anas lo i doosh ap peste, ninna te djinas lo gar, te penas o baro Devel: “Ma kre kova!”

O Debleskro Drom 2021 (Sinte)

¹⁷ Te krell jek tchomone, kolestar o baro Dewel penas, te krell lo les gar, anas lo i doosh ap peste, ninna te djinas lo gar, te penas o baro Dewel: “Ma kre kowa!”

3. Mose 5:17 Iomraidhean Croise

Debleskri gili 19:12

Miro ray, me moukau tire laba ap miro dji te rakrell. Koon rikrell pes ap lende, koleske djal mishto.

3. Mose 4:13

Te kran i tsele Israelitarya čomone, hoy gar čačo his glan o Debleskre yaka, anan le doosh ap pende, ninna te djinan le gar, te penas o baro Devel, te krenn le kova gar.

3. Mose 4:22

Te kras i pralstouno čomone, hoy hounte krals lo gar, anas lo doosh ap peste, ninna te djinas yob gar, te penas o baro Devel: Ma kre kova!

3. Mose 4:27

Te kras yek i Israelendar čomone, hoy hounte krals lo gar, anas lo doosh ap peste, ninna te djinas yob gar, te penas o baro Devel: Ma kre kova!

3. Mose 5:15

Te dals yek gar o baro Debleste, hoy hounte dals lo leste, rhorhras lo o baro Debles, ninna te djinas lo kova gar. Yob hounte anell o Debleske i bakro, hoy sasto hi, te vell leskri doosh pale mishto. Kava bakro hounte vell yaake boud roupene beme moldo, har tou peneh. Yek roupeni bema hi yaake pharo har i roupeni bema an o Debleskro kheer hi.

3. Mose 5:18

Yob hounte anell o rashayeske i bakro, hoy sasto hi, te vell leskri doosh pale mishto. Kava bakro hounte vell yaake boud moldo, har tou peneh. Koleha krell o rashay, te vell lauter pale mishto mank o Debleste oun ko mensheste, kay gar djinas, kay kova, hoy lo kras, i doosh his. Oun o baro Devel bistrell leskri doosh.

3. Mose 5:19

Yaake hounte krell kova, kay kras i čilačepen ap o baro Debleste, te vell leskri doosh pale mishto.

Louka 12:48

Koon kova krella, hoy gar mishto hi, oun djinell kova gar, lell gar boud dava. Koon boud o Deblestar las, kolestar kamell yob, te krell lo peskri boudi mishto. Oun kones boud zoor oun gosvepen dino vas, kolestar kamell o Devel, te boudrell lo gomme feteder.”

Remarja 14:23

Koon rhal čomone, oun leskro dji vell pharo koy pashel, kova kras čomone, hoy vas gar dran o patsepen. Doleske anas lo doosh ap peste. Kova, hoy vell gar dran o patsepen, anell doosh ap mende.