3. Mose 5:15 - O Debleskro Lab 2024 (Sinte-Manouche)

¹⁵ Te dals yek gar o baro Debleste, hoy hounte dals lo leste, rhorhras lo o baro Debles, ninna te djinas lo kova gar. Yob hounte anell o Debleske i bakro, hoy sasto hi, te vell leskri doosh pale mishto. Kava bakro hounte vell yaake boud roupene beme moldo, har tou peneh. Yek roupeni bema hi yaake pharo har i roupeni bema an o Debleskro kheer hi.

O Debleskro Drom 2021 (Sinte)

¹⁵ Te dals jek gar o baro Debleste, hoi hunte dals lo leste, chochras lo o baro Debles, ninna te djinas lo kowa gar. Job hunte anell o Debleske i bakro, hoi sasto hi, te well leskri doosh pale mishto. Kau bakro hunte well jaake bud rupene beme moldo, har tu peneh. Jek rupeni bema hi jaake pharo har i rupeni bema an o Debleskro kheer hi.

3. Mose 5:15 Iomraidhean Croise

2. Rajengro liil 12:16

Oun kol morshen, kay ko tselo roup dino vas, te denn le les i boudepangren, kolla hounte penan kekeske, har yon ko roup vin dan. Yon his morsha o labestar oun lenge vas patslo.

Esra 10:19

Oun yon dan pengro vast pre, kay bičrenn le pengre romyen pendar krik, oun kay kamenn le o Debleske i morsheskro bakro te dell, te vell lengri doosh krik lino.

2. Mose 30:13

Hako morsh, kay hi biish bersh oun phoureder, kova dell man i paash kotar roup. Ko paash roupeno kotar hounte vell yaake pharo har kolla an o Debleskro kheer: shob gramme pharo.

Ezekiel 40:39

Oun an i voudareskri halla foun kava voudar his star rhapangre tardo, douy ap haki rig. Oun ap lende venn kol firhe maredo, hoy o Debleste dino venn, kolla kay venn tseles rhačedo, oun kolla kay venn maredo, te vell i doosh krik lino, ninna kolla kay venn maredo, te vell lauter pale mishto.

3. Mose 1:10

Te kamell yek i bakro oder i bouzni o baro Debleske te anell, te vell ko firho tseles leske rhačedo, palle anell lo i morshkano firho, hoy gar nasselo hi.

3. Mose 1:3

Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

3. Mose 14:12

O rashay lell ko yek terno bakro oun ko yek-paash litari djet, oun hadell kova pre glan o baro Debleste, te vell ko mensho pale erligo kerdo glan o Debleste.

3. Mose 27:3

I morsheske, kay mashkral 20 (biish) bersha oun 60 (shob-deesh) bersha hi, koleske playsrell lo i 50 (paash-sheel) roupene beme. Yek bema hounte vell yaake pharo har i roupeni bema an o Debleskro kheer pharo hi.

3. Mose 4:2

Rake i Israelentsa oun pen lenge: Te kras yek čomone, hoy hounte krals lo gar, anas lo doosh ap peste, ninna te djinas yob gar, te penas o baro Devel: Ma kre kova!

3. Mose 5:14

Oun o baro Devel penas ap o Mose:

3. Mose 5:16

Oun ninna hounte anell lo ko koova, hoy anas lo gar o baro Debleske, oun o pančto kolestar gomme pashel. Oun kova lauter dell lo o rashayeste an o vast. Oun o rashay marell ko bakro oun rhačrell leskro thulepen, te vell lauter pale mishto mank o Debleste oun o mensheste. Oun o baro Devel bistrell koy doosh.

3. Mose 5:18

Yob hounte anell o rashayeske i bakro, hoy sasto hi, te vell leskri doosh pale mishto. Kava bakro hounte vell yaake boud moldo, har tou peneh. Koleha krell o rashay, te vell lauter pale mishto mank o Debleste oun ko mensheste, kay gar djinas, kay kova, hoy lo kras, i doosh his. Oun o baro Devel bistrell leskri doosh.

3. Mose 6:6

Koy yag ap i rhačepaskri hounte rhačell hako tsiro, oun hounte djal gar vin.

3. Mose 7:1

Yaake hounte vell kerdo ko firheha, hoy i menshe anenn, te vell lengri doosh pale mishto kerdo. O mass sau firhestar nay rhan kokres i rashaya oun kek vavar.

3. Mose 7:6

I morsha oun i morsh čave dran i rashayengre familye nay rhan o mass ap i Debleskri platsa. Ko mass vell i firhestar, hoy o baro Debleske anlo vas. Doleske nay rhal les kek vavar.

4. Mose 15:24

Te kran i tsele Israelitarya čomone, hoy i doosh hi, oun djinan gar, kay yon hounte krans kova gar, palle hounte anenn i tsele menshe i terno gouroum rhačepaske o baro Debleske, te soungell o soungepen, hoy pre djal ko firhestar, mishto o baro Debleske. Koy pashel denn le ninna i rhapen dran yarro oun koy mool, yaake boud har čačo hi, ninna i morsh bouzni, te vell i doosh krik lino.

4. Mose 5:5

Oun o baro Devel rakras o Moseha oun penas:

4. Mose 5:8

Kek te hi koy, koneste nay dell lo kova, palle dell lo les o baro Debleste o rashayeske. Ninna dell lo i divyo bakro, hoy o rashay marella, te vell leskri doosh krik lino oun halauter pale mishto.

5. Mose 12:26

Ko vavar koova, hoy glan činlo hi, hoy hounte denn o Debleste, ninna koleske sovel dan, te denn les leste, kova anenn ap koy platsa, hoy o baro Devel peske vin rodell.

1. Samuel 6:3

Oun yon penan ap lende: “Te bičrenn t'mer o morhton o Israeleskro Deblestar pale, palle bičrenn čomone peha. Denn les čomone, te vell lauter pale mishto mank t'mende oun leste! Palle venn t'mer sasto. Yaake djinenn t'mer ninna, hoske leskro vast t'mendar gar krik djas.”