3. Mose 5:13 - O Debleskro Lab 2024 (Sinte-Manouche)

¹³ Yaake krell o rashay, te vell i doosh kolestar krik lino, hoy doosh ap peste anas an hako koova, kolestar kate penlo vell. Oun lauter vell pale mishto mank ko mensheste oun o baro Debleste. Oun o baro Devel bistrell leskri doosh. O yarro, hoy pral ačell, hi o rashayeske, yaake har pash o vavar rhapen dran djob, hoy o Debleske dino vas.

O Debleskro Drom 2021 (Sinte)

¹³ Jaake krell o rashai, te well i doosh kolestar krik lino, hoi doosh ap peste anas an hako koowa, kolestar kate penlo well. Un lauter well pale mishto mank ko mensheste un o baro Debleste. Un o baro Dewel bistrell leskri doosh. O jarro, hoi pral atchell, hi o rashajeske, jaake har pash o wawar chapen dran djob, hoi o Debleske dino was.

3. Mose 5:13 Iomraidhean Croise

Hosea 4:8

T'mer rashaya rhan ko mass, hoy denn i menshe o Debleste pengri doshake. Doleske han t'mer barhtelo pral i menshengri doosh.

3. Mose 2:10

Kova, hoy pral ačell, hi o Aroneske oun leskre čavenge. Kova hi i Debleskro rhapen, oun hi i rashayenge kokres.

3. Mose 2:3

Kova, hoy o yarrestar o djeteha pral ačell, hi o Aroneske oun leskre čavenge. Kova hi i Debleskro rhapen oun hi i rashayenge kokres.

3. Mose 4:20

Oun yob krell kava firheha yaake har yob kova ko firheha kras, hoy yob peskri doshake maras. Yaake krell o rashay, te vell lauter pale mishto mank i Israelitarya oun o baro Debleste. Oun o baro Devel bistrell lengri doosh.

3. Mose 4:26

Oun o tselo thulepen rhačrell lo ap i rhačepaskri yaake, har rhačrell lo o thulepen ko firhestar, hoy yek o Debleske anell, te rhan le les khetne glan leste. Yaake krell o rashay, te vell lauter pale mishto mank o pralstuneste oun o baro Debleste. Oun o baro Devel bistrell leskri doosh.

3. Mose 4:31

Oun o tselo thulepen činell lo tele, yaake har činell lo o thulepen tele ko firhestar, hoy yek o Debleske anell, te rhan le les khetne glan leste. Oun ko rashay rhačrell kal thoulle kotya ap o Debleskri rhačepaskri, te vell i lačo soungepen vin, hoy baro Debleske mishto soungella. Yaake krell o rashay, te vell lauter pale mishto mank ko mensheste oun o baro Debleste. Oun o baro Devel bistrell leskri doosh.

3. Mose 5:10

Oun koy vavar tauba rhačrell lo yaake, har o baro Devel penas, te vell kerdo i firheha, hoy tseles rhačedo vell. Yaake krell o rashay, te vell lauter pale mishto mank ko mensheste oun o baro Debleste. Oun o baro Devel bistrell koy doosh, hoy ko mensho ap peste anas.

3. Mose 5:12

Yob anell ko yarro pash o rashayeste, oun o rashay lell i vast pherdo, oun moukell kava ap i rhačepaskri te rhačrell o baro Debleske. Kava sikrell, kay ko tselo rhapen, hoy anlo vas, o baro Debleske hi. Kava hi i rhapen, hoy o baro Debleske anlo vell, te vell i doosh krik lino.

3. Mose 5:14

Oun o baro Devel penas ap o Mose:

3. Mose 5:16

Oun ninna hounte anell lo ko koova, hoy anas lo gar o baro Debleske, oun o pančto kolestar gomme pashel. Oun kova lauter dell lo o rashayeste an o vast. Oun o rashay marell ko bakro oun rhačrell leskro thulepen, te vell lauter pale mishto mank o Debleste oun o mensheste. Oun o baro Devel bistrell koy doosh.

3. Mose 5:4

Te dell yek pes sovel, yaake te rakrell leskro mouy sik, oun yob hayvell pal i tsiro, hoy lo kras, – hi yek, te hi kova, hoy lo penas, lačo oder čilačo leske – palle anas lo i doosh ap peste.

3. Mose 5:5

Te anas yob yaake te yaake doosh ap peste, palle hounte penell lo, havo koova yob kras.

3. Mose 5:6

Koy doshake hounte anell lo o baro Debleske i bakri oder i bouzni, oun marell lat, te vell leskri doosh krik lino. Oun o rashay lell ko firho oun rhačrell leskro thulepen, oun yaake krell lo, te vell lauter pale mishto mank ko mensheste oun o baro Debleste.

3. Mose 7:6

I morsha oun i morsh čave dran i rashayengre familye nay rhan o mass ap i Debleskri platsa. Ko mass vell i firhestar, hoy o baro Debleske anlo vas. Doleske nay rhal les kek vavar.

1. Korintarja 9:13

Djinenn t'mer gar, kay kolla, kay an o Debleskro baro kheer boudrenna, kote lenna, hoy len hounte vell djipaske? Oun kolla, kay anenn marede firhen glan o Debleste, kolla nay rhan ninna i kotar kolestar, hoy o Debleste dino vella.

1. Samuel 2:28

Dran i tsele familye, kay venna kol deesh-te-douy Israeleskre čavendar, rodom me o kheer Aron vin, te venn kol morsha rashaya mange, te rhačrenn le mange firhen ap miri rhačepaskri, ninna te rhačenn le mange soungepaskro koova. Me dom len i rashayengre damdira, te rivenn le len, te venn le glan mande. Ninna dom len o čačepen, te rhan le ko massestar, hoy mange rhačedo vella.