3. Mose 5:11 - O Debleskro Lab 2024 (Sinte-Manouche)

¹¹ Te hi kova, kay doosh ap peste anas, yaake čorvelo, te nay anell lo gar douy taube, palle anell lo yek kilogrammi lačo yarro o baro Debleske, te vell leskri doosh krik lino. Yob hounte čivell kek djet pre, vitar kek soungepaskro koova. Kava hi i rhapen, hoy o Debleske anlo vell, te vell i doosh krik lino.

O Debleskro Drom 2021 (Sinte)

¹¹ Te hi kowa, kai doosh ap peste anas, jaake tchorwelo, te nai anell lo gar dui taube, palle anell lo jek kilogrammi latcho jarro o baro Debleske, te well leskri doosh krik lino. Job hunte tchiwell kek djet pre, witar kek sungepaskro koowa. Kawa hi i chapen, hoi o Debleske anlo well, te well i doosh krik lino.

3. Mose 5:11 Iomraidhean Croise

2. Mose 16:18

Har yon palla dikan, har boud hakeno khetne las, his koles, kay boud khetne las, gar boudeder har les hounte vals. Oun koles, kay gar boud khetne las, his ninna doha. Hakenes his yaake boud, har les hounte vell rhapaske.

2. Mose 16:36

Kova, hoy hakeno ap yek dives rhas his i khoro pherdo. Kova hi yaake douy litarya.

3. Mose 1:14

Te kamell yek i čirklo o baro Debleske te anell, te vell ko čirklo tseles leske rhačedo, palle anell lo i divyi tauba oder i vavar tauba.

3. Mose 12:8

Te hi li yaake čorvelo, te nay anell li kek bakro, palle anell li douy divye taube oder douy terne taube, yek, hoy o baro Debleske rhačedo vell, oun yek, hoy maredo vell, te vell o pale-čiddo koova latar krik lino. Yaake krell o rashay, te vell li pale erligo.

3. Mose 14:21

Te hi lo čorvelo oun nay anell gar yaake boud, palle lell lo i terno bakro, hoy maredo vell, te vell o mensho pale erligo. Kava bakro vell pre hadedo glan o baro Debleste, te vell i pale-čiddo koova krik lino. Koy pashel lell lo yek kilogrammi yarro, kay djet dren hi, te vell kova ninna glan o baro Debleste anlo. Ninna anell lo yek khoro djet,

3. Mose 27:8

Te hi kova, kay pes sovel das, yaake čorvelo, te nay anell leskro vast kova gar khetne, palle anell lo ko menshes pash o rashayeste. Oun ko rashay dikell peske koles an, oun penell har boud love leske playsedo hounte venn, pal kova hoy kova nay dell, kay pes sovel das.

3. Mose 5:12

Yob anell ko yarro pash o rashayeste, oun o rashay lell i vast pherdo, oun moukell kava ap i rhačepaskri te rhačrell o baro Debleske. Kava sikrell, kay ko tselo rhapen, hoy anlo vas, o baro Debleske hi. Kava hi i rhapen, hoy o baro Debleske anlo vell, te vell i doosh krik lino.

3. Mose 5:6

Koy doshake hounte anell lo o baro Debleske i bakri oder i bouzni, oun marell lat, te vell leskri doosh krik lino. Oun o rashay lell ko firho oun rhačrell leskro thulepen, oun yaake krell lo, te vell lauter pale mishto mank ko mensheste oun o baro Debleste.

3. Mose 5:9

Yob vitsrell ko ratestar ap i rig foun i rhačepaskri, oun moukell o tselo vavar rat vin ratell tella pash i rhačepaskri. Yaake hounte vell i firheha kerdo, hoy maredo vell, te vell i doosh krik lino.

3. Mose 6:20

Hako vavar, kay ko mass an-taprell, lell peskri phagi. Te vell čomone ko ratestar ap yekeskre koola, palle hounte thovell lo ko kotar ap i platsa, hoy djoudjo hi o Debleske.

4. Mose 5:15

Palle hounte anell ko morsh lat pash o rashayeste, oun anell o Debleske yek kilogrammi yarro. Oun yob hounte čorell kek djet pral pre, oun dell vitar kek soungepaskro koova koy pashel. Ko yarro dell lo o Debleste, te vell o čačepen vin, te djinenn le: rhorhras li les, – rhorhras li les gar.

Louka 2:24

Oun o Yosef oun i Maria anan douy parne čirkle glan o Debleste, yaake har kova an i Moseskre lila činlo hi, te vell i djouvel pale erligo.

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Hebrearja 9:22

Hi gar boud koova, hoy vell gar o rateha djoudjo oun erligo kerdo. Yaake hi an o Moseskre lila činlo. Oun te vell kek rat vin čoredo, nay vell kek doosh krik lino.