3. Mose 5:1 - O Debleskro Lab 2024 (Sinte-Manouche)

¹ Te vell yek glan i čačepangre anlo, te penell lo, hoy lo dikas oun shounas, oun yob rikrell kova peske, oun penell či, ninna te dikas oder shounas lo, hoy koy his. Palle anas lo i doosh ap peste oun hounte hidjrell lat.

O Debleskro Drom 2021 (Sinte)

¹ Te well jek glan i tchatchepangre anlo, te penell lo, hoi lo dikas un shunas, un job rikrell kowa peske, un penell tchi, ninna te dikas oder shunas lo, hoi koi his. Palle anas lo i doosh ap peste un hunte hidjrell lat.

3. Mose 5:1 Iomraidhean Croise

1. Rajengro liil 22:16

Kote penas o baro ray ap leste: “Kitse kope dap man sovel, te peness tou mange o čačepen an o lab o baro Deblestar!”

1. Rajengro liil 8:31

Oun te anell yek i doosh ap i vavareste, oun kova vell kate anlo glan koy rhačepaskri an tiro kheer, oun dell pes sovel, te nay vell i bibarht pral leste, te rakrell lo gar o čačepen,

2. Familjakro liil 18:15

Kote penas o baro ray ap leste: “Kitse kope dap man sovel, te peness tou mange o čačepen an o lab o baro Deblestar!”

Debleskri gili 38:4

Ap miro mass hi bouder či sasto dran tiri rholi. Ninna mire kokale doukrenna. Dran miri doosh vas kova ap mande.

2. Mose 22:11

Te vas ko firho leske čoredo, palle hounte playsrell lo ko firheske, hoy čoredo vas.

Gosewe laba 29:24

Kova, kay djal khetne yekeha, kay čorell, činell pes an peskro mass: yob djinell, o praasepen hounte vals ap leste, te penell lo či. Oun yob kamell či te penell.

Gosewe laba 30:9

Te vals man boudeder har man hounte vell, nay penaus: “Koon hi o baro Devel?” Oun te vals man gar doha, nay čoraus oun anaus ladj ap miro Debleste.

Jesaja 53:11

Yob las yaake boud daar oun douka ap peste, doleske dikell yob ninna i momeli, oun leskro dji vell čalo. Miro boudepaskro hi tardo an o čačepen. Oun dran kova lauter, hoy ap leste vas, nay čivell yob ninna boud menshen an o čačepen. Oun lengri doosh lell yob ap peste.

Jeremia 23:10

O tselo them hi pherdo kolentsa, kay moukan o baro Debles. Doleske hi i praasepen ap o them čiddo: Kek brishin dell, oun o zenlepen merell tele. Či har čilačepen hi an lengro shero, oun an o rhorhepen hi le zorelo.

Ezekiel 18:20

Kokres kova, kay doosh ap peste anell, hounte merell. I čavo hounte hidjrell gar i doosh peskro dadestar. Vitar gar hounte hidjrell o dad koy doosh, hoy o čavo ap peste anas. Kova, kay o čačepen kras, ap leste vell leskro čačepen pale. Oun kova, kay doosh ap peste anas, ap leste vell leskri doosh pale.

Ezekiel 18:4

Djinenn, man hi o djipen hakenestar an miro vast – o dadeskro djipen yaake har o čaveskro djipen. Kokres kova, kay anell doosh ap peste, hounte merell.

3. Mose 17:16

Te thovell lo pes gar, vitar gar peskre koola, hounte hidjrell lo peskri phagi.

3. Mose 19:8

Oun koon rhal kolestar, hounte hidjrell peskri doosh, hoy yob koleha ap peste las. Yob kras, har te vals ko firho, hoy mange, o baro Debleske, dino vas, gar feteder har hako vavar mass. Savo mensho vell pale-čiddo oun nay djivell bouder gar mank peskre menshende.

3. Mose 20:17

Te sovell i morsh peskri penyah, i čay leskro dadestar oder leskri datar, hi kova i bari ladj. Kol douy hounte venn moulo dino glan i tsele menshende. Ko morsh sovas peskri phenyah, oun hounte hidjrell peskri doosh.

3. Mose 4:2

Rake i Israelentsa oun pen lenge: Te kras yek čomone, hoy hounte krals lo gar, anas lo doosh ap peste, ninna te djinas yob gar, te penas o baro Devel: Ma kre kova!

3. Mose 5:15

Te dals yek gar o baro Debleste, hoy hounte dals lo leste, rhorhras lo o baro Debles, ninna te djinas lo kova gar. Yob hounte anell o Debleske i bakro, hoy sasto hi, te vell leskri doosh pale mishto. Kava bakro hounte vell yaake boud roupene beme moldo, har tou peneh. Yek roupeni bema hi yaake pharo har i roupeni bema an o Debleskro kheer hi.

3. Mose 5:17

Te krell yek čomone, kolestar o baro Devel penas, te krell lo les gar, anas lo i doosh ap peste, ninna te djinas lo gar, te penas o baro Devel: “Ma kre kova!”

3. Mose 7:18

Te rhal yek ap o triinto dives gomme ko massestar, palle dikell o baro Devel gar lačes ap kova oun ap koleste, kay anas ko firho glan leste. O mass vas pale-čiddo. Oun koon rhal kolestar, hounte hidjrell peskri doosh, hoy yob koleha ap peste las.

4. Mose 9:13

Koon gar pale-čiddo hi oun gar ap o drom hi, kova hounte rikrell o Passa ap o čačo dives. Te krell lo kova gar, hounte vell lo infam oun ačell bouder gar pash peskre menshende. Koy phagi lell lo doleske, kay vas lo gar ap o čačo tsiro glan o baro Debleste, te anell lo leske i bakro. Leskri doosh ačell ap leste.

Mateo 26:63

O Yezous penas či. Pale penas o baro rashay ap leste: “Glan o djido Devel, pen menge: Hal tou ko baro ray, kolestar o Devel penas, te vell yob? Hal tou o Debleskro čavo?”

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.

Čačepangre 17:2

Oun kova penas ap peskri date: “Me shounom, kay rakral bibarht pral koleste vin, kay čoras touke kol 1.100 (yek-sero-yek-sheel) roupene love. Dik, ko roup hi pash mande. Me kokres lom les.” Koy penas leskri day: “O baro Debleskri barht pral toute, miro čavo!”