3. Mose 4:3 - O Debleskro Lab 2024 (Sinte-Manouche)

³ Te hi kova o pralstouno rashay, kay rikras pes gar ap o Debleskro lab, oun anas yaake doosh ap i tsele Israelitaryen, palle lell lo i terno gouroum, hoy gar nasselo hi, oun anell les o baro Debleske, te vell leskri doosh, hoy lo ap peste anas, krik lino.

O Debleskro Drom 2021 (Sinte)

³ Te hi kowa o pralstuno rashai, kai rikras pes gar ap o Debleskro lab, un anas jaake doosh ap i tsele Israelitarjen, palle lell lo i terno gurum, hoi gar nasselo hi, un anell les o baro Debleske, te well leskri doosh, hoi lo ap peste anas, krik lino.

3. Mose 4:3 Iomraidhean Croise

2. Familjakro liil 29:21

Oun yon anan efta terne gourma, oun efta morsh bakre oun efta terne bakre oun efta morsh bouzya, te marenn oun rhačrenn le len o baro Debleske, te nay vell i doosh krik lino o rayeskro kherestar, oun o Debleskro kherestar oun i tsele menshendar an o them Youda. Oun o Hiskiya penas ap i rashayende dran o kheer Aron, te rhačrenn le i firhen ap i rhačepaskri o baro Debleske.

Esra 8:35

Oun kol menshe, kay van pale dran o pandepen, anan firhen o Israeleskro Debleske, oun maran len leske: 12 (deesh-te-douy) terne gourma i tsele menshenge an Israel, 96 (enya-deesh-te-shob) morsh bakre, 77 (efta-deesh-te-efta) terne bakre. Ninna anan le 12 (deesh-te-douy) morsh bouzya, kay van maredo, te vell i doosh i menshendar krik lino. Oun kol tsele firhe van pre rhačedo o baro Debleske.

2. Mose 29:14

O mass, i hauta oun ko rhapen, hoy an i bouke hi, rhačress tou vin glan koy platsa, kay t'mer djivenna. Kova lauter vell yaake kerdo, te vell i rashayengri doosh krik lino.

2. Mose 29:21

Le ko ratestar, hoy ap o Debleskri rhačepaskri hi, oun čip les an o makepaskro djet oun vitse les ap o Aron oun leskre koola oun ap leskre čavende oun lengre koola, te vell yob oun leskre koola o Debleske, ninna leskre čave oun lengre koola, te venn le o Debleske.

2. Mose 29:7

Le o makepaskro djet oun čore les pral leskro shero, mak les o Debleske!

2. Mose 30:10

Yek kopo an o bersh lell o Aron o rat o bakrestar, hoy maredo vas, te lell lo i doosh krik, oun djal pash o Debleskro sonakaskro bob oun makell ko rat ap i shinga, hoy pral ap o bob hi. Kova krell lo, te vell i doosh krik lino, hoy ap o bob hi. Ninna pash t'mare čavende oun kolende, kay pal lende venna, vell kova hako bersh yek kopo yaake kerdo. O sonakaskro bob hi o baro Debleske kokres.

Ezekiel 40:39

Oun an i voudareskri halla foun kava voudar his star rhapangre tardo, douy ap haki rig. Oun ap lende venn kol firhe maredo, hoy o Debleste dino venn, kolla kay venn tseles rhačedo, oun kolla kay venn maredo, te vell i doosh krik lino, ninna kolla kay venn maredo, te vell lauter pale mishto.

Ezekiel 43:19

Kokres i rashaya dran o kheer Levi, kolengro phouro dad o Zadok hi, nay venn glan mande, te boudrenn le mange. Kava penell o baro Devel, maro ray. Kal rashayenge dess tou i terno gouroum, te marenn le les, te vell i doosh i menshendar krik lino.

Ezekiel 44:27

Ap ko dives, kay djal lo pale ap koy tikni glanstouni platsa, te krell lo peskri boudi an miro kheer, hounte marell lo mange i firhes, te vell o pale-čiddo koova lestar krik lino. Kava penau me, o baro Devel, t'maro ray.

3. Mose 1:10

Te kamell yek i bakro oder i bouzni o baro Debleske te anell, te vell ko firho tseles leske rhačedo, palle anell lo i morshkano firho, hoy gar nasselo hi.

3. Mose 1:3

Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

3. Mose 16:11

O Aron marell ko gouroum, te vell i doosh oun o pale-čiddo koova lestar oun leskri familyatar krik lino, oun yon čačo oun erligo tardo hi glan o baro Debleste.

3. Mose 16:3

Te djal lo koy dren, hounte anas lo glan kova i terno gouroum, hoy vell maredo, te vell i doosh oun o pale-čiddo koova krik lino, ninna hounte anas lo i bakro, koleskro tselo mass rhačedo vell o Debleske.

3. Mose 16:5

I Israelitarya anenn leske douy morsh bouzya oun yek bakro. I bouzya venn maredo, te vell i doosh oun o pale-čiddo koova krik lino. Oun o bakro vell maredo, te vell leskro tselo mass rhačedo o Debleske.

3. Mose 16:6

O Aron anell peske oun peskri familyake i gouroum, te vell lo maredo, te vell lengri doosh oun lengro pale-čiddo koova krik lino, oun lauter pale mishto mank o baro Debleste oun lende.

3. Mose 4:14

Te hayvenn le pal i tsiro, kay kova, hoy yon kran, gar čačo his glan o Debleskre yaka, palle hounte anenn le i terno gouroum o baro Debleske, te vell lengri doosh krik lino. Yon hounte anenn les glan o voudar o Debleskro plarhteno kherestar.

3. Mose 4:23

Te hayvell lo pal i tsiro, kay kova, hoy lo kras, gar čačo hi glan o Debleskre yaka, palle hounte anell lo leske i morsh bouzni, hoy gar nasselo hi.

3. Mose 4:28

Te hayvell lo pal i tsiro, kay kova hoy lo kras, gar čačo hi glan o Debleskre yaka, palle hounte anell lo leske i bouzni, hoy gar nasselo hi. Kova hounte krell lo, te vell leskri doosh krik lino.

3. Mose 4:5

Oun o pralstouno rashay lell o ratestar oun hidjrell les an o plarhteno kheer.

3. Mose 5:6

Koy doshake hounte anell lo o baro Debleske i bakri oder i bouzni, oun marell lat, te vell leskri doosh krik lino. Oun o rashay lell ko firho oun rhačrell leskro thulepen, oun yaake krell lo, te vell lauter pale mishto mank ko mensheste oun o baro Debleste.

3. Mose 6:18

Pen o Aroneske oun leskre morsh čavenge, har i firheha kerdo vell, hoy i menshe o baro Debleske anenn, te vell lengri doosh krik lino. Glan o baro Debleskro kheer, ap koy platsa, kay vell ninna ko firho maredo, koleskro tselo mass rhačedo vell, ap kay platsa maress tou ninna ko firhes, hoy hounte merell, te vell i doosh krik lino. O mass sau firhestar, hoy o Debleske anlo vas, nay rhan kokres i rashaya oun kek vavar.

3. Mose 8:12

Palle las o Mose ko djet, oun čoras kolestar ap o Aroneskro shero, oun kras yaake, te vell yob o baro Debleskro rashay.

3. Mose 9:2

oun penas ap o Aron: “Le touke i terno gouroum oun i morsh bakro, ko gouroum, te vell lo maredo, te vell i doosh krik lino, oun ko bakro, te vell lo maredo, oun leskro tselo mass o baro Debleske rhačedo. Kal douy hounte venn sasto. Kolla an glan o baro Debleste:

3. Mose 9:3

Oun rake i Israelentsa oun pen lenge: Anenn yek morsh bouzni, hoy vell maredo, te vell i doosh krik lino, ninna i terno gouroum oun i terno bakro, hoy yek bersh phouro hi, te vell lengro mass tseles rhačedo o Debleske. Kol douy hounte venn sasto.

4. Mose 16:22

Kol douy moukan pen ap pengro mouy te perell, oun penan: “Ah Devel, tou hal o Devel, kay das hakenes o djipen! Te kras yek morsh i čilačo koova, kameh tou doleske tiri rholi pral i tsele menshende te čivell?”

4. Mose 8:8

Tou less i terno gouroum, oun koy pashel rhapen o Debleske: yarro, kay djet mashkral hi. Oun i vavar terno gouroum less tou rhačepaske o Debleske, te vell i doosh krik lino.

Remarja 8:3

O Moseskre laba nay dan ko djipen gar. I menshe nay kran kova gar, hoy an o Moseskre lila činlo hi. Ko čilačepen, hoy an lende his, moukas len gar te krell, hoy o Devel lendar kamas. Doleske penas o Devel: “O čilačepen hounte merell.” Oun yob bičras peskro čaves, te vell lo i mensho har mer, kay čilačo ham. Yob las maro čilačepen ap peste oun meras. Oun yaake meras o čilačepen leha oun nashras peskri zoor pral mende.

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Hebrearja 5:3

Doleske hounte marell lo ninna peske i firhes, oun anell les glan o Debleste, te vell leskri doosh krik lino, yaake har yob i vavar menshenge firhen marella, oun glan o Debleste anella.

Hebrearja 9:12

Har o Yezous an o Debleskro kheer an o bolepen djas, anas lo gar i bakrengro rat peha, vitar gar i groumyengro rat. Na-a. Peskro rat anas lo glan o Debleste. Kova kras lo yek kopo oun gar boud kope. Oun yaake las lo mari doosh hako tsireske mendar.