3. Mose 4:23 - O Debleskro Lab 2024 (Sinte-Manouche)

²³ Te hayvell lo pal i tsiro, kay kova, hoy lo kras, gar čačo hi glan o Debleskre yaka, palle hounte anell lo leske i morsh bouzni, hoy gar nasselo hi.

O Debleskro Drom 2021 (Sinte)

²³ Te haiwell lo pal i tsiro, kai kowa, hoi lo kras, gar tchatcho hi glan o Debleskre jaka, palle hunte anell lo leske i mursh busni, hoi gar nasselo hi.

3. Mose 4:23 Iomraidhean Croise

Debleskri gili 90:8

Maro čilačo koova hoy kram, čival tou glan toute tardo. Mari khatedi doosh čakreh tou pre.

Ezekiel 43:22

Oun ap o douyto dives aness tou i sasti morsh bouzni, te vell li maredo i doshake. Tou kress lah yaake, har kova kerdo vas o gouroumeha ninna, te vell ko rateha i doosh oun o pale-čiddo koova krik lino foun i rhačepaskri.

3. Mose 1:3

Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

3. Mose 23:19

Koy pashel anenn leske i morsh bouzni, te vell t'mari doosh oun t'maro pale-čiddo koova krik lino. Marenn ninna douy bakre, hoy yek bersh phouro hi, te rhan len khetne glan o baro Debleste.

3. Mose 4:14

Te hayvenn le pal i tsiro, kay kova, hoy yon kran, gar čačo his glan o Debleskre yaka, palle hounte anenn le i terno gouroum o baro Debleske, te vell lengri doosh krik lino. Yon hounte anenn les glan o voudar o Debleskro plarhteno kherestar.

3. Mose 4:24

Oun čivell peskro vast ap o firheskro shero oun marell les glan o baro Debleste, kote kay i firhe maredo venn, hoy o Debleske rhačedo venn. Yaake vell i firheha kerdo, hoy maredo vell, te vell i doosh krik lino.

3. Mose 4:28

Te hayvell lo pal i tsiro, kay kova hoy lo kras, gar čačo hi glan o Debleskre yaka, palle hounte anell lo leske i bouzni, hoy gar nasselo hi. Kova hounte krell lo, te vell leskri doosh krik lino.

3. Mose 4:3

Te hi kova o pralstouno rashay, kay rikras pes gar ap o Debleskro lab, oun anas yaake doosh ap i tsele Israelitaryen, palle lell lo i terno gouroum, hoy gar nasselo hi, oun anell les o baro Debleske, te vell leskri doosh, hoy lo ap peste anas, krik lino.

3. Mose 5:4

Te dell yek pes sovel, yaake te rakrell leskro mouy sik, oun yob hayvell pal i tsiro, hoy lo kras, – hi yek, te hi kova, hoy lo penas, lačo oder čilačo leske – palle anas lo i doosh ap peste.

3. Mose 9:3

Oun rake i Israelentsa oun pen lenge: Anenn yek morsh bouzni, hoy vell maredo, te vell i doosh krik lino, ninna i terno gouroum oun i terno bakro, hoy yek bersh phouro hi, te vell lengro mass tseles rhačedo o Debleske. Kol douy hounte venn sasto.

4. Mose 15:24

Te kran i tsele Israelitarya čomone, hoy i doosh hi, oun djinan gar, kay yon hounte krans kova gar, palle hounte anenn i tsele menshe i terno gouroum rhačepaske o baro Debleske, te soungell o soungepen, hoy pre djal ko firhestar, mishto o baro Debleske. Koy pashel denn le ninna i rhapen dran yarro oun koy mool, yaake boud har čačo hi, ninna i morsh bouzni, te vell i doosh krik lino.

4. Mose 28:15

Koy pashel hounte anenn i morsh bouzni o baro Debleske, te vell t'mari doosh krik lino. Kova halauter vell pash kol firhe oun ko yarro oun koy mool, hoy vell hako dives o Debleske anlo.

4. Mose 28:30

Koy pashel anenn i morsh bouzni, te venn t'mari doosh krik lino.

4. Mose 29:11

Koy pashel hounte anenn i morsh bouzni o baro Debleske, te vell t'mari doosh krik lino. Kova halauter vell pash kova pashel, hoy denn o Debleste ap ko dives: i morsh bouzni i doshake, oun kol firhe, hoy venn leske hako dives rhačedo, khetne ko rhapen dran yarro oun koy mool, hoy vell leske vin čoredo.

4. Mose 29:16

Koy pashel hounte anenn i morsh bouzni o baro Debleske, te vell t'mari doosh krik lino. Pash kova halauter venn kol firhe, hoy venn hako dives o Debleske rhačedo, khetne ko yarreha oun koy molyah, hoy vell koy pashel vin čoredo.

4. Mose 29:5

Koy pashel hounte anenn i morsh bouzni o baro Debleske, te vell t'mari doosh krik lino.

Remarja 8:3

O Moseskre laba nay dan ko djipen gar. I menshe nay kran kova gar, hoy an o Moseskre lila činlo hi. Ko čilačepen, hoy an lende his, moukas len gar te krell, hoy o Devel lendar kamas. Doleske penas o Devel: “O čilačepen hounte merell.” Oun yob bičras peskro čaves, te vell lo i mensho har mer, kay čilačo ham. Yob las maro čilačepen ap peste oun meras. Oun yaake meras o čilačepen leha oun nashras peskri zoor pral mende.