3. Mose 4:21 - O Debleskro Lab 2024 (Sinte-Manouche)

²¹ Kova, hoy kava gouroumestar pral ačas, anell yob vin, krik dran koy platsa, kay i menshe hi, oun rhačrell les yaake har yob kova rhačras, hoy ko gouroumestar pral ačas, hoy yob peskri doshake maras. Yaake hounte vell i gouroumeha kerdo, hoy maredo vell, te vell i doosh i tsele Israelendar krik lino.

O Debleskro Drom 2021 (Sinte)

²¹ Kowa, hoi kau gurumestar pral atchas, anell job win, krik dran koi platsa, kai i menshe hi, un chatchrell les jaake har job kowa chatchras, hoi ko gurumestar pral atchas, hoi job peskri doshake maras. Jaake hunte well i gurumeha kerdo, hoi maredo well, te well i doosh i tsele Israelendar krik lino.

3. Mose 4:21 Iomraidhean Croise

Esra 8:35

Oun kol menshe, kay van pale dran o pandepen, anan firhen o Israeleskro Debleske, oun maran len leske: 12 (deesh-te-douy) terne gourma i tsele menshenge an Israel, 96 (enya-deesh-te-shob) morsh bakre, 77 (efta-deesh-te-efta) terne bakre. Ninna anan le 12 (deesh-te-douy) morsh bouzya, kay van maredo, te vell i doosh i menshendar krik lino. Oun kol tsele firhe van pre rhačedo o baro Debleske.

2. Mose 29:14

O mass, i hauta oun ko rhapen, hoy an i bouke hi, rhačress tou vin glan koy platsa, kay t'mer djivenna. Kova lauter vell yaake kerdo, te vell i rashayengri doosh krik lino.

Ezekiel 45:22

Ap o deesh-te-starto dives anell o ray peske oun i tsele menshenge an Israel i gouroum, hoy maredo vell, te vell i doosh lendar krik lino.

3. Mose 16:15

Palle marell yob koy morsh bouzni, te vell i doosh oun o pale-čiddo koova i menshendar Israel krik lino. Oun yob djal ko rateha pal i voudar dran than an i kouč isema, oun krell ko rateha yaake, har lo les ko rateha ko gouroumestar kras. Yob vitsrell peskro goushteha čomone ap o pralstouno kotar, hoy ap o morhton čiddo hi, oun ap koy platsa glan o morhton.

3. Mose 16:21

oun čivell peskre douy vasta ap lakro shero, oun penell haki doosh oun hako čilačepen, hoy i Israelitarya kran. Yaake čivell lo kova lauter ap i bouzyakro shero. Palle moukell lo lat i morshestar, kay koleske koy tardo hi, krik te tradell an o moulo tato them.

3. Mose 16:27

Kova, hoy pral ačas ko terno gouroumestar oun koy morsh bouzyatar, kolengro rat an i kouč isema anlo vas, te vell i doosh oun o pale-čiddo koova krik lino, kol kotya anell yek vin glan i platsa, kay i menshe hi, oun rhačrell kote lauter, koy hauta, ko mass, oun kol bouke.

3. Mose 4:13

Te kran i tsele Israelitarya čomone, hoy gar čačo his glan o Debleskre yaka, anan le doosh ap pende, ninna te djinan le gar, te penas o baro Devel, te krenn le kova gar.

3. Mose 4:20

Oun yob krell kava firheha yaake har yob kova ko firheha kras, hoy yob peskri doshake maras. Yaake krell o rashay, te vell lauter pale mishto mank i Israelitarya oun o baro Debleste. Oun o baro Devel bistrell lengri doosh.

3. Mose 6:11

Kokres kol morsh čave, kay venn o Aronestar, nay rhan kolestar. Kova hi hako tsireske lengro kotar kolestar, hoy i menshe o baro Debleske anenna. Hako vavar, kay taprell kova an, lell peskri phagi.

3. Mose 6:23

Te vas o rat sau firhestar an o Debleskro kheer dren lino, te vell lauter pale mishto mank i menshende oun o baro Debleste, palle hounte rhal kek leskro mass. Kava mass vell an i yag rhačedo.

3. Mose 8:17

Kova, hoy pral ačas kava firhestar, leskri hauta oun leskro mass, oun ko rhapen, hoy an leskre bouke his, rhačras lo an i yag vin glan koy platsa, kay i menshe his, yaake har o baro Devel leske penas, te krell lo.

4. Mose 15:24

Te kran i tsele Israelitarya čomone, hoy i doosh hi, oun djinan gar, kay yon hounte krans kova gar, palle hounte anenn i tsele menshe i terno gouroum rhačepaske o baro Debleske, te soungell o soungepen, hoy pre djal ko firhestar, mishto o baro Debleske. Koy pashel denn le ninna i rhapen dran yarro oun koy mool, yaake boud har čačo hi, ninna i morsh bouzni, te vell i doosh krik lino.

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Hebrearja 13:11

I moule firhe, kolengro rat o baro rashay an o Debleskri kouč isema anas, te lell o Devel i doosh i menshendar krik, kol firhe venn vin glan o foro an i yag rhačedo.