3. Mose 4:12 - O Debleskro Lab 2024 (Sinte-Manouche)

¹² kova lauter hidjrell lo vin, krik dran koy platsa, kay i menshe hi. Oun anell kova ap i djoudji platsa, kote kay i yagakri čik vin čoredo vell. Kote rhačrell lo lauter an i yag dran kasht.

O Debleskro Drom 2021 (Sinte)

¹² kowa lauter hidjrell lo win, krik dran koi platsa, kai i menshe hi. Un anell kowa ap i djudji platsa, kote kai i jagakri tchik win tchoredo well. Kote chatchrell lo lauter an i jag dran kasht.

3. Mose 4:12 Iomraidhean Croise

2. Mose 29:14

O mass, i hauta oun ko rhapen, hoy an i bouke hi, rhačress tou vin glan koy platsa, kay t'mer djivenna. Kova lauter vell yaake kerdo, te vell i rashayengri doosh krik lino.

Ezekiel 43:21

Oun tou less ko terno gouroum, hoy i doshake maredo vas, te vell lo rhačedo ap i platsa, hoy koleske koy hi, vin glan i massouri, hoy hi troul o Debleskro kheer.

3. Mose 13:46

Oun yaake rah, har ko djoungelo nasslepen ap leste hi, hi lo pale-čiddo. Yob djivell kokres, oun krell peskro kheer vin glan koy platsa, kay i vavar menshe djivenn.

3. Mose 16:27

Kova, hoy pral ačas ko terno gouroumestar oun koy morsh bouzyatar, kolengro rat an i kouč isema anlo vas, te vell i doosh oun o pale-čiddo koova krik lino, kol kotya anell yek vin glan i platsa, kay i menshe hi, oun rhačrell kote lauter, koy hauta, ko mass, oun kol bouke.

3. Mose 4:21

Kova, hoy kava gouroumestar pral ačas, anell yob vin, krik dran koy platsa, kay i menshe hi, oun rhačrell les yaake har yob kova rhačras, hoy ko gouroumestar pral ačas, hoy yob peskri doshake maras. Yaake hounte vell i gouroumeha kerdo, hoy maredo vell, te vell i doosh i tsele Israelendar krik lino.

3. Mose 6:23

Te vas o rat sau firhestar an o Debleskro kheer dren lino, te vell lauter pale mishto mank i menshende oun o baro Debleste, palle hounte rhal kek leskro mass. Kava mass vell an i yag rhačedo.

3. Mose 6:4

Palle rivell lo peskre koola vin oun vavar koola an, oun hidjrell koy yagakri čik vin dran koy platsa, kay i menshe hi, ap i platsa, hoy hi djoudjo o Debleske.

3. Mose 8:17

Kova, hoy pral ačas kava firhestar, leskri hauta oun leskro mass, oun ko rhapen, hoy an leskre bouke his, rhačras lo an i yag vin glan koy platsa, kay i menshe his, yaake har o baro Devel leske penas, te krell lo.

3. Mose 9:11

O mass oun i hauta rhačras lo vin glan koy platsa, kay i menshe his.

4. Mose 15:35

O baro Devel penas ap o Moseste: “Ko morsh hounte merella. Kol tsele menshe hounte vitsrenn les moulo i barrentsa vin glan i platsa.”

4. Mose 19:3

Oun de lat ko rashayeste Elazar. Kova hounte anell lat vin glan i plarhtene khera. Oun kote glan leskre yaka moukell lo lat te marell.

4. Mose 19:5

Oun yob hounte moukell koy groumyat glan leskre yaka pre rhačrell, lakri fella oun lakro mass, ninna lakro rat oun foul.

4. Mose 5:3

Morshen oun djouvyen hounte bičrenn vin glan koy platsa, kay t'mare plarhtene khera tardo hi, te krenn yon gar koy platsa pale-čiddo, kay me pash t'mende djivau.”

Hebrearja 13:11

I moule firhe, kolengro rat o baro rashay an o Debleskri kouč isema anas, te lell o Devel i doosh i menshendar krik, kol firhe venn vin glan o foro an i yag rhačedo.