3. Mose 3:9 - O Debleskro Lab 2024 (Sinte-Manouche)

⁹ I feteder kotya o firhestar venn rhačedo o baro Debleske. Kal kotya hi: o thulepen, i thoulli pori, tele činlo pash o palstouno kokalo, ninna ko thulepen ap oun pral i bouke,

O Debleskro Drom 2021 (Sinte)

⁹ I feteder kotja o viechestar wenn chatchedo o baro Debleske. Kal kotja hi: o thulepen, i thulli pori, tele tchinlo pash o palstuno kokalo, ninna ko thulepen ap un pral i buke,

3. Mose 3:9 Iomraidhean Croise

2. Samuel 6:17

Har yon o Debleskro morhton dren anan, čivan yon les ap leskri platsa mashkral an o plarhteno kheer, hoy o David leske pre čivas. Oun o David rhačras firhen o baro Debleske, oun maras vavar firhen, te rhan le len khetne glan o baro Debleste.

1. Rajengro liil 3:15

Oun har o Salomo pre djangras, hayvas lo, kay yob i souni das. Oun yob vas an o foro Yerusalem, oun ačas glan o morhton tardo, kay o Debleskre deesh laba dren his. Oun yob moukas firhen te marell. Boud lendar van tseles rhačedo o Debleske. Oun vavarendar rhačran le o thulepen oun kotya mass, te parkrenn le pen pash o Debleste. Ko vavar mass rhan le khetne. Oun o Salomo kras i baro rhapen oun moukas i tsele pralstunen, kay leske boudran, te vell.

1. Rajengro liil 8:63

Oun o Salomo moukas 22.000 (biish-te-douy-zerya) groumyen oun 120.000 (sheel-te-biish-zerya) bakre te marell, te rhan le len khetne glan o baro Debleste. Yaake dan le o kheer o baro Debleste, te vell les leskro kheer. Kova kras o ray Salomo khetne i tsele Israelitarya.

1. Rajengro liil 8:64

Koy sasterni rhačepaskri his gar bares doha, te rhačrenn le kova, hoy o Debleske dino vas. Doleske las o baro ray Salomo ap ko dives ninna o mashkralstouno kotar ap i platsa glan o Debleskro kheer rhačepaske. Kote moukas lo save firhen te rhačrell, hoy van tseles o Debleske rhačedo, ninna yarro oun ko thulepen kol firhendar, hoy rhan le glan o baro Debleste.

1. Familjakro liil 16:1

Har yon o Debleskro morhton dren anan, čivan yon les an ko plarhteno kheer, hoy o David leske pre čivas, oun rhačran firhen o baro Debleske, oun maran vavar firhen, te rhan le len khetne glan o Debleste.

2. Mose 29:22

Kava douyto bakro vell doleske maredo, te nay vell o Aron peskre čaventsa an pengri boudi dren čiddo. Le o thulepen kay maredo bakrestar: i thoulli pori, ninna o thulepen, hoy ap i bouke hi oun ko kotar, hoy pral i lebra hi oun kol douy nire oun lengro thulepen, hoy ap lende hi! Le ninna o pralstouno kotar i čači heryatar.

Gosewe laba 23:26

Miro čavo, kre tiro dji mange pre, oun dja ap mire dromma!

Jesaja 53:10

O baro Devel kamas kova yaake, te vas lo phagedo. Yob moukas ap leste douka te vell. Pal kova, kay das lo peskro djipen i doshake i menshendar, dikell lo čaven, kay lestar venna, oun djivell i lengsto djipen. Oun kova, hoy o baro Devel peske glan las, vell lestar kerdo.

3. Mose 17:5

Bis kanna maran i Israelitarya pengre firhen vin ap o them. Kanna hounte anenn le len o baro Debleske glan o voudar leskro plarhteno kherestar pash o rashayeste. Oun kote venn le maredo, te rhan le len khetne glan o baro Debleste.

3. Mose 7:3

Leskro tselo thulepen anell o rashay o baro Debleske, koy thoulli pori oun ko thulepen, hoy ap i bouke hi,

3. Mose 8:25

Yob las o thulepen kava maredo bakrestar: i thoulli pori, ninna o thulepen, hoy ap i bouke hi, oun ko kotar, hoy pral i lebra hi, oun kol douy nire oun lengro thulepen, hoy ap lende hi, oun o pralstouno kotar i čači heryatar.

3. Mose 9:19

Ko thulepen kol douy firhendar, koy thoulli pori oun o thulepen ap i bouke, oun i nire oun o thoullo kotar, hoy ap i lebra hi,

4. Mose 7:88

I tsele firhe, hoy dan le o Debleste, te rhan le len khetne glan leste, his khetne: biish-te-star terne gourma, shob-deesh morsh bakre, shob-deesh morsh bouzya, shob-deesh yek-bershengre bakre. Kova halauter vas o Debleske anlo, har vas o Debleskri rhačepaskri o djeteha dre-maklo.

1. Samuel 10:8

Tou djah glan mande tele an Gilgal. Kote kamau pash toute tele te vell, te marap kote firhen o Debleske, saven kay venn tseles rhačedo oun save, hoy rhah mer khetne. Efta divessa ačess tou koy. Palle vau oun penau touke, hoy te kress.”