3. Mose 3:8 - O Debleskro Lab 2024 (Sinte-Manouche)

⁸ palle čivell yob peskro vast ap leskro shero oun marell les glan o Debleskro plarhteno kheer. Oun i rashaya lenn o rat oun čorenn les troul o Debleskri rhačepaskri vin.

O Debleskro Drom 2021 (Sinte)

⁸ palle tchiwell job peskro wast ap leskro shero un marell les glan o Debleskro plachteno kheer. Un i rashaja lenn o rat un tchorenn les trul o Debleskri chatchepaskri win.

3. Mose 3:8 Iomraidhean Croise

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

3. Mose 1:11

Oun yob marell les glan o baro Debleste pash koy rhačepaskri, ap koy rig, kay norden hi. Oun i rashaya dran o kheer Aron lenn o rat oun čorenn les troul o Debleskri rhačepaskri ap leskre star rigya.

3. Mose 1:4

Oun o morsh čivell peskro vast ap o shero ko firhestar, te dikell o Devel lačes ap leste oun lell leskri doosh, hoy lo ap peste las, krik.

3. Mose 1:5

Palle marell lo kay groumni glan o baro Debleskro kheer. Oun kol rashaya dran o kheer Aron lenn o rat oun čorenn les troul o Debleskri rhačepaskri ap leskre star rigya. Kay rhačepaskri hi tardo glan o voudar o plarhteno kherestar.

3. Mose 3:13

palle čivell yob peskro vast ap lakro shero oun marell lat glan o Debleskro plarhteno kheer. Oun i rashaya lenn o rat oun čorenn les troul o Debleskri rhačepaskri ap leskre star rigya.

3. Mose 4:15

Oun i phoureder lendar čivenn pengre vasta ap o firheskro shero oun marenn les kote glan o baro Debleste.

3. Mose 4:24

Oun čivell peskro vast ap o firheskro shero oun marell les glan o baro Debleste, kote kay i firhe maredo venn, hoy o Debleske rhačedo venn. Yaake vell i firheha kerdo, hoy maredo vell, te vell i doosh krik lino.

3. Mose 4:4

Oun yob anell ko gouroum glan o baro Debleste, pash o voudar glan o Debleskro kheer, oun čivell peskro vast ap o firheskro shero oun marell les kote glan o baro Debleste.

Mateo 3:17

Oun i rakepen dran o bolepen penas: “Kava hi miro čavo, koles me kamau. Pral leste hom me barhtelo.”

2. Korintarja 5:19

O Devel his an peskro čaveste, o Yezous Kristeste, oun kras, te nay venn i menshe leha khetne. Lengri doosh las lo lendar krik. Yaake vas kova krik lino, hoy his mank lende oun o Debleste tardo. Mende das lo kay boudi, te penas kal lače laba i menshenge.

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Efesarja 2:18

Mende halauterende das yob o Debleskro Dourho. Oun kova krell, te nay vah mer lauter glan o Debleste, maro dadeste.

Efesarja 3:12

oun kras menge i drom pash o Debleste. Kanna, kay patsah ap leste, hounte trashas bouder gar o Deblestar, oun mer nay vah glan leste.

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.