3. Mose 3:2 - O Debleskro Lab 2024 (Sinte-Manouche)

² Yob čivell peskro vast ap o firheskro shero oun marell les glan o voudar o Debleskro plarhteno kherestar. Oun i rashaya dran o kheer Aron lenn o rat oun čorenn les troul o Debleskri rhačepaskri ap leskre star rigya.

O Debleskro Drom 2021 (Sinte)

² Job tchiwell peskro wast ap o viecheskro shero un marell les glan o wudar o Debleskro plachteno kherestar. Un i rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja.

3. Mose 3:2 Iomraidhean Croise

2. Mose 29:10

An ko terno gouroum glan o Debleskro plarhteno kheer. Oun o Aron oun leskre čave čivenn pengre vasta ap leskro shero.

2. Mose 29:11

Oun tou mareh les pash o baro Debleskri rhačepaskri glan o Debleskro plarhteno kheer glan o voudar.

2. Mose 29:15

Palle le ko yek bakro! Oun o Aron oun leskre čave čivenn pengre vasta ap leskro shero.

2. Mose 29:16

Palle mare les, le leskro rat oun čore les troul o Debleskri rhačepaskri vin.

2. Mose 29:19

Le o douyto bakro! Oun o Aron oun leskre čave čivenn pengre vasta ap leskro shero.

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

3. Mose 1:11

Oun yob marell les glan o baro Debleste pash koy rhačepaskri, ap koy rig, kay norden hi. Oun i rashaya dran o kheer Aron lenn o rat oun čorenn les troul o Debleskri rhačepaskri ap leskre star rigya.

3. Mose 17:3

Hako morsh dran o kheer Israel, kay kamell i gouroum, i bakro oder i bouzni te marell, hounte krell kova glan o voudar o Debleskro plarhteno kherestar, te vell ko firho o baro Debleske dino. Yob hounte krell kova gar ap i platsa, kay i menshe djivenn, vitar gar glan koy platsa. Te rikrell lo pes gar ap kova, anell lo rat ap peste har yek, kay i menshes marell. Savo mensho vell pale-čiddo oun nay djivell bouder gar mank peskre menshende.

3. Mose 3:3

I feteder kotya o firhestar venn rhačedo o baro Debleske. Kal kotya hi: o thulepen, hoy ap oun pral i bouke hi,

3. Mose 3:8

palle čivell yob peskro vast ap leskro shero oun marell les glan o Debleskro plarhteno kheer. Oun i rashaya lenn o rat oun čorenn les troul o Debleskri rhačepaskri vin.

3. Mose 8:22

Yob moukas o douyto morsh bakro te anell, kay doleske maredo vell, te venn i rashaya an pengri boudi dren čiddo. Oun o Aron oun leskre čave čivan pengre vasta ap o firheskro shero.

Zakarie 12:10

O Davideskre menshenge oun i menshenge an Yerusalem krau lengre djia pre, te venn le kamles yek ap o vavareste oun mangenn mandar lačepen. Oun yon dikenn ap koleste, kay dan le an i rig čourye. Oun yon denn gole i ropah pral leste, har yek pral peskro moulo čaveste gole dell, koles kek vavar čave hi, oun har rovenn i menshe pral pengro phoureder čavo, kay meras.

4. Mose 18:17

I groumni, i bakro oun i bouzni dess tou gar pale oun less kek love lenge. Yon venn mange. Lengro rat čoress tou ap o Debleskri rhačepaskri. Oun lengro thulepen rhačress tou o baro Debleske, te soungell o soungepen, hoy pre djala, mishto o Debleske.

Bičepangre 3:15

Ko rayes, kay o djipen della, maran t'mer. Koles moukas o Devel i moulendar pre te stell. Kova djinah mer, mer dikam les.

Bičepangre 3:26

Doleske bičras o Devel peskro boudepaskres, o Yezouses, glanstounes pash t'mende, te anell yob t'menge o Debleskri barht, te djal hakeno t'mendar peskro čilačo dromestar tele.”

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.