3. Mose 3:17 - O Debleskro Lab 2024 (Sinte-Manouche)

¹⁷ Kek t'mendar hounte rhal o thulepen oun o rat. Ap kova hounte rikrenn t'men oun t'mare čave kanna oun hako tsiro, kay t'mer ninna djivenna.

O Debleskro Drom 2021 (Sinte)

¹⁷ Kek tumendar hunte chal o thulepen un o rat. Ap kowa hunte rikrenn tumen un tumare tchawe kanna un hako tsiro, kai tumer ninna djiwenna.

3. Mose 3:17 Iomraidhean Croise

1. Mose 9:4

Kokres o mass, kay hi gomme rat dren, kova hounte rhan gar; an o rat hi o djipen.

2. Familjakro liil 29:35

Koy his boud boudi kol tsele firhentsa, kay van tseles rhačedo. Ninna hounte vas o thulepen rhačedo kol vavar firhendar, kolengro mass i menshe rhan. Oun mool hounte vas vi-čoredo pash ko mass kol firhendar, kay van tseles rhačedo. Oun yaake vas koy boudi an o baro Debleskro kheer pale neves kerdo.

Nehemia 8:10

Oun yob penas pale ap lende: “Djan koy oun rhan thoullo rhapen oun piyenn goudlo pipen! Oun bičrenn kolestar ninna kolenge, kay kran pen kek rhapen! Kava dives hi i baro dives o Debleske, maro rayeske. Moukenn t'menge o dji gar phares te vell! Na-a, moukenn t'mare djia givenn o baro Debleske! Palle han zorelo.”

2. Mose 28:43

Hako kopo kay djan le an o Debleskro plarhteno kheer, ninna te rhačrenn le i firho ap o Debleskri sasterni rhačepaskri, hounte rivell o Aron oun leskre čave kol telstoune rholopya. Yaake čivenn le penge kek doosh ap pende oun hounte merenn gar. Oun kova vell yaake o Aroneske oun leskre čavenge, hoy pal leste venna, lauterenge, kay venna rashaya, o tselo tsireske.

Ezekiel 33:25

Doleske pen lenge: Kava penell o baro Devel, maro ray: T'mer rhan ko mass o rateha, oun mangenn rhorhene deblen an oun marenn menshen! Patsenn čačepah, ko them hi t'maro?

Ezekiel 44:15

Kol rashaya dran o kheer Levi, kolengro phouro dad o Zadok his, yon ačenn mire rashaya, oun nay boudrenn mange. Har i Israelitarya mandar tele peran, kran yon pengri boudi mishto an miro kheer. Doleske nay ačenn le mire rashaya oun nay anenn o thulepen oun o rat kol marede firhendar glan mande. Kava penell o baro Devel, maro ray.

Ezekiel 44:7

T'mer moukan vavar menshen an miro kheer dren, saven kolengro dji gar mange hi, oun kay hi gar činlo ap pengro mass. Yaake kran, te vas miro kheer pale-čiddo. Yon his koy pashel, har anan t'mer rhapen oun thulepen oun rat glan mande. Yaake phagan t'mer, hoy mer vin kram. Koy pashel vell kava tselo djoungelo kova, hoy kran.

3. Mose 10:15

Glan te rhan t'mer kova, venn koy palstouni heri oun kava beč čiddo pash kol kotya thulepen, hoy rhačedo venn. Kolentsa khetne venn le pre hadedo glan o baro Debleste. Pal kova hi kal kotya mass touke oun tire morsh čavenge. Yaake te vell kova kerdo hako tsireske. Kova penas o baro Devel.”

3. Mose 10:9

“Tou oun tire morsh čave, ma piyenn mool oun zorelo pipen, te kamenn an miro kheer te djal, te hounte merenn gar. Ap kova hounte rikrenn t'men oun t'mare čave kanna oun hako tsiro.

3. Mose 16:29

Kava lauter hounte vell kerdo ap o deshto dives an o eftato čon. Oun yaake hounte krenn t'mer hako tsireske. Ma rhan ap ko dives! Ma krenn i boudi, t'mer gar oun vitar gar i vi-themarya, kay mank t'mende djivenn.

3. Mose 16:34

Yek kopo an o bersh hounte vell kova yaake kerdo, te vell i tseli doosh oun o tselo pale-čiddo koova i Israelendar krik lino. Ap kava lab hounte rikrenn t'men hako tsireske. Oun o Aron kras halauter yaake, har o baro Devel kova o Moseske penas.

3. Mose 17:7

I Israelitarya hounte marenn bouder kek firhen i bengenge, kolenge yon kanna gomme palla nashenn. Ap kova hounte rikrenn le pen, ninna lengre čavenge oun kolengre čavenge oun yaake doureder hako tsireske.

3. Mose 19:26

Ma rhan mass, kay rat dren hi. Ma dourkrenn! Ma krenn bengeskro koova!

3. Mose 23:14

Rhan kek maro dran o nevo djob, vitar gar peklo djob oder terno djob, bis te anan t'maro Debleske leskro kotar kolestar. Kava lab hi t'menge oun t'mare čavenge, kay pal t'mende venna, kanna oun hako tsireske, kay t'mer ninna djivenna.

3. Mose 23:21

Denn vin gole, te venn khetne ap kava dives o baro Debleske. Kek boudi hounte krenn t'mer ap ko dives. Kava lab hi t'menge oun t'mare čavenge, kay pal t'mende venna, kanna oun hako tsireske, kay t'mer ninna djivenna.

3. Mose 24:9

Kal mare hi o Aroneske oun leskre morsh čavenge. Oun yon hounte rhan len ap i Debleskri platsa. Kal mare hi lengro kotar kolestar, hoy o baro Debleske rhačedo vell, oun hi kokres i rashayenge. Yaake hounte vell kova kerdo hako tsireske.

3. Mose 3:16

Oun o rashay rhačrell kova lauter ap o Debleskri rhačepaskri. Kolla hi kol kotya o firhestar, hoy o baro Debleske hi. Oun o soungepen, hoy vell vin, soungell leske mishto. O tselo thulepen hi o baro Debleske.

3. Mose 4:1

O baro Devel rakras ap o Mose oun penas:

3. Mose 6:15

Oun ko rashay dran o kheer Aron, kay pal Aroneskro merepen o pralstouno rashay vell, kava krell kova, oun rhačrell ko tselo rhapen ap i rhačepaskri. Yaake hounte vell kava kerdo o baro Debleske hako tsireske.

3. Mose 6:18

Pen o Aroneske oun leskre morsh čavenge, har i firheha kerdo vell, hoy i menshe o baro Debleske anenn, te vell lengri doosh krik lino. Glan o baro Debleskro kheer, ap koy platsa, kay vell ninna ko firho maredo, koleskro tselo mass rhačedo vell, ap kay platsa maress tou ninna ko firhes, hoy hounte merell, te vell i doosh krik lino. O mass sau firhestar, hoy o Debleske anlo vas, nay rhan kokres i rashaya oun kek vavar.

3. Mose 6:22

I tsele morsha oun morsh čave an i rashayengre familye nay rhan kava mass. Yon kokres doleske, kay kava mass ko firhestar vas, hoy o baro Debleske anlo vas.

3. Mose 7:23

Rake ap i Israelitarya oun pen lenge: “Ma rhan o thulepen i groumyendar, bakrendar oun bouzyendar!

3. Mose 7:34

O baro Devel penell i Israelenge, kay anenn leske i firhes, te rhan le les khetne glan leste, te denn le o beč oun i čači heri o rashayeste, o Aroneste, oun leskre morsh čavende. Kal kotya mass hi i rashayenge dran o kheer Aron hako tsireske foun ko dives, kay van le dren čiddo an pengri rashayengri boudi. Oun i Israelitarya hounte denn len i rashayende. Kava lab ačell yaake hako tsireske, hoy vella.

4. Mose 19:21

Yaake vell kova pash t'mende kerdo hako tsireske. Oun ninna kova, kay vitsras ko pani ap ko pale-čiddo, hounte thovell peskre koola. Oun koon taprell ko pani an, hoy lell o pale-čiddo koova krik, kova hounte ačell pale-čiddo bis ap i rati.

Mateo 16:24

Palle penas o Yezous ap peskre malende: Koon ap miro drom mantsa djala, kova hounte bistrell, hoy leske kokres mishto hi, oun hounte lell peskro troushel ap peste, oun djal mantsa.

Mateo 26:28

Kay mool hi miro rat, hoy me ratau boudenge, te lap lengri doosh lendar. Yaake krau i drom, kay o Devel oun i menshe mala venna.

Bičepangre 15:29

Rhan kek mass, hoy vas glan i figura anlo, hoy i menshe an-mangenn, har te vals li o Devel. Piyenn kek rat! Rhan kek mass i firhestar, kay o rat gar vin nashas! I morshenge penah, te sovenn le gar vavar djouvyentsa. Oun i djouvyenge penah, te sovenn le gar vavar morshentsa. Te rikrenn t'men ap kova, hi kova mishto. Ačenn o Debleha!”

Efesarja 1:7

Har o Yezous Kristo ap o troushel meras, oun peskro rat menge ratas, las lo mari doosh oun phagi mendar. Yaake baro his leskro lačepen ap mende!

Efesarja 5:26

te venn le erligo oun djoudjo glan leste. Yob thovas lengri doosh lendar tele, har patsan le leskro lab, oun van leske an o pani thodo.

5. Mose 12:16

Kokres o rat ma rhan! Koles čorenn ap i phoub har pani.

5. Mose 12:23

Kokres yek koova rikrenn dren! Ma rhan o mass, kay hi gomme o rat dren! An o rat hi o djipen. Oun t'mer hounte rhan gar o djipen khetne o masseha.

5. Mose 12:24

Čore o rat vin ap i phoub har pani.

5. Mose 15:23

Kokres lakro rat rhas tou gar! Tou čoress les ap i phoub har pani.

5. Mose 32:14

Len his khil i groumyendar oun i thoud i bakrendar, ninna o mass i tikne bakrendar, oun pesse bakre oun bouzya; I Israelitarya rhan o lačeder djob, oun piyan goudli loli mool.

1. Timoteo 4:4

Lauter, hoy o Devel kras, hi lačo. Oun či hi pale-čiddo, te parkrah men mer koleske pash o Debleste.