3. Mose 3:1 - O Debleskro Lab 2024 (Sinte-Manouche)

¹ Te kamell yek o baro Debleske i groumyat te anell, hoy rhan i menshe khetne glan leste, palle nay vell ko firho i morsh groumni har ninna i djouvel groumni. Kava firho hounte vell gar nasselo.

O Debleskro Drom 2021 (Sinte)

¹ Te kamell jek o baro Debleske i grumjat te anell, hoi chan i menshe khetne glan leste, palle nai well ko viecho i mursh grumni har ninna i djuwel grumni. Kau viecho hunte well gar nasselo.

3. Mose 3:1 Iomraidhean Croise

1. Familjakro liil 21:26

Oun o David kras koy o baro Debleske i rhačepaskri, oun anas firhen leske, saven kay van tseles rhačedo oun saven, kay rhan le khetne glan o baro Debleste. Oun har yob o baro Debles an-kharas, moukas yob yag dran o bolepen te perell ap i rhačepaskri, kay kol moule firhe čiddo hi.

2. Mose 20:24

Hi mange doha, te krenn mange i rhačepaskri dran phoub! Koy pre anenn mange kol marede bakren oun groumyen, hoy rhačrenn tseles mange, ninna kolen, hoy mange marenn, te rhan t'mer lengro mass khetne glan mande. Kote, kay kamau, te mangenn man an, kote vau me pash t'mende oun dau t'men miri barht oun miri zoor.

2. Mose 24:5

Oun yob bičras terne morshen vin, te marenn le firhen oun rhačrenn len o baro Debleske. Koy pashel his ninna terne gourma. Kolen maran le, te nay rhan i Israelitarya ko mass khetne glan o baro Debleste.

2. Mose 29:28

Kol douy kotya mass venn pre hadedo glan mande, o baro Debleste. Palle nay rhal len o Aron peskre čaventsa. Oun yaake vell kova kerdo hako kopo, kay marenn i Israelitarya i bakres mange, hoy rhan le palle khetne glan mande.

Gosewe laba 7:14

Kava dives anom o Debleske i firho, yaake har leske sovel dom. Ko mass hi khere pash mande.

Ezekiel 43:27

Oun pal kal efta divessa, ap ko orhtato dives, oun foun kotar doureder, rhačrenn i rashaya ko mass kol firhendar, hoy anenn t'mer o baro Debleske, kolla, kay venn leske tseles rhačedo, oun ko thulepen kolendar, kay rhan t'mer khetne glan leste. Te krenn kova yaake, dikau lačes ap t'mende, penell o baro Devel, maro ray.

Ezekiel 45:15

Te hi yekes douy sheel bakre, hounte anell lo yek lendar. Dran o tselo them Israel hounte anenn i menshe kova, te vell mange rhapen dran djob rhačedo, ninna firhe, hoy tseles rhačedo venn, oun vavar, hoy rhan le khetne glan mande, te vell lauter krik lino, hoy mank mande oun i menshende tardo hi. Kava penell o baro Devel, maro ray.

3. Mose 1:10

Te kamell yek i bakro oder i bouzni o baro Debleske te anell, te vell ko firho tseles leske rhačedo, palle anell lo i morshkano firho, hoy gar nasselo hi.

3. Mose 1:3

Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

3. Mose 17:5

Bis kanna maran i Israelitarya pengre firhen vin ap o them. Kanna hounte anenn le len o baro Debleske glan o voudar leskro plarhteno kherestar pash o rashayeste. Oun kote venn le maredo, te rhan le len khetne glan o baro Debleste.

3. Mose 3:6

Te kamell yek o baro Debleske i bakro oder i bouzni te anell, hoy rhan i menshe khetne glan leste, palle nay vell ko firho i morshengro firho har ninna i djouvyengro firho. Kava firho hounte vell sasto.

3. Mose 9:18

Palle maras lo ko gouroum oun ko bakro ko rhapaske, hoy i menshe khetne rhan glan o baro Debleste. Leskre čave anan leske o rat. Oun o Aron las ko rat oun čoras les troul i rhačepaskri ap leskre star rigya.

3. Mose 9:4

Anenn ninna i gouroum oun i morsh bakro, te maras mer len glan o baro Debleste, oun rhan len kote khetne. Koy pashel anenn yarro, kay djet dren hi, te rhačras mer les o baro Debleske. Kava dives hi ko dives, kay o baro Devel pes t'menge sikrell.”

Amos 5:22

Ninna te rhačrenn t'mer mange firhen oun rhapen, hom gar barhtelo pral kova. Kol thoulle firhen, hoy mange marenn oun glan mande rhan, nay dikau bouder gar glan i yaka.

Maleachi 1:14

Praasedo te vell hakeno, kay pes sovel das, te dell lo man i lačo morsh firho. Oun palle rhorhell lo man oun anell mange i nasselo firhes. Me hom o pralstouno ray, oun i menshe dran vavar themma sharenn man, penell o baro Devel, ko ray pral o bolepen oun i phoub.

Maleachi 1:8

Oun anenn mange i firho, hoy korelo, bango oder nasselo hi, oun penenn t'menge: Kova hi kek djoungelo koova. Me penau t'menge: Anenn sau firho t'maro themeskro rayeske, oun dikenn, hoy lo krell! Patsenn t'mer, te dikell lo lačes ap t'mende? Ko penell o baro Devel, ko ray pral o bolepen oun i phoub.

4. Mose 15:8

Te kameh tou o Debleske i groumni te anell, nay vell yek, hoy vell leske tseles rhačedo, nay vell yek, kolah tou sikreh, te dal tout sovel, te deh čomone o Debleste; nay vell yek, hoy deh, te rhan t'mer o mass khetne glan o baro Debleste,

4. Mose 6:14

Oun yob hounte dell o baro Debles i bakro, yek bersh phouro oun sasto, te vell kova tseles rhačedo o Debleske. Ninna dell yob o Debles i bakri, yek bersh phouro oun sasto, te vell leskri doosh krik lino. Oun pale anell lo leske i vavar sasto morsh bakro, hoy rhan le khetne glan o Debleste.

5. Mose 12:27

Kote rhačrenn leske kol firhen, hoy venn tseles rhačedo, lengro mass oun rat. Kol vavarendar, hoy t'mer rhan, čore o rat ap o baro Debleskri rhačepaskri vin.

Kolossarja 1:20

Oun o Yezous Kristo hi ko drom, kay o Devel oun i menshe pale mala venna. Har yob ap o troushel meras, oun peskro rat ratas, anas o Devel lauteren pash peste khetne, hoy hi an o bolepen oun ap i phoub.

Hebrearja 10:22

Leskro rat thovas mari doosh mendar, oun kras mare djia djoudjo. Oun mer vam an o djoudjo pani tele thodo. Doleske djas kanna o lačo oun čačo djiyeha glan o Debleste an i zorelo patsepen!

1. Johanni 1:3

Kova, hoy mer dikam oun shounam, penah mer t'menge, te nay vas mer t'mentsa khetne an o čačepen. Oun čačepah, mer ham khetne o Debleha, kay hi maro dad an o bolepen, oun leskro čaveha, o Yezous Kristeha.

Čačepangre 20:26

Pale djan i tsele lourde dran Israel pre an o foro Betel, oun rovan oun dan gole glan o baro Debleste. Oun rhan či oun piyan či ko tselo dives bis i rat vas. Oun yon rhačran firhen o baro Debleske, save kay van tseles rhačedo oun save, kay rhan le khetne glan o baro Debleste.

Čačepangre 21:4

Oun o vavar dives taysarlake stan i menshe sik pre, oun kran i rhačepaskri, oun maran firhen o Debleske, save, hoy leske tseles rhačedo van oun save, kay rhan le khetne glan leste.