3. Mose 27:34 - O Debleskro Lab 2024 (Sinte-Manouche)

³⁴ Kava hi kol laba, hoy penas o baro Devel o Moseske, har his lo ap i berga Sinay, te rikrenn pen i Israelitarya ap lende.

O Debleskro Drom 2021 (Sinte)

³⁴ Kawa hi kol laba, hoi penas o baro Dewel o Moseske, har his lo ap i berga Sinai, te rikrenn pen i Israelitarja ap lende.

3. Mose 27:34 Iomraidhean Croise

3. Mose 26:46

Kava hi kol laba, hoy o Mose i Israelenge yaake doureder penas, har o baro Devel leske penas ap i berga Sinay, te djinenn le, hoy o baro Devel lendar kamell, oun djivenn pal leskro čačepen, oun djan ap leskro drom.

3. Mose 7:38

Yaake penas kova o baro Devel ap o Moseste, har his lo pral ap i berga Sinay, ap ko dives, kay yob i Israelenge penas, te anenn le firhen o baro Debleske an o moulo tato them Sinay.

4. Mose 1:1

Oun o baro Devel rakras o Moseha an o moulo tato them Sinay, an o Debleskro plarhteno kheer, ap o ersto dives, an o douyto čon, an o douyto bersh, har yon dran ko them Egiptia vin djan. Oun o baro Devel penas:

4. Mose 28:6

Kova hi ko rhapen, hoy te rhačrenn hako dives, yaake har anan les o ersto kopo pash koy berga Sinay. Oun o lačo soungepen, hoy pre djal, te vell kova halauter rhačedo an i yag, soungell mishto o baro Debleske.

4. Mose 3:1

Kolla hi i laba o Aroneskre oun o Moseskre menshendar, kay djivan ap ko tsiro, har rakras o baro Devel o Moseha ap i berga Sinay.

4. Mose 36:13

Kalla hi kol čačepaskre laba, kay o baro Devel o Moseske penas, te rikrenn pen i Israelitarya ap lende. Yob penas len lenge an o telstouno them Moab pash o pani Yordan, vergel o foro Yericho.

Johanni 1:17

O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.

5. Mose 1:3

An o star-deshto (40) bersh ap o ersto dives an o deesh-te-yekto čon penas o Mose ap i tsele Israelitarya halauter, hoy o baro Devel leske penas, te hounte krenn le.

5. Mose 29:1

Oun o Mose moukas i tsele Israelitaryen gole te dell, oun penas ap lende: T'mer dikan halauter, hoy o baro Devel glan t'mare yaka kras an o them Egiptia, ap o Faraeste oun ap leskre bare morshende, oun ap o tselo them:

5. Mose 4:45

Har le dran o them Egiptia vin djan, penas lo lenge kol tsele laba, hoy lende sikran, har te djivenn le, oun hoy o Devel lendar kamella, oun leskre tsele čačepaskre laba.

5. Mose 4:5

Dikenn, me sikrom t'mende, hoy o baro Devel t'mendar kamella, leskre tsele čačepaskre laba, yaake har miro baro Devel mange penas, te krenn t'mer an o them, an kova t'mer venna oun les t'menge dren lenna.