3. Mose 26:9 - O Debleskro Lab 2024 (Sinte-Manouche)

⁹ Me dikau lačes ap t'mende, oun krau, te lenn boud čave, yaake te venn boud. Oun hoy man sovel dom, te dap t'mende, rikrau dren.

O Debleskro Drom 2021 (Sinte)

⁹ Me dikau latches ap tumende, un krau, te lenn bud tchawe, jaake te wenn bud. Un hoi man sowel dom, te dap tumende, rikrau dren.

3. Mose 26:9 Iomraidhean Croise

1. Mose 1:28

Oun o Devel rakras lače laba pral lende vin oun penas: “Anenn boud čaven ap i phoub, te vell i phoub t'mendar pherdo! Oun avenn ray pral i phoub! Avenn ray pral i mačende an o baro pani, pral i čirklende an o bolepen, oun pral hake firhende, hoy ap i phoub hi!”

1. Mose 17:20

Ninna, hoy tou mandar mangal tiro čaveske Ismael, kamau me te krell. Shoun, me čivau miri zoor oun miri barht ap leste. Oun me dau les boud čaven, te venn lestar boud boud menshe. Yob vell o dad deesh-te-douy rayendar oun lestar vell i bari natsyona.

1. Mose 26:4

O Abraham shounas ap mande oun kras kova, hoy me leske penom. Yob rikras pes ap mire laba oun djivas pal miro čačepen. Doleske krau me, te venn tire čave yaake boud har i bolepangre momlia. Oun me dau len kalla tsele themma. Oun koy barht, hoy dau tire čavende, djal doureder ap i tsele natsyone, kay ap i phoub hi.”

1. Mose 28:14

Yon venna yaake boud har i čik, hoy ap i phoub hi. Oun krau lengro them baro oun bourhlo ap hake rigya. Oun koy barht, hoy dau toute oun tire čavende, djal doureder ap i tsele menshende, kay ap i phoub hi.

1. Mose 28:3

O zorelo Devel čivell peskri zoor oun peskri barht ap toute oun dell tout boud čave, te venn toutar boud natsyone!

1. Mose 48:4

Čačepah, me dau tout boud čaven, te venn toutar yaake boud menshe, te venn le boud natsyone. Oun kava them dau me tout oun tire menshende, te vell kova t'maro hako tsireske.”

1. Mose 6:18

Tout dau miro lab, kay ačeh djido. Koy dau miro vast pre. Oun tou djas tire čaventsa oun tiri romyah oun tire čavengre romyentsa an o panyeskro kheer dren.

1. Rajengro liil 3:8

Oun mange dal tou kol tsele menshen an o vast, kol menshen, kay tou touke vin rodal. Yon hi yaake boud te nay djinell kek, kitse yon hi.

2. Rajengro liil 13:23

Oun o baro Devel his lačo ap i Israelende oun kras peskro dji lenge pre oun dikas kamles ap lende, yaake har yob peskro lab das o Abrahameste, o Isaakeste oun o Yakobeste. Oun yob das len gar an o merepen oun vitsras len gar pestar krik bis ap kava dives.

Nehemia 2:20

Kote penom me ap lende: “O Devel an o bolepen, yob krell, te djal menge kava mishto. Oun mer, leskre boudepangre, kram men ap i boudi, te čivas o foro pale pre. T'men hi kek čačepen ap ko foro, vitar kek penepaske. Oun t'mare laba hi gar mank kolende, kay venn gar bistedo.”

Nehemia 9:23

Oun lengre čaven moukal tou boudeder te vell har i momlia an o bolepen, oun anal len an ko them, kolestar tou ap lengre phourende penal, te djan le koy oun lenn ko them dren.

Debleskri gili 107:38

Oun yob das len barht, oun yon van boud oun boudeder. Oun yob das len ninna boud firhen.

Debleskri gili 89:3

Kova hi hoy me penau: Hako tsireske ačell leskro lačepen, yaake rah har dell o bolepen, rikrell yob peskro lab.

2. Mose 1:7

Lengre čave lan yaake boud čave, kay vas o them pherdo lendar.

2. Mose 2:25

Oun o Devel dikas lačes ap i Israelitarya oun vas ap lengri rig.

2. Mose 6:4

Ninna dom lende miro vast koy pre, te dap len o them Kanaan, ko them, kay yon vi-themarya his.

Jesaja 55:3

Shounenn mishto, hoy penau, oun avenn pash mande! Shounenn ap mande, te ačenn djido! Oun me kamau t'mentsa vin te krell, te ačas mer mala hako tsireske. Ko lačo koova, hoy o Davideske penom, vell ap t'mende.

Jeremia 23:3

Oun me lau khetne kolen, kay djido ačan mire menshendar dran i tsele themma, kay tradom len. Me anau len pale khere. Kote djal lenge mishto, oun yon venn pale boud menshe.

Jeremia 23:4

Oun me dau pralstunen pral lende, kay hi har lače bakrengre: Yon denn garda ap lende, te hounte darenn oun trashenn le bouder gar. Kek bakro djal bouder nashedo. Kova penell o baro Devel.

Jeremia 33:3

Khare man, palle kamau touha te rakrell, oun kamau touke baro koova te sikrell, hoy tou gar hayveh, oun kolestar či djinal.

Ezekiel 16:62

Te krau touha neves vin, te vap tiro Devel, dikeh oun hayveh tou, te hom me o baro Devel.

Ezekiel 36:9

T'mer dikenn: Me hom ap t'mari rig, oun dikau lačes ap t'mende. Oun ap t'mende boudrenn pale harhe oun vitsrenn djob vin ap i phoub.

3. Mose 26:15

oun krenn gar, hoy t'mendar kamau, oun djivenn gar pal miro čačepen, oun rikrenn yaake gar dren, hoy t'mentsa vin krom,

Louka 1:72

Les his i baro dji mare phourenge oun bistras gar kova, hoy yob lentsa an o phouro tsiro vin kras oun peskro vast pre das.

5. Mose 28:11

Oun o baro Devel krell, te vell t'men boud lačepen, boudeder har doha. Yob dell t'men boud čave oun boud firhe. Boud djob oun vavar koova vell baro ap t'mari phoub an ko them, kay o baro Devel pes glan t'mare phourende sovel das, te dell lo les t'mende.

5. Mose 28:4

Yob dell t'men boud čave, boud djob, boud groumya oun bakre oun bouzya.

5. Mose 7:13

Dran peskro kamlepen dell yob t'men barht oun boud čaven, ninna boud djob, mool oun djet. Oun t'mare groumya oun bakre venna boud an o them, kolestar yob glan t'mare phourende pes sovel das, te dell lo les t'mende.

Hebrearja 8:9

Kava nevo drom hi gar yaake, har ko phouro drom, hoy sikrom lende ap ko dives, kay taprom lengre phouren ap i vasta, te anap len dran o them Egiptia vin. Har ačan le gar ap miro drom, moukom len.