3. Mose 26:8 - O Debleskro Lab 2024 (Sinte-Manouche)

⁸ Panč t'mendar lenn i sheel lourdenge palla, oun i sheel t'mendar nashenn 10.000 (deesh-zerya) lourdenge palla, te denn le len moulo. Kolla, kay kamenn t'men te marell, venn t'mendar o rhareha moulo dino.

O Debleskro Drom 2021 (Sinte)

⁸ Pantch tumendar lenn i sheel lurdenge palla, un i sheel tumendar nashenn 10.000 (deesh-serja) lurdenge palla, te denn le len mulo. Kolla, kai kamenn tumen te marell, wenn tumendar o chareha mulo dino.

3. Mose 26:8 Iomraidhean Croise

1. Familjakro liil 11:11

Oun kolla hi kol laba o Davideskre zorele morshendar: o Yashobam kol menshendar Hakmoni, ko pralstouno kol trinendar. Kova das peskro rhareha 300 (triin-sheel) lourden ap yek kopo moulo.

1. Familjakro liil 11:20

O Abishay, koleskro phraal o Yoab hi, oun kolengri day i Serouya hi, kova his ko pralstouno kol triin-deshendar. O Abishay las leskro vitsepaskro čouri, oun das triin-sheel lourden moulo, oun les his i baro lab mank kol triin-deshende.

Ester 9:16

Oun ninna i tsele vavar bibolde, kay an i themma o baro rayestar djivenn, van penge khetne, oun kouran pen pengro djipaske, te perenn le bouder gar an i čilače vasta. Oun yon dan 75.000 (efta-deesh-te-panč-zerya) morshen moulo. Lengro koova čoran le gar penge.

3. Mose 26:7

T'mer lenn kolenge palla, kay kamenn pen t'mentsa te kourell, oun t'mer denn len o rhareha moulo.

Zakarie 12:8

An ko tsiro rikrell o baro Devel peskre vasta pral i menshende an o foro Yerusalem. Oun i menshe kote sikrenn pen yaake zorelo, te hi i bango yaake zorelo har o David his. Oun i menshe dran o Davideskro kheer djan glan lende, har te djals o Debleskro bolepaskro glan lende.

4. Mose 14:9

Ma perenn o baro Deblestar tele, oun trashenn gar kol menshendar an ko them! Mer kamah len pre te rhal har maro. Lengro devel, kay das yak ap lende, moukas len. O baro Devel hi mentsa. Ma trashenn lendar!”

4. Mose 31:4

Lenn yek zero morshen dran hakeneste kol deesh-te-douy bare familyendar, hoy venn o Yakobeskre čavendar, oun bičrenn len an o kourepen.” Oun yaake kran le, oun 12.000 (deesh-te-douy-zerya) morsha van khetne kourepaske.

5. Mose 28:7

O baro Devel dell kolen, kay hadenn pen pral t'mende, te kourenn le pen t'mentsa. Ap yek drom venn le, te djan le ap t'mende, oun ap hake rigya hounte nashenn le penge t'mendar.

5. Mose 32:30

Har nay las yek lourdo i zero (1.000) Israelitaryen palla? Har nay tradan douy lourde deesh-zerya (10.000) Israelitaryen yaake, te nashan le penge i daryatar? Kova vas, har o baro Devel, lengro rikepaskro, len an kolengre vasta das.

Josua 23:10

Yek morsh t'mendar tradell yek-sero morshen. T'maro baro Devel, yob hi kova, kay kourell pes t'menge lentsa, yaake har lo penas.

Čačepangre 15:15

Oun yob hatsas i mouyeskro kokalo i mouli eslatar, las les an o vast oun das leha 1.000 (yek zero) morshen moulo.