3. Mose 26:6 - O Debleskro Lab 2024 (Sinte-Manouche)

⁶ T'mer nay djivenn an o lačepen kolentsa, kay troul t'mende djivenn, te nay sovenna, oun kek tserdell t'men dran o sopen. Kol divye firhen tradau me dran o them vin. Kek lourde venna an t'maro them, te marenn le t'men.

O Debleskro Drom 2021 (Sinte)

⁶ Tumer nai djiwenn an o latchepen kolentsa, kai trul tumende djiwenn, te nai sowenna, un kek tserdell tumen dran o sopen. Kol diwje viechen tradau me dran o them win. Kek lurde wenna an tumaro them, te marenn le tumen.

3. Mose 26:6 Iomraidhean Croise

2. Rajengro liil 2:24

Yob rissras pes trouyel, oun har yob len dikas, praasas yob len an o baro Debleskro lab. Koy van douy bere dran o veesh oun dandran star-deesh-te-douy kol morsh čavendar an kotya.

1. Familjakro liil 22:9

Dik, i čavo vell touke boldo, yob vell i morsh, kay djinell kek kourepen. Me krau te kourell pes kek leha kolendar halauterendar, kay troul t'mende djivenn. Yaake rah har yob djivell, nay djivenn i Israelitarya kek kourepah oun marepah. Doleske de les o lab Salomo.

2. Familjakro liil 20:30

Yaake nay djivan i menshe an o them Youda, kay o Yosafat o baro ray his, kek kourepah. Leskro Devel kras, te djivas lo an o lačepen kol thementsa troul leste.

Hiob 11:19

Oun tou hal čiddo, oun kek vell pral toute, oun krell tout traash. Oun boud venna, kay mangenn toutar, te kress lenge lačepen.

Hiob 5:23

I barra ap i harhetikri phoub hi tire mala, oun i divye firhe krenn touke či.

Debleskri gili 144:14

Mare groumya te nashrenn kek pengre ternendar, hoy gar boldo hi. Kek ropaskri gole te vell shounlo ap mare dromma!

Debleskri gili 147:14

Kek kourepen vell an t'maro them, oun o lačeder djob dell lo t'men te rhal.

Debleskri gili 29:11

O baro Devel dell peskre menshende zoor, ninna barht oun lačo koova.

Debleskri gili 3:5

Dau me gole ap o baro Debleste, shounell lo man ap peskri berga, kay yob djivell.

Debleskri gili 4:8

Tou kral miro dji barhtleder har o dji kolendar, kolen boud djob oun mool hi.

Debleskri gili 85:8

Baro Devel, ab menge lačes, oun kre lauter menge pale mishto!

2. Mose 23:29

Hi yaake: Gar an yek bersh tradau len toutar krik. Te kroms kova yaake, vals o them divyo oun anals bouder kek rhapen vin. Oun i divye firhe vans boudeder oun boudeder. Oun kova vals gar mishto t'menge.

Gosewe laba 3:24

Rati čiveh tout tele kek daryah, oun tou nay soveh mishto.

Gosewe laba 6:22

Te djah, sikrenn le touke o drom, te čiveh tout, denn le ap toute yak. Oun te steh pale pre, venn le touke an o shero.

Jesaja 35:8

Oun kote hi palle i drom, hoy kharell Debleskro drom. Kek, kay pale-čiddo glan o Debleste hi, nay djal ap leste. Kokres o Debleskre menshe djan ap leste. Kek, kay djal ap ko drom, nashrell pes, vitar kek, kay gar boud hayvell.

Jesaja 35:9

Kek levo hi kote; vitar kek vavar firho, hoy vavar firhen rhal, djal ap ko drom; save firhe venn gar kote hatslo. Ap kava drom djan kokres save menshe, kolen o baro Devel vin las dran o pandepen.

Jesaja 45:7

Me hom kova, kay krell, te vell dives oun rati. Me hom kova, kay dell barht oun bibarht. Me, o baro Devel, krau kova lauter.

Jesaja 9:7

O baro Devel rakras o čačepen vin pral o kheer Yakob. Oun leskri rholi peras ap i Israelende.

Jeremia 30:10

Doleske ma dare, tou, miro boudepaskro Yakob! Ma traash, Israel, penell o baro Devel. Shoun, me lau tout oun tire čaven vin dran ko dour them, kay pandle han. T'mer venn khere an t'maro them. Kote djal t'menge mishto. Kek krell t'menge kote čilačepen. Či hounte krell t'menge daar.

Jeremia 31:26

Har djangrom oun krom mire yaka pre, hayvom, kay miro sopen shoukar his.

Ezekiel 14:15

Te anoms divye firhen an o them, kay marenn kolen, kay kote djivenn, oun o tselo them vals i moulo them, kay kek bouder ap o drom hi i daryatar kol divye firhendar,

Ezekiel 14:17

Te moukoms me i kourepen vin te phagell an ko them, oun moukoms menshen oun firhen kote moulo te dell,

Ezekiel 14:21

Oun kanna penell o baro Devel, maro ray: Ap ko tsiro, kay bičrau star phare dava pral ko foro Yerusalem – kourepen, bok, divye firhe oun pharo nasslepen, – te merenn i menshe oun firhe koy dren,

Ezekiel 34:25

Oun me pandau miro dji ap lende, oun krau lentsa vin, te nay djivenn le an o lačepen. Hake divye firhen tradau krik dran o them. Oun an o moulo them nay djivenn le kek daryah. Oun an i vesha sovenn le.

Ezekiel 34:27

te hidjrenn i rouka lače roukengre, oun te vell boud djob bares ap i harhetikri phoub. Oun mire menshe djivenn an pengro them kek daryah. Me phagau kol shelle, kolentsa yon pandlo his. Oun lau len vin dran i vasta kolendar, kolenge yon hounte boudran. Palle dikenn oun hayvenn le, te hom me o baro Devel.

Ezekiel 5:17

Ava, i bok oun divye firhen bičrau mank t'mende. Kolla marenn t'mare čaven. Ninna pharo nasslepen, marepen oun kourepen anau pral t'mende. Me, o baro Devel, rakrom.

Hosea 2:18

Palle, penell o baro Devel, kharell li man pale miro rom, oun gar bouder miro Baal.

Hosea 2:20

An ko tsiro krau i divye firhentsa, i čirklentsa oun i sapentsa vin, te krenn le lake kek čilačepen. Me phagau o tselo kourepaskro koova paash, i boge oun i rhare an o them. Oun moukau len kek daryah kote te djivell.

3. Mose 25:18

Doleske krenn, hoy t'mendar kamau, oun djivenn pal miro čačepen! Palle nay djivenn t'mer an kava them kek daryah.

3. Mose 25:19

Oun o them anell t'menge yaake boud vin, te hi t'men doha rhapaske. Oun t'mer nay djivenn an kava them, oun t'men hounte vell kek daar.

3. Mose 26:22

Divye firhe bičrau mank t'mende, te rhan le t'mare čaven oun firhen, oun marenn yaake boud t'mendar, te venn t'mare dromma mouklo.

3. Mose 26:25

Me moukau kourepen an t'maro them vin te phagell, oun dau t'men pale, te rikran gar dren, hoy mantsa vin kran. Oun te khatrenn t'mer t'men palle an t'mare forya, palle bičrau i pharo nasslepen mashkral t'mende, oun dau t'men an i vasta kolendar, kay kourenn pen t'mentsa.

3. Mose 26:7

T'mer lenn kolenge palla, kay kamenn pen t'mentsa te kourell, oun t'mer denn len o rhareha moulo.

Micha 4:4

Hakeno nay beshell tel peskre drakengre rouka oun faygetikre rouka. Oun kek krell leske traash. Kava penell o baro Devel, ko ray pral o bolepen oun i phoub.

Zefanja 3:13

Oun kol pral-moukle menshe an o them Israel krenn kek čilačepen, oun rhorhenn gar, oun rakrenn gar douy čipyentsa. Lenge djal mishto, oun yon djivenn kote kek daryah.

Haggai 2:9

Kava kheer te vell shoukeder har miro ersto kheer his. Oun me kamau t'men barht te dell an kava foro, penell o baro Devel, ko ray pral o bolepen oun i phoub.

Zakarie 9:10

O baro Devel penell: Me lau i kourepangre vourdya krik dran o them Israel, oun i kourepangre graya dran Yerusalem. Oun i kourepangre boge venn phagedo. T'maro baro ray lell o čingepen krik mank i natsyone. Yob hi o ray foun yek baro panyestar bis ap o vavar, foun o panyestar Eufrat bis an i doureder themma ap i tseli phoub.

Johanni 14:27

Ninna te hom me gar pash t'mende, ačell koy barht, hoy me dom t'men, an t'mare djia. Me dau t'men miri barht. Koy barht nay denn t'men gar i menshe ap kay phoub. Ma trashenn! Ma avenn dareno!

Bičepangre 12:6

An i rat glan ko dives, kay kamas o Herodes les vin anell, te dell lo les i phagi, sovas o Petro mashkral douy lourdende. Yob his pandlo douy sasterne shellentsa, oun douy lourde dan yak glan o voudar.

Remarja 5:1

Maro patsepen ap o rayeste, o Yezous Kristeste, kras men čačo glan o Debleste. Oun o Debleskri rholi vell bouder gar ap mende.