3. Mose 26:5 - O Debleskro Lab 2024 (Sinte-Manouche)

⁵ Ko tsiro kay t'mer o djob vin denn, djal bis te vell ko tsiro, kay činenn i drake tele. Oun ko tsiro, kay činenn i drake tele, djal bis te vell ko tsiro, kay vitsrenn o djob pale vin an i phoub. Oun t'men vell boudeder har doha rhapen. Kek krell t'menge čilačepen.

O Debleskro Drom 2021 (Sinte)

⁵ Ko tsiro kai tumer o djob win denn, djal bis te well ko tsiro, kai tchinenn i drake tele. Un ko tsiro, kai tchinenn i drake tele, djal bis te well ko tsiro, kai witsrenn o djob pale win an i phub. Un tumen well budeder har doha chapen. Kek krell tumenge tchilatchepen.

3. Mose 26:5 Iomraidhean Croise

Debleskri gili 144:13

Mouk mare djobengre khera pherdo te vell, te vell men boud lačo rhapen te rhal. Mouk mare bakren zerya terne te lell, ava, deesh-zerya an mare gaba.

Debleskri gili 90:1

O mangepen o Mosestar, ko Debleskro morshestar. Baro Devel, maro ray, tou hal kova, pash koleste nay vah oun khere ham.

2. Mose 16:8

Palle penas o Mose: “Ap i rat dell lo t'men mass oun taysarlakro yaake boud maro, te venn čalo. O baro Devel shounas, har rhoyran t'men ap leste. Koon ham mer? Gar ap mende rhoyran t'men, na-a, han rhoyedo ap o baro Debleste.”

Gosewe laba 1:33

Koon ap mande shounell, nay djivell kek daryah, oun leskro dji hounte darell kek bibarht.

Gosewe laba 18:10

O baro Devel hi har i baro zorelo kheer. Kova, kay an o čačepen tardo hi, nashell pash leste oun khatrell pes pash leste.

Jesaja 1:19

Kamenn t'mer ap mande te shounell? Palle nay rhan t'mer o tselo lačepen, hoy o them vin anell.

Jesaja 30:23

Palle dell o baro Devel brishin ap o djob, hoy tou ap tiro kotar phoub vin vitsral. Oun tiri phoub anell yaake boud djob vin, te vell tout boudeder har doha maro. Oun tire firhen vell doha zenlepen te rhal ap i bourhlo zenelo them.

Jeremia 23:6

An leskro tsiro vell o Youda vin lino dran i čilače vasta, oun o Israel nay djivell kek daryah. Oun i menshe denn les o lab o baro Devel krell men čačo.

Hosea 2:18

Palle, penell o baro Devel, kharell li man pale miro rom, oun gar bouder miro Baal.

Hosea 2:20

An ko tsiro krau i divye firhentsa, i čirklentsa oun i sapentsa vin, te krenn le lake kek čilačepen. Me phagau o tselo kourepaskro koova paash, i boge oun i rhare an o them. Oun moukau len kek daryah kote te djivell.

Joel 2:19

Yob penell lenge: Čačepah, me bičrau t'men djob, mool oun djet yaake boud, te nay rhan t'men čalo. Oun i menshe dran vavar themma nay praasenn t'men bouder gar.

Joel 2:22

T'mer divye firhe, ma darenn! I phoub vell zenelo, oun i rouka hidjrenn pengre roukengre. Dell boud fayge oun drake.

Joel 2:26

T'men vell doha rhapaske, oun t'mer sharenn o baro Debles, kay t'maro Devel hi, oun kras boud zorelo koova mank t'mende. Oun t'mer, mire menshe, venn bouder gar praasedo.

Amos 9:13

Shounenn, penell o baro Devel, o tsiro vella, kay vell o djob yaake sik bares, te venn i činepangre khetne kolentsa, kay i phoub trouyel vitsrenn. Oun yaake boud drake hi koy, te hi gomme gar i mool kerdo i tsele drakendar, har ko tsiro vell, kay nevo djob vin vitsedo vell. Dell yaake boud drake, te nashell o mool i bare oun tikne berge tele.

Mateo 23:37

T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre terne garda della, oun lell len tel peskre phora. Oun t'mer kaman gar.

Bičepangre 14:17

Ninna te djinans t'mer či lestar, hounte dikans, kay o Devel djivella. Yob kras boud lačo koova t'menge. Yob dell t'men brishino dran o bolepen, te vell lauter ap i phoub baro. Yob dell t'mende te rhal, oun i barht an t'maro dji.”

5. Mose 11:15

Oun me moukau o zenlepen ap tiri phoub pre te djal tire firhenge. T'men hi hako tsiro doha te rhal.

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

1. Petro 1:5

kay patsenn ap leste. O Devel rikrell t'men an peskro zorelo vast, bis te vell ko dives, kay lell t'men o Yezous Kristo dran i tseli bibarht vin. Palle dikenn t'mer har shoukar kova hi, hoy les t'menge hi.