3. Mose 26:46 - O Debleskro Lab 2024 (Sinte-Manouche)

⁴⁶ Kava hi kol laba, hoy o Mose i Israelenge yaake doureder penas, har o baro Devel leske penas ap i berga Sinay, te djinenn le, hoy o baro Devel lendar kamell, oun djivenn pal leskro čačepen, oun djan ap leskro drom.

O Debleskro Drom 2021 (Sinte)

⁴⁶ Kawa hi kol laba, hoi o Mose i Israelenge jaake dureder penas, har o baro Dewel leske penas ap i berga Sinai, te djinenn le, hoi o baro Dewel lendar kamell, un djiwenn pal leskro tchatchepen, un djan ap leskro drom.

3. Mose 26:46 Iomraidhean Croise

Debleskri gili 77:20

Tou djal mashkral o baro pani. Tire herya djan an o telstouno pani. Oun kek nay dikas, kay tire herya stakran.

3. Mose 25:1

O baro Devel penas ap o Mose ap i berga Sinay:

3. Mose 27:1

O baro Devel penas ap o Mose:

3. Mose 27:34

Kava hi kol laba, hoy penas o baro Devel o Moseske, har his lo ap i berga Sinay, te rikrenn pen i Israelitarya ap lende.

3. Mose 7:38

Yaake penas kova o baro Devel ap o Moseste, har his lo pral ap i berga Sinay, ap ko dives, kay yob i Israelenge penas, te anenn le firhen o baro Debleske an o moulo tato them Sinay.

3. Mose 8:36

O Aron oun leskre morsh čave kran lauter yaake, hoy o baro Devel ap o Moseste penas.

4. Mose 36:13

Kalla hi kol čačepaskre laba, kay o baro Devel o Moseske penas, te rikrenn pen i Israelitarya ap lende. Yob penas len lenge an o telstouno them Moab pash o pani Yordan, vergel o foro Yericho.

4. Mose 4:37

Yaake boud morsha his kol Kohatarya, kay nay boudran ap o Debleskro kheer, oun kay o Mose oun o Aron an i liil činan, yaake har o baro Devel kova o Moseske penas, te krenn le.

Johanni 1:17

O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.

5. Mose 12:1

Kanna penau t'menge, hoy o Devel t'mendar kamella oun leskre čačepaskre laba, hoy hounte rikrenn an ko them, hoy dell t'men o baro Devel, kay ninna o Devel t'mare phourendar his, te lenn les t'menge dren. Denn yak ap kal laba, oun rikrenn t'men ap lende yaake rah har djivenn.

5. Mose 29:1

Oun o Mose moukas i tsele Israelitaryen gole te dell, oun penas ap lende: T'mer dikan halauter, hoy o baro Devel glan t'mare yaka kras an o them Egiptia, ap o Faraeste oun ap leskre bare morshende, oun ap o tselo them:

5. Mose 33:4

O Mose sikras mende o Debleskro drom. Kal čačepaskre laba hi o Israeleskro bravlepen.

5. Mose 4:5

Dikenn, me sikrom t'mende, hoy o baro Devel t'mendar kamella, leskre tsele čačepaskre laba, yaake har miro baro Devel mange penas, te krenn t'mer an o them, an kova t'mer venna oun les t'menge dren lenna.

5. Mose 6:1

Oun kava hi o lab, lauter, hoy t'maro baro Devel t'mendar kamella, oun leskre čačepaskre laba, hoy lo mande das, te penap len t'menge, te nay djivenn pal lende an o them, an kova t'mer kanna djan, te lenn les t'menge dren,