3. Mose 26:4 - O Debleskro Lab 2024 (Sinte-Manouche)

⁴ palle moukau me brishin te dell an ko tsiro, kay hounte vell. Oun o them moukell t'menge lauter bares te vell, oun i rouka hidjrenn pengre roukengre.

O Debleskro Drom 2021 (Sinte)

⁴ palle mukau me brishin te dell an ko tsiro, kai hunte well. Un o them mukell tumenge lauter bares te well, un i ruka hidjrenn pengre rukengre.

3. Mose 26:4 Iomraidhean Croise

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

Hiob 5:10

Yob dell brishin ap i phoub, oun moukell pani ap o them te perell.

Debleskri gili 104:13

Dran o bolepen deh tou brishin ap i berge, oun kreh te vell i phoubyat doha pani.

Debleskri gili 67:6

Maro Devel, mou parkrenn pen pash toute i menshe dran hake themma, mou sharenn le tout halauter!

Debleskri gili 67:7

I phoub moukas lačo rhapen bares te vell; o Devel, maro Devel das men barht.

Debleskri gili 68:9

kote trissas i phoub, oun o bolepen das baro brishin glan toute, o Debleste ap i berga Sinay, ava, glan o Debleste pral o Israel.

Debleskri gili 85:12

Kate ap kay phoub rikrah mer zoreles ap o Debleste. Oun dran o bolepen vell o Debleskro čačepen ap mende.

Debleskri gili 85:13

Ava, o baro Devel moukell menge mishto te djal, oun mari phoub anell menge boud rhapen.

Jesaja 30:23

Palle dell o baro Devel brishin ap o djob, hoy tou ap tiro kotar phoub vin vitsral. Oun tiri phoub anell yaake boud djob vin, te vell tout boudeder har doha maro. Oun tire firhen vell doha zenlepen te rhal ap i bourhlo zenelo them.

Jesaja 5:6

Oun me moukau ko them čiddo, har lo hi. I rouka venn gar pale činlo, oun i phoub gar trouyel vitsedo. Palle venna soubyengre bourra oun soubyengro zenlepen bares koy pre. Oun me penau o brishineske, te perell lo gar koy tele.

Jeremia 14:22

Kek devel, koles i menshe an vavar themma an-mangenna, nay bičrell brishin! Vitar gar dell o bolepen dran peste brishin! Na-a, maro baro Devel, tou hal kova, kay krell savo koova. Doleske dikah ap toute.

Ezekiel 36:30

Me krau, te anenn i rouka boud roukengre. Oun kova hoy ap i phoub pre djal, vell boud oun boudeder. I menshe dran vavar themma nay san bouder gar pral t'mende, doleske, kay hi t'men či te rhal.

Joel 2:22

T'mer divye firhe, ma darenn! I phoub vell zenelo, oun i rouka hidjrenn pengre roukengre. Dell boud fayge oun drake.

3. Mose 25:19

Oun o them anell t'menge yaake boud vin, te hi t'men doha rhapaske. Oun t'mer nay djivenn an kava them, oun t'men hounte vell kek daar.

3. Mose 25:21

Palle penau me: Me čivau miri barht ap t'mari phoub an o shobto bersh, te anell i phoub yaake boud djob vin, te rikrell kova triin bersha.

Zakarie 8:12

Na-a, kanna nay vitsrenn le djob an i phoub kek daryah. I drakengre rouka hidjrenn drake, i phoub anell zenlepen vin, oun o bolepen dell brishin. Oun kolenge, kay pral ačan kal menshendar, dau kova lauter, te ačell kova lenge.

Mateo 5:45

Yaake han t'mer čačepah čave o baro Deblestar, kay hi t'maro dad an o bolepen. Yob moukella o kham pre te djal kol čilačenge oun kol lačenge. Oun yob dell brishin ap kolende, kay pal o čačepen djivenna, ninna ap kolende, kay čilačo koova krenna.

Bičepangre 14:17

Ninna te djinans t'mer či lestar, hounte dikans, kay o Devel djivella. Yob kras boud lačo koova t'menge. Yob dell t'men brishino dran o bolepen, te vell lauter ap i phoub baro. Yob dell t'mende te rhal, oun i barht an t'maro dji.”

5. Mose 11:13

Yaake shounenn ap kol laba, hoy t'menge kava dives penau, te kamenn t'maro baro Debles o tselo djiyestar oun venn leske koy t'mari tseli zoryah.

5. Mose 11:14

Palle dell yob o brishin ap t'maro them an peskro tsiro, an o niyal oun an o vend, te nay anenn t'maro djob dren, ninna t'mari mool oun djet.

5. Mose 28:12

Yob krell t'menge o bolepen pre oun dell brishin an o čačo tsiro ap t'maro them, oun čivell peskri barht ap halauter, hoy t'mer krenna. Oun t'mer patsenn i menshenge an boud themma. Lendar hounte patsenn t'menge či.

Jakobo 5:7

Mire phrala, dikenn ap o dives, kay vell maro ray Yezous pale, oun avenn gar khino an t'mare djia, yaake har i harho dikell ap ko dives, kay peskro kouč djob bares vas. Yob djinell, o brishin hounte vell oun krell i phoub sapeno, oun pal i tsiro hounte dell pale brishin, te vell o djob bares. O tselo tsiro vell o harho gar khino an peskro dji.

Debleskro tsiro 11:6

Len hi i zoor, te rikrenn le o brishin pale, yaake te dell kek brishin ap ko tsiro, kay yon o Debleskro lab penenna. Oun len hi i zoor pral o pani, te nay krenn le dran kol tsele panya rat. Ninna hi len i zoor, te nay anenn le haki bibarht pral i phoub, yaake boud kope, har yon kamenna.