3. Mose 26:39 - O Debleskro Lab 2024 (Sinte-Manouche)

³⁹ Kolla, kay pral ačenn t'mendar, lendar merell yek pal o vavar an kol themma kolendar, kay len pandles krik anan. Kova djal lenge doleske, kay moukan le o baro Debleskro drom, yon oun ninna lengre phoure.

O Debleskro Drom 2021 (Sinte)

³⁹ Kolla, kai pral atchenn tumendar, lendar merell jek pal o wawar an kol themma kolendar, kai len pandles krik anan. Kowa djal lenge doleske, kai mukan le o baro Debleskro drom, jon un ninna lengre phure.

3. Mose 26:39 Iomraidhean Croise

2. Familjakro liil 34:24

Kava penell o baro Devel: Me anau čilačepen pral kava foro oun pral i menshende, kay kate djivenn. Koy tseli bibarht, hoy an ko liil tardo hi, hoy moukas peske o baro ray pral Youda glan te draverell, anau pral t'mende.

Esra 9:7

Ko tsirestar, kay mare phoure djivan, bis ap kava dives anam mer boud doosh ap mende, oun dran maro djounglepen dal men, mare rayen oun rashayen an i vavar rayengre vasta, kay an i themma troul mende djivenn. O rhareha maran le men, an o stilepen vitsran le men, oun yon čoran men vin, oun anan ladj ap mende, yaake har ninna kava dives hi.

Nehemia 1:9

Te rissrenn t'mer pale trouyel pash mande, oun rikrenn mire laba oun djivenn pal lende, palle anau t'men pale ap koy platsa, hoy vin rodom, te vap kote prindjedo. Kova krau me, ninna te vans t'mer krik tradedo bis an o palstouno kotar ap i phoub.

2. Mose 20:5

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

2. Mose 34:7

Me sikrau miro lačepen ap lengre čavende oun kolengre čavende oun kolengre čavende oun zerya kope yaake doureder. Oun bistrau lengri doosh oun lau lengro čilačepen krik. Koles, kay kamell mandar či te djinell, dau i phagi, oun gar koles kokres, na-a ninna leskre čaven oun kolengre čaven yaake rah har triin, star familye, yek pal i vavar, djivan.”

Jesaja 14:21

Tire morsh čave hounte merenn! Avenn oun denn len moulo! Yon hounte merenn ko čilačepaske, hoy lengre phoure kran, te nay hadenn le pen gar bouder, oun lenn i phoub penge dren oun krenn penge forya koy pre.

Jesaja 24:16

Dran themma, kay dour mendar krik hi, shounah o gipen: “Sharedo vell o Devel, kay o čačepaskro hi.” Me penom mange: Mange hi ropaske! Mange hi ropaske! Har djoungelo djal mange? Phoukepangre phoukrenn, ava, phoukepangre phoukrenn, oun moukenn gar tele pengro phoukepah.

Jeremia 29:12

Te denn t'mer man an-gole oun venn oun mangenn mandar, palle shounau me ap t'mende.

Jeremia 3:25

Mer hounte ladjams men, oun mari ladj hounte čakrals men har i plarhta! Maro tselo djipen djivam yaake, har o baro Devel, maro ray, gar kamas. Mer oun mare phoure djivam yaake, oun shounam gar ap kova, hoy yob menge penas, te kras mer.

Jeremia 31:29

Ap ko tsiro vell bouder gar penlo: “I phoure rhan shoutle drake, oun i čavenge doukan i danda lendar.”

Ropaskre gilja 1:3

I menshe dran Youda hi pandle boudepangre, hounte boudrenn tel dava, oun djivenn an vavar themma. Ninna kote hounte vell len daar. Halauter, kay len palla lenn, venna oun rikrenn pengro vast ap lengri meen.

Ropaskre gilja 4:9

Kolenge, kay o rhareha maredo van, djas feteder har kolenge, kay meran i bokatar. Har kek djob bouder bares vas, phagan le khetne i bokatar, bis te meran le.

Ezekiel 18:19

T'mer poučenn: “Hoske hidjrell ko čavo gar i doosh peskro dadestar?” Me penau t'menge: O čavo kras, hoy mishto oun čačo his, oun rikras halauter, hoy lestar kamom. Doleske ačell yob djido.

Ezekiel 20:43

Oun kote vell t'menge kova an o shero, hoy kran oun har djivan, koleha t'mer t'men pale-čiddo kran. Oun ko tselo čilačo koova, hoy kran, vell t'menge čadepaske.

Ezekiel 24:23

T'mare dikle moukenn troul t'mare sherya oun kirrha ap t'mare pire. T'mer denn gar gole oun rovenn gar. T'mer perenn an t'mende khetne, yaake baro hi i doosh ap t'mende. Oun mank t'mende lenn t'mer phares dourho.

Ezekiel 33:10

Tou mensho, pen ap o kheer Israel: T'mer penenn: Mari doosh oun ko čilačo koova, hoy kram, hi phares ap mende čiddo. Mer nay hidjrah kova bouder gar. Har nay djivah mer gomme?

Ezekiel 36:31

Oun palle vell t'menge an o shero, har čilačo kova his, hoy kran oun har djivan. Oun ko tselo čilačo koova, hoy kran, oun har i rhorhene deblen an-mangan, vell t'menge čadepaske.

Ezekiel 4:17

Ava, maro oun pani hi gar doha lenge. Oun an lengri traash venn le sano, oun yek pal o vavar merell. Kova hi i phagi lengri doshake.

Ezekiel 6:9

Kote, kay le pandle hi, vau me lenge an o shero. Oun yon dikenn dren, te dom len i phagi koleske, hoy yon kran: Yon phagan mantsa oun nashan rhorhene deblen palla. Palle rissrell lenge halauter an pende pral ko tselo djoungelo koova, hoy yon kran.

Hosea 5:15

Me djau mange pale kote, kay khere hom, bis te dikenn le pengri doosh dren oun rodenn man. Te djal lenge gar mishto, palle poučenn le pale pal mande.

Zakarie 10:9

Me tradom len mank i menshende an dour themma, te vap lenge kote an o shero, te nay djivenn le, yon oun lengre čave, oun pale khere venna.

4. Mose 14:18

Tou penal: Me, o baro Devel, vau gar sik rhoyedo, oun man hi i lačo oun baro dji, oun me bistrau ko čilačo koova, hoy kran oun lau i doosh krik. Koles kokres, kay kamell mandar či te djinell, dau i phagi, oun gar koles kokres, na-a ninna leskre čaven oun kolengre čaven yaake rah har triin, star familye, yek pal i vavar djivan.

5. Mose 28:65

Mank kol menshende hatsenn kek platsa, kay khere han oun ačenn nashte. Oun o baro Devel dell t'men kote i dji, hoy o tselo tsiro darell. An t'mare yaka hi kek djipen bouder. Oun t'mer kamenn bouder gar te djivell.

5. Mose 30:1

Kanna penom t'menge kal tsele laba, te nay rodenn vin: Kamenn t'mer, te vell o Debleskri barht pral t'mende? Kamenn t'mer te vell leskro praasepen pral t'mende? Te vell koy bibarht pral t'mende, oun t'mer djivenn an i vavar themma, kay t'maro baro Devel t'men tradas, venn t'menge kal laba an o dji.

5. Mose 5:9

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

5. Mose 8:20

har kol vavar menshe, kay o baro Devel glan t'mende marell. Čačepah, t'mer te shounenn gar ap leskro rakepen, venn t'mer maredo.