3. Mose 26:36 - O Debleskro Lab 2024 (Sinte-Manouche)

^36-37 Kolla, kay t'mendar pral ačenn an kol vavar themma, kay le pandle hi, kolen krau yaake dareno, te vell len daar glan i patri, hoy krik phourdedo vell. Lestar nashenn le, har te lals yek len o rhareha palla. Oun yon perenn, oun yek perell pral o vavareste, ninna te hi kek koy, kay len palla las. Oun t'men hi kek zoor, te kourenn t'men kolentsa, kay ap t'mende djan.

O Debleskro Drom 2021 (Sinte)

^36-37 Kolla, kai tumendar pral atchenn an kol wawar themma, kai le pandle hi, kolen krau jaake dareno, te well len daar glan i patri, hoi krik phurdedo well. Lestar nashenn le, har te lals jek len o chareha palla. Un jon perenn, un jek perell pral o wawareste, ninna te hi kek koi, kai len palla las. Un tumen hi kek soor, te kurenn tumen kolentsa, kai ap tumende djan.

3. Mose 26:36 Iomraidhean Croise

1. Mose 35:5

Oun yon kran pen ap o drom. Oun o Devel čivas i daar ap kol menshende, kay djivan an i forya troul lende. Oun kolla lan len gar palla.

1. Mose 4:12

Te kreh tiri boudi ap i harhetikri phoub, vell kote či touke baro. Tou hounte djas trouyel ap i phoub. Tout vella kek them, kay khere hal.”

2. Familjakro liil 14:14

Ninna djan le ap i plarhtene khera pre, kay kolla djivan, kay dan garda ap pengre firhe, oun lan boud bakre oun khamele pentsa. Pal kova djan le pale an o foro Yerusalem.

Hiob 13:25

Hoy hom me? – I patri, hoy o roukestar tele phourdedo vas, oun i kotar phouss, hoy i dourho krik hidjrell. Hoske kreh mange daar oun leh man palla?

Debleskri gili 53:5

“Kolla, kay o čilačo koova krenna, hayvenn či”, penell o Devel, – “kolla, kay mire menshen rhana har i kotar maro. Man denn le gar an-gole.”

Debleskri gili 53:6

Ap yek kopo taprenn le i traash, ninna te hi či koy, hoy len nay traash krella. O Devel marell kolen, kay ap peskre menshende pre djan. Oun lengre kokale ačenn čiddo oun venn gar paskedo. O Devel čivas len pale.

Debleskri gili 89:43

Kolla, kay ap leste djan, moukal, te hadenn le pen. Oun kral kolen barhtelo, kay leske čilačepen kamenn.

Gosewe laba 28:1

O čilačo hi ap o naashepen, ninna te lell les kek palla. Kova, kay an o čačepen tardo hi, hi har i terno levo oun darell či.

Jesaja 30:17

I zero morsha t'mendar nashenn penge glan yekeste, kay peskro mouy pre krell oun penell Kanna lenn t'mare dava. Ava, glan panč savendar nashenn t'mer lauter krik. T'mare tsele lourdendar ačell či pral har koy plarhta ap i kasht, hoy pre tardo čivan pral ap i berga, te dikenn le lat foun doural.

Jesaja 7:2

Oun har o baro rayeske pral Youda penlo vas, kay čivan i Syrarya pengre plarhtene khera pre an o Efrayimeskro them, kote trissas lo i trashatar. Oun ninna i tsele menshe an Youda trissan yaake har i rouka an i vesha trissenn, te phourdell i zorelo dourho.

Jesaja 7:4

Oun pen ap leste: “De yak! Ač pokones! Ab zorelo oun ma traash glan kol douyende, o Rezin, ko Syrari, oun o Peka, koleskro dad o Remalya hi. Ninna te hi le rhoyedo, hi le či vavar har tele rhačedo kasht, kay gomme yagakro dourho pre djal.

Jeremia 37:10

Te nay marans t'mer ninna i tsele lourden dran o them Babilonia khetne, kolla kay kourenn pen t'mentsa, oun te ačans lendar kokres i vast pherdo pral, kay doukedo hi, palle stakrans le dran pengre plarhtene khera pre, oun rhačrans kava fores tele.

Jeremia 46:16

Yob krella, kay boud lendar perenna, oun yek ap o vavareste ap i phoub čiddo hi. Kote penenn i lourde: Avenn, mer djas pale pash mare menshende, an kol themma, kay khere ham! Avenn, nashas glan kal marepaskre rhare!

Ropaskre gilja 1:3

I menshe dran Youda hi pandle boudepangre, hounte boudrenn tel dava, oun djivenn an vavar themma. Ninna kote hounte vell len daar. Halauter, kay len palla lenn, venna oun rikrenn pengro vast ap lengri meen.

Ropaskre gilja 1:6

O foro Sion nashras peskro tselo shoukapen! Leskre pralstoune hi har tserfe. kay hatsenn kek zenlepen. Oun vi-bokedo hi len kek zoor, te nashenn le penge glan kolende, kay len palla lenn.

Ropaskre gilja 4:19

Kolla, kay men palla lan, his sikeder har i adlarya tel o bolepen. Ap o pralstouno them lan le men palla, oun an o moulo them louran le menge pre.

Ezekiel 21:12

Oun te poučenn le toutar: Hoske le tou yaake phares dourho? Palle peness: Shounom djoungelo rakepen, hoy gomme vell. Koon kova shounell, koles taprell i bari daar. An leskre vasta hi bouder kek zoor. Leskro dji dell sik. I daryatar nay rikrell lo peskro pani gar. O tsiro hi kay, kova vell sik! Čačepah, kova vell, penell o baro Devel, maro ray.

Ezekiel 21:15

Mishto činell lo. te marell lo boud menshen. Oun djoudjo kerdo hi lo, yaake djoudjo har i blendari. Ma penenn: “Mer nay vah barhteles. Maro ray sal pral i tsele vavar rayende.”

Ezekiel 21:7

Tou, mensho, dik kote, kay o foro Yerusalem hi! Rake kolestar, hoy djal o khereske, kay vell o Devel an-mangedo! Oun pen i menshenge an o them Israel, hoy pral lende vella!

Hosea 8:3

vitsrenn le ap i rig, hoy lačo hi. Doleske lenn len i lourde dran vavar themma palla.

3. Mose 26:17

Me dikau bouder gar lačes ap t'mende, oun t'mer venn dino kolendar, kay kourenn pen t'mentsa. Kolla, kay kamenn t'maro merepen, venn ray pral t'mende. T'mer han ap o naashepen, ninna te lell t'men kek palla.

5. Mose 1:44

Oun i Amorarya, kay kote djivan, van vin oun djan ap t'mende pre, oun tradan t'men an o them Seir, har bine yekes palla lenn. Oun dan t'men pash o foro Horma.

Josua 5:1

Oun i tsele bare raya pral i Amorarya, kay ap koy rig o panyestar Yordan djivan, kay o kham tele djal, ninna i tsele bare raya pral i Kanaanitarya, kay pash o Baro Pani djivan, kolla halauter shounan, har las o baro Devel o pani dran o Yordan krik glan i Israelitarya, bis te yon halauter ap i vavar rig his. Oun har yon kova shounan, vas bari traash ap lende, oun an kekeste ačas i zoor te djal lo pre ap i Israelitarya.

Josua 7:5

Oun kolla lan len palla pash o foreskro baro voudar, oun tradan len kote, kay i berga pral tele djal. Kote dan le 36 (triyanda-te-shob) morshen lendar moulo. Koy van i djia i tsele menshendar har pani daryatar.

1. Samuel 17:24

Har i morsha dran Israel ko morshes dikan, djan le i bari daryatar pale.