3. Mose 26:19 - O Debleskro Lab 2024 (Sinte-Manouche)

¹⁹ T'maro pre-phourdepen oun t'maro pesso shero phagau, oun dau t'men bouder kek brishin. Ko bolepen pral t'mende vell har saster, oun koy phoub tel t'mare pire zorelo har barra.

O Debleskro Drom 2021 (Sinte)

¹⁹ Tumaro pre-phurdepen un tumaro pesso shero phagau, un dau tumen buder kek brishin. Ko bolepen pral tumende well har saster, un koi phub tel tumare pire sorelo har barra.

3. Mose 26:19 Iomraidhean Croise

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

1. Rajengro liil 8:35

Te moukenn tire menshen Israel tiro drom, oun tou rikreh doleske o brishin pale, oun yon denn tout an-gole oun rissrenn lengre mouya ap koy rig, kay kava kheer tardo hi, oun mangenn pen tele glan toute oun moukenn o čilačepen, koleske tou len dal,

Jesaja 2:12

Leskro dives vella, ko dives o baro Deblestar, ko rayestar pral o bolepen oun i phoub. Ap ko dives vell hako pre-phourdo tiknes kerdo, ninna hakeno, kay hadas pes, hakeno kay kras pes bares.

Jesaja 25:11

Ninna te hadenn le pengre vasta oun krenn len bourhles har i shvimari, djan le tele, oun ninna kova, hoy le pengre vastentsa kran. Yaake krell o baro Devel len tiknes.

Jesaja 26:5

I pre-phourden vitsrell lo ap i phoub, Lengro foro phagell lo tele, bis te hi lo čiddo an i čik.

Jesaja 28:1

Djungeles djal touke, tou foro Samaria! Tou hal čiddo ap i berga, hoy hi tardo pral o bravelo them. Oun hal har i rayeskri stadi. I menshe dran o them Efrayim, kay i molyatar mate hi, sharenn pen touha. Tiro shoukapen hi har i bloume, hoy merell tele.

Jeremia 13:9

Kova penell o baro Devel: Ninna kamau me o tselo pre-phourdepen i menshendar dran Youda oun Yerusalem paash te krell.

Jeremia 3:3

Doleske dell kek brishin an o vend, vitar gar an o niyal. Tou dikeh vin har i loubni oun kameh tout gar te ladjell.

Ezekiel 24:21

Kava penell o baro Devel, maro ray: Djinau, t'menge hi miro kheer o kamleder koova. Oun t'maro dji nashell pal leste. T'mer han pre-phourdo oun patsenn, kolenge, kay kote hi, nay djal kek čilačepen. Čačepah, me dau miro kheer kolenge an o vast, kay krenn les pale-čiddo. Oun t'mare morsh čave oun ča, kolen t'mer kote an Yerusalem pale moukan, kolla venn o rhareha moulo dino.

Ezekiel 30:6

Kava penell o baro Devel: Halauter venn maredo, kay o themeske Egiptia ap i rig van. Leskro pre-phourdepen oun leskri zoor venn phagedo. An o tselo them mank o foro Migdol oun o foro Syene venn le o rhareha moulo dino. Yaake penell kova o baro Devel, maro ray.

Ezekiel 33:28

Oun me krau o them, te vell lo i vi-meredo them, te nay venn t'mer bouder gar pre-phourdo oun zorelo. I berge an Israel venn i moulo them, kay bouder kek pral vergel djal.

Ezekiel 7:24

Doleske moukau lourden dran čilače natsyone pral o Israel te vell, te lenn le lengre khera penge dren. Oun kol raya, kay rikran i čorvelen zoryah tele, lenge krau o pre-phourdepen paash. Oun kol platse, kay mangan le pengre deblen an, moukau pale-čiddo te krell.

Zefanja 3:11

An ko tsiro hounte ladjenn t'mer Israelitarya t'men bouder gar doleske kay t'men pral mande hadan, oun yaake boud čilačepen kran. Me lau kol pre-phourden, kay rikran yaake boud pendar, mashkral dran t'mende krik. Ap miri berga, kay me djivau, dell bouder kekes, kay krell pes bares.

Louka 4:25

Čačepah, me penau t'menge: Ap ko tsiro, kay o Debleskro rakepaskro Eliya djivas, djivan boud djouvya, kolengre morsha moulo hi, an o them Israel. Ap ko tsiro das triin-te-paash bersha kek brishin. Oun i bari bok vas an o tselo them.

5. Mose 11:17

Te krenn savo koova, nashte vell i rholi o baro Deblestar pral t'mende, oun yob pandell o bolepen tele, te dell bouder gar brishin, oun i phoub nay moukell či pre te djal. Palle merenn t'mer sik vin an kava lačo them, hoy o baro Devel t'men das.

5. Mose 28:23

Oun dell kek brishin, oun i phoub tel t'mende vell yaake zorelo har bar.

1. Samuel 4:11

Oun o morhton, kay o Debleskre deesh laba dren hi, vas lendar lino. Oun o Elyeskre douy čave, o Hofni oun o Pinhas, meran.

1. Samuel 4:3

Oun har i lourde pale ap pengri platsa van, poučan i phoureder dran Israel: “Hoske kras o baro Devel, te dan men i Filistarya kava dives? Mer te las o morhton dran Shilo pash mende, kay o Debleskre deesh laba dren hi. Palle hi o baro Devel mashkral mende, oun lell men vin dran i vasta kolendar, kay kourenn pen mentsa.”