3. Mose 26:15 - O Debleskro Lab 2024 (Sinte-Manouche)

¹⁵ oun krenn gar, hoy t'mendar kamau, oun djivenn gar pal miro čačepen, oun rikrenn yaake gar dren, hoy t'mentsa vin krom,

O Debleskro Drom 2021 (Sinte)

¹⁵ un krenn gar, hoi tumendar kamau, un djiwenn gar pal miro tchatchepen, un rikrenn jaake gar dren, hoi tumentsa win krom,

3. Mose 26:15 Iomraidhean Croise

1. Mose 17:14

Hako morsh, kay gar činlo hi ap peskro mass, kova hounte ačell bouder gar djido mashkral peskre menshende. Yob rikras pes gar ap kova, hoy mer vin kram.”

2. Rajengro liil 17:15

Oun yon rikran gar leskre laba. Oun ko lab, hoy das lo lengre phourende, kay lo penas, te hi lo lengro Devel oun yon leskre menshe, ko lab his lenge či moldo. Yon moukan pen gar lestar trad te dell, oun nashan kol deblen palla, hoy či molenna. Oun yaake djivan le čičeske. Yon kran savo koova har kol menshe an i themma troul lende, kolendar o baro Devel lenge penas, te krenn le gar har yon krenna.

2. Familjakro liil 36:16

Yon sanan o Debleskre bičepangren vin. Oun leskre laba his lenge či moldo, oun yon rikran o Debleskre rakepangre dineleske. Doleske vas o baro Debleskri rholi yaake phares pral peskre menshende, te nay van le gar vin lino koy dran.

Debleskri gili 50:17

Kova rhoyrell tout, te hounte rikress tout ap mire laba. Kova, hoy touke penom, kameh tou gar te krell.

2. Mose 19:5

Kanna shounenn: Te rikrenn t'mer lauter, hoy me t'menge penau, oun shounenn ap mire tsele laba, palle han t'mer mange koučeder har i tsele vavar menshe ap kay phoub. Ninna te hi i tseli phoub miro, han t'mer kokres mire menshe,

2. Mose 24:7

Oun yob las o liil, kay yob dren činas, hoy o baro Devel peskre menshendar kamella, oun draveras kava liil i menshenge glan. Oun i tsele menshe penan: “Lauter, hoy o baro Devel penas, kamah mer te krell, oun ap leste shounell.”

Gosewe laba 1:30

Har penom lenge, hoy lenge lačo hi, kran le kova gar. Har dom len trad, dikan le krik.

Gosewe laba 1:7

Glan halauter hounte djivess o baro Debleha, te kameh gosevo te vell. Koneske o gosvepen či moldo hi, oun koon kamell či te djinell, hi dinelo.

Gosewe laba 5:12

oun peneh: “Har dinelo homs, har dom gar yak, hoy mange penlo vas. Hoske shounom gar ap koleste, kay das man trad?

Jesaja 24:5

I menshe ap i phoub moukan o Debleskro drom, oun rikran pen gar ap leskre laba, oun djivan gar yaake, har lo lentsa vin kras, oun hoy hako tsireske čačo hi. Yaake kran le i phoub pale-čiddo.

Jeremia 11:10

Yon krenn savo čilačo koova har lengre phoure kran, kay glan lende his, oun kaman ap mire laba vitar gar te shounell, oun nashan kol vavar deblen palla oun mangan len an. Yaake rikran kol menshe dran o kheer Israel oun dran o kheer Youda kol laba gar dren, hoy krom lengre phourentsa vin.

Jeremia 31:32

Kova hi gar har kova, hoy lengre phourentsa vin krom, har lom len pash o vast oun lom len dran o them Egiptia. Kol laba, hoy lende dom, te rikrenn le pen ap lende, phagan le, ninna te hom me lenge i lačo ray.

Jeremia 6:19

I menshe ap i tseli phoub hounte shounenn kova. Me kamau bibarht pral kal menshende te anell. Ap mire laba denn le kek garda, oun djan gar ap miro drom. Doleske lenn le pengri phagi.

Ezekiel 16:59

Kava penell o baro Devel, maro ray: Ava, me krau touke yaake, har tou kral: Tou dal tout sovel, te rikreh ap mande, oun rikral koy sovel gar.

3. Mose 26:11

Oun me djivau mashkral t'mende, oun sikrau t'men gar miro doumo.

3. Mose 26:43

Glan kova hounte djan le dran ko them vin, te ačell o them čiddo, oun nay lell pale nevi zoor an yaake boud bersha, hoy leske gar dren rikedo van. Oun i Israelitarya hidjrenn pengri phagi tele. Yon djivan gar pal miro čačepen, oun kolestar, hoy lendar kamom, kaman le či te djinell.

3. Mose 26:9

Me dikau lačes ap t'mende, oun krau, te lenn boud čave, yaake te venn boud. Oun hoy man sovel dom, te dap t'mende, rikrau dren.

4. Mose 15:31

Yob shounas gar ap o baro Debleskro lab. Oun kova, hoy o baro Devel penas, kras yob gar. Doleske vell yob infam, oun leskri doosh ačell ap leste.

Bičepangre 13:41

Yaake penas o Devel: T'mer, kay rikrenn o Debles dineleske, krenn bare yaka i daryatar oun merenn! Shounenn, me krau i baro koova an t'maro tsiro. Kova patsenn t'mer gar, te penell t'menge kova yek.”

Remarja 8:7

Koon kamell yaake te djivell, har yob kamella, kova kamell gar o Debles. Yob shounell gar ap kova, hoy o Devel penella. Yob nay krell les vitar gar.

5. Mose 31:16

O baro Devel penas ap o Mose: “Sik vell o dives, kay mereh. Oun pal tiro merepen moukenn i Israelitarya miro drom, oun nashenn kol deblenge palla ko themestar, an koleste venna. Oun yon djan penge mandar, oun krenn bouder gar, hoy lentsa vin krom.

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.

Hebrearja 8:9

Kava nevo drom hi gar yaake, har ko phouro drom, hoy sikrom lende ap ko dives, kay taprom lengre phouren ap i vasta, te anap len dran o them Egiptia vin. Har ačan le gar ap miro drom, moukom len.

1. Samuel 12:15

T'mer te shounenn gar ap o baro Debleste oun krenn gar, hoy lo t'menge penell, palle krell o baro Devel, te djal t'menge djoungeles, yaake har ninna t'mare phourenge djas.